LIGJI DOGANOR KAPITULLI I DISPOZITA TË PËRGJITHSHME ...

2) vlerën doganore të mallit identik ose të ngjashëm, të përcaktuar në pajtim me nenin 32
të këtij ligji;
3) vlerën doganore të mallit identik ose të ngjashme të përcaktuar në pajtim me nenin 33
të këtij ligji.
Gjatë zbatimit të kontrolleve paraprake, duhet të merren parasysh ndryshimet e
paraqitura në nivele komerciale, sasitë, elementet e numëruara në nenin 35 të këtij
ligji dhe shpenzimet që bien në llogari të shitësit gjatë shitjes në të cilën shitësi dhe
blerësi nuk janë të lidhur, e të cilët nuk janë paraqitur gjatë shitjes në të cilën shitësi
dhe blerësi janë të lidhur.
c) Kriteret e paraqitura në paragrafin (2) pika b) e këtij neni, zbatohen me kërkesën e
deklaruesit dhe vetëm për nevojat e krahasimit, e jo edhe për zëvendësimin e vlerave.
3. a) Çmimi i vërtetë i paguar ose çmimi që duhet të paguhet është pagesa e plotë që
është kryer ose që duhet të kryhet nga blerësi ndaj ose për interes të shitësit për mallin
e importuar, dhe i përmban të gjitha pagesat që janë kryer ose duhen të kryhen si
kusht për shitjen e mallit të importuar nga blerësi ndaj shitësit ose nga blerësi ndaj
personit tjetër për plotësimin e obligimeve të shitësit. Pagesa nuk duhet gjithmonë të
kryhet me bartjen e parave. Pagesa mund të kryhet përmes akreditivit ose
instrumenteve bartëse, në mënyrë të drejtpërdrejtë ose me ndërmjetësim.
b) Aktivitetet, duke përfshirë edhe aktivitetet e marketingut, që i merr blerësi në llogari
të vet, tjera nga ato për të cilat është përcaktuar adaptimi i vlerës në pajtim me neni
35 të këtij ligji, nuk konsiderohen si pagesë me ndërmjetësim ndaj shitësit, edhe pse
mund të konsiderohen se janë me interes për shitësin ose janë ndërmarrë në
marrëveshje me shitësin. Shpenzimet për këto aktivitete nuk i shtohen çmimit që
vërtetë është paguar ose që duhet të paguhet gjatë përcaktimit të vlerës doganore të
mallit të importuar.
Neni 29
1) a) Nëse vlera doganore e mallit të importuar nuk mund të përcaktohet në pajtim me
nenin 28 të këtij ligji, si vlerë doganore konsiderohet vlera e transaksionit të mallit
identik të shitura për eksport në Republikën e Maqedonisë dhe të eksportuara në kohë
të njëjtë ose përafërsisht të njëjtë si malli i cili vlerësohet.
b) Nëse zbatohet ky nen, gjatë përcaktimit të vlerës doganore, përdoret vlera e
transaksionit të mallit identik i cili shitet në nivelin e njëjtë komercial dhe kryesisht
në sasi të njëjtë, si dhe malli i cili vlerësohet. Kur shitja e këtillë nuk është gjetur,
përdoret vlera e transaksionit të mallit të njëjtë e shitur në nivel të ndryshëm
komercial ose sasi të ndryshme, me adaptimin e nevojshëm për shkak të dallimeve në
nivel komercial ose sasior, e me kusht që adaptimi i këtillë mund të kryhet në bazë të
dëshmive prej të cilave del qartë arsyeja dhe saktësia e adaptimit, pa dallim nëse me
adaptimin rritet ose po zvogëlohet vlera.
2) Nëse shpenzimet e shënuara në nenin 35 paragrafi (1) pika d) e këtij ligji janë
përfshirë në vlerën e transaksionit, duhet të bëhet adaptimi për të marrë parasysh
ndryshimet e konsiderueshme të atyre shpenzimeve ndërmjet mallit të importuar dhe
mallit të njëjtë, e të cilat dalin nga largësia e ndryshme dhe lloji i transportit.