revista shen antoni nr 6.cdr - Famulliabinqes.com

Shën Antoni i Padovës, Viti II nr. 6, Prill 2010
Për shumë mot e më gëzime Pashkët
I dashuri lexues, të kremtosh Pashkët dhe të jetosh Krishtin e ringjallur,
do të thotë të riformulosh botën në një botë të re, ku nuk do të ketë
padrejtësi, dhunë, egoizëm, urrejtje, ndasi, por përpjekje për drejtësi,
dashuri, harmoni, të cilat do të jenë fuqi shpirtërore për jetën tone që
fiton mbi të keqën dhe vdekjen. Jemi të vetëdijshëm që shpesh herë në
jetën tonë ndodhë fitorja e jetës mbi vdekjen. Jeta jonë është e lidhur me
dashuri, sepse Ati aq shumë e ka dashur botën sa që e ka dhanë Birin e vet
që gjithçka të bëj të re. Çdo herë kur dikush ndihmon ndokënd, kujdeset
për të me dashuri, është fitore e jetës mbi vdekjen, janë Pashkët.
Derisa lutem që secili prej nesh personalisht ta takojë Krishtin e ringjallur
në jetën tonë dhe të forcojë bashkimin tonë me të dhe mes veti dhe Ati të
na jep hirin, që me fuqinë, paqen dhe gëzimin e jetës së re, të Krishtit të
ringjallur, të gjithëve për shumë mot e me bekime Pashkët me dëshirën
që të gjithë ne të ringjallemi në njerëz më të mirë, më të dashur, më të
gatshëm për ta ndihmuar, falur dhe dashur njëri tjetrin! Për shumë mot
Pashkët!
Redaksia
Ringjallja e Krishtit është moment historik i fitores së të mirës ndaj të
keqes, të hirit ndaj mëkatit, të jetës mbi vdekjen. Ringjallja e Krishtit
mbetët frymëzim i përjetshëm për njerëzimin, simbol i flijimit dhe
dashurisë për botën. Duke iu uruar Pashkët lusim Krishtin e ringjallur që
të jetë gjithmonë i pranishëm në familjet tona duke i ruajtur ato të
bashkuara në paqe e dashuri .
Këshilli i Kishës nga Diaspora