LIGJI DOGANOR KAPITULLI I DISPOZITA TË PËRGJITHSHME ...

Neni 77
Përveç nëse nuk është rregulluar ndryshe me këtë ligj dhe me dispozitat e aprovuara
në bazë të këtij ligji, dita që shfrytëzohet për zbatimin e të gjitha dispozitave të cilat e
rregullojnë procedurën doganore për të cilën malli është deklaruar, është dita e
pranimit të deklaratës doganore nga organi doganor.
Neni 78
Për shkak të kontrollit të deklaratës doganore të pranuar, organi doganor:
a) t’i kontrollojë dokumentet të cilat janë bashkangjitur me atë. Organi doganor mund të
kërkojë që deklaruesi të paraqesë edhe dokumente tjera për shkak të kontrollit të
saktësisë së disa të dhënave të përmbajtura në deklaratën doganore;
b) ta kontrollojë mallin dhe të marrë mostra për analizë ose për kontroll më të
hollësishëm.
Neni 79
1) Transporti i mallit deri në vendin për kontrollin ose marrjen e mostrave, dhe tërë
përdorimin e domosdoshëm për kontrollin e mallit ose marrjen e mostrave, e bën
deklaruesi ose bëhet në përgjegjësi të tij. Shpenzimet e shkaktuara janë në barrë të
deklaruesit.
2) Deklaruesi ka të drejtë të jetë i pranishëm gjatë kontrollit të mallit dhe marrjes së
mostrave. Kur e konstaton si të nevojshme, autoritetet doganore i kërkojnë deklaruesit
të jetë i pranishëm ose i përfaqësuar gjatë kontrollit të mallit ose marrjes së mostrave,
për tu dhënë atyre ndihmën e nevojshme për lehtësimin e kontrollit të mallit ose të
marrjes së mostra.
3) Në qoftë se marrja e mostrave është në pajtim me procedurën e rregulluar me
dispozitat nga neni 257, organi doganor nuk është i obligueshëm që deklaruesit ti
paguaj kompensimin për mostrat e marra..
Neni 80
1) Kur bëhet kontrolli vetëm i një pjesë të mallit të përfshirë me deklaratën doganore,
rezultatet nga kontrolli i pjesshëm ka të bëjnë me tërë mallin e përfshirë në atë
deklaratë. Deklaruesi mund të kërkojë të vazhdohet me kontrollin e mallit, nëse
konsideron se rezultatet e kontrollit të pjesshëm nuk janë valide për mallin e ngelur të
deklaruar.
2) Në kuptim të paragrafit 1 nga ky nen, kur formulari i deklaratës përfshinë dy ose më
shumë emërtime, të dhënat që kanë të bëjnë me secilin emërtim, konsiderohet se
paraqesin deklaratë të veçantë doganore.
Neni 81
1) Rezultatet nga kontrollimi i deklaratës përdoren për zbatimin e dispozitave doganore
dhe dispozitave tjera me të cilat rregullohet procedura doganor në të cilën është vënë
malli.
2) Kur deklarata doganore nuk kontrollohet, dispozitat nga paragrafi 1) zbatohen në
bazë të të dhënave të përcaktuara në deklaratën doganore.
Neni 82