LIGJI DOGANOR KAPITULLI I DISPOZITA TË PËRGJITHSHME ...

të bëhen formalitetet tjera të përcaktuara për importin e mallit dhe për pagimin e të
gjitha detyrimeve të përcaktuara me dispozitat doganore dhe dispozitat tjera..
Neni 92
1) Me përjashtim nga neni 77 nga ky ligj, me kusht që detyrimi i importit të jetë i
zvogëluar pas ditës së pranimit të deklaratës doganore, por para lëshimit të mallit në
qarkullim të lirë, deklaruesi mund të paraqes kërkesë për zbatimin të detyrimeve më
të volitshme importues.
2) Dispozitat nga paragrafi 1) të këtij neni nuk zbatohen, kur lëshimi i mallit në
qarkullim të lirë nuk ka qenë i mundshëm nga shkaqet që i ngarkohen vetëm
deklaruesit.
Neni 93
Kur dërgesa përbëhet nga malli i cili renditet në shenja të ndryshme tarifore, ndërsa
për përgatitjen e deklaratës doganore e cila paraqitet është e nevojshme punë
plotësuese dhe shpenzimet të cilat nuk do të kishin qenë në proporcion me detyrimet
doganore, organi doganor me kërkesë të deklaruesit mund të lejojë që detyrimet
doganore për tërë dërgesën të paguhen në bazë të renditjes së mallit në shenjën
doganore të atij malli me detyrim doganor më të larta.
Neni 94
1) Me përjashtim nga neni 19 paragrafi 1 nga ky ligj për mallin zbatohet detyrimi i
vetëm doganor në lartësi prej 15% nga vlera doganore e mallit;
a) të cilën personi fizik me postë ia dërgon personit tjetër fizik ose
b) të cilën udhëtari e bart me vete ose e ka dhënë në transport, vetëm me kusht që ai mall
të mos jetë i natyra tregtare dhe me kusht që vlera e dërgesës së veçantë ose mallit që
udhëtari e bart me vete të mos e kaloj vlerën e caktuar në dispozitën e nenit 257 nga
ky ligj.
2) Dispozitat nga paragrafi 1) nga ky nen nuk zbatohen për mallin të cilën në tarifën
doganore është paraparë detyrim doganor zero dhe për mallin që në pajtim me këtë
ligj, lirohet nga pagesa e doganës.
3) Me përjashtim të paragrafit 1) të këtij neni udhëtari ose pranuesi i dërgesës mund të
kërkojë që malli të doganohet me detyrimin importues të përcaktuar në Tarifën
doganore.
4) Konsiderohet se malli nuk është i natyrës tregtare nëse;
a) bëhet fjalë për dërgesë të mallit nga një person fizik në person tjetër fizik, ndërsa
dërgesa e tillë;
- nuk është dedikuar për rishitje ose për kryerjen e ndonjë veprimtarie tjetër
fitimprurëse,
- përmban vetëm mall, kryesisht për përdorim personal të pranuesit ose të anëtarëve të
familjes së tij, të cilët jetojnë bashkë me pranuesin, ndërsa sipas natyrës dhe sasisë
nuk është për qëllime tregtare,
- është dërguar pa pagesë.
b) bëhet fjalë për mall të cilin udhëtari e bart me vete ose e ka dhënë për transport dhe;
- nuk është dedikuar për rishitje ose kryerjen e ndonjë veprimtarie tjetër;
- është dedikuar kryesisht për përdorimin personal të udhëtarit dhe anëtarët e familjes së
tij të cilët jetojnë me atë ose për dhuratë, nëse natyra e saj dhe sasia nuk është për
qëllime tregtare.