LIGJI DOGANOR KAPITULLI I DISPOZITA TË PËRGJITHSHME ...

3) Kur zbatohet paragrafi 1) i këtij neni, malli i importuar për qëllime doganore
llogaritet si mall përkatës, ndërsa mall i njëjta si mall importues.
4) Me rregullën e nenit 257 të këtij ligji mund të caktohen masa të cilat kanë për qëllim
ndalimin, imponimin e kushteve të caktuara ose lehtësimin e zbatimit të paragrafit 1)
të këtij neni.
5) Kur zbatohet paragrafi (1) pika (b) e këtij neni, ndërsa prodhimet e fituara do të jenë
lëndë e taksave eksportuese , nëse ato nuk janë eksportuar sërish në procedurën e
importit për fisnikërim, poseduesi i lejes duhet të depozitoj garanci për sigurimin e
pagesës të detyrimeve eksportuese derisa malli importues nuk importohet në afat të
caktuar.
2. Dhënia e lejes
Neni 130
Organi doganor jep leje me kërkesë të personit i cili kryen operacionet e fisnikërimit
ose të personit që organizon kryerjen e tyre.
Neni 131
Leja nga neni 130 i këtij ligji u jepet vetëm:
a) personave të regjistruar në Republikën e Maqedonisë. Leja mund tu jepet edhe
personave të cilët nuk janë të regjistruar në RM për import të mallit nga natyra jo
komerciale.
b) kur përveç në rastin e nenit 128 paragrafi 2 pika c alineja 5 e këtij ligji, malli i
importuar mund të njihet në prodhimet e fituara ose në rast të nenit 129 të këtij ligji
mund të kontrollohet plotësimi i kushteve për përdorimin e mallit të njëjtë;
c) nëse procedura e importit për fisnikërim mund ta ndihmojë në krijimin e kushteve më
të favorshme për eksport ose eksport të sërishëm të produkteve të fituara me kusht që
të mos cenohen interesat qenësore të prodhuesve vendas ( kushtet ekonomike). Me
rregullën e nenit 257 të këtij ligji përcaktohen rastet në të cilat llogaritet se kushtet
ekonomike janë të plotësuara.
3. Ngritja e procedurës
Neni 132
1) Autoritet doganore përcaktojnë afatin në të cilin produktet e fituara duhet të jenë të
eksportuara ose sërish të eksportuara ose për të cilat doemos duhet të përcaktohet
veprim tjetër i lejuar doganor ose përdorim i mallit. Gjatë përcaktimit të afatit merret
parasysh koha e nevojshme për kryerjen e operacioneve të fisnikërimit dhe porosisë
së produkteve të fituara.
2) Afati në paragrafin (1) i këtij neni fillon të rrjedhë nga dita kur malli i huaj është
vendosur në procedurë të importimit për fisnikërim. Organi doganor mund të jep leje
për vazhdimin e afatit në bazë të kërkesës së arsyeshme me shkrim të parashtruar me
kohë të poseduesit të lejes. Për arsye të thjeshtësimit, organi doganor mund të vendos
që afati i cili fillon në ditën e caktuar nga muaji kalendarik ose kuartal, të skadojë në
ditën e fundit të muajit të ardhshëm kalendarik ose të kuartalit.
3) Kur zbatohet neni 129 paragrafi (1) pika (b) I këtij ligji, organi doganor e përcakton
afatin në të cilën malli i huaj doemos duhet të jetë i deklaruar për procedurën e