strategji për përfshirje sociale, mbrojtje sociale dhe ulje të varfërisë ...

KREU 1 – PROCESI I PLANIFIKIMIT STRATEGJIK DHE TË AKSIONIT
1.1 Qëllimi, rroli dhe detyrat
Instituti i të Drejtave të Njeriut “Ludvig Bolcman”, Asociacioni Hulumtues Shkup (BIM-FV) në kuadër të projektit
“Përfshirja sociale dhe të drejtat e njeriut në Maqedoni” ka për qëllim ta zbatojë qasjen e mbështetur në të drejtat
e njeriut në procesin e planifikimit të autoriteteve nacionale dhe lokale të cilët punojnë në çështje të lidhura me
përfshirjen sociale, mbrojtjen sociale dhe uljen e varfërisë, që kontribuon drejt qëllimit të përgjithshëm për ulje të
varfërisë në Maqedoni, nëpërmjet përkrahjes së zbatimit të qasjes së mbështetur në të drejtat e njeriut në fushën e
përfshirjes sociale, e në kuadër të procesit të qasjes ndaj UE, nëpërmjet punës së bartësve të të drejtave dhe bartësve
të kompetencave.
Në kuadër të projektit, Instituti i të Drejtave të Njeriut “Ludvig Bolcman” (BIM-FV Shkup) angazhoi 4 konsulentë të cilët
do t’i përkrahin Partner Grupet Lokale në 8 komuna të përzgjedhura Berovë/Pehçevë, Studeniçan/Çashkë, Radovish/
Konçe, Likovë dhe Negotinë për përpunimin e dokumenteve për varfërinë, përfshirjen sociale dhe mbrojtjen sociale,
prioritetizimin dhe planifikimin strategjik dhe të aksionit.
Qëllimet kryesore të projektit janë:
6
• Të vlerësohen dhe përfshihen të dhënat e mbledhura nga Studimi për varfërinë dhe ç’kyçjen sociale në
procesin e përpunimit të dokumenteve për varfërinë, mbrojtjen sociale dhe ç’kyçjen sociale, prioritetizimin dhe
planifikimin strategjik dhe të aksionit.
• T’i përkrahin Partner Grupet Lokale në procesin e identifikimit të grupeve dhe personave të lëndueshëm, të cilët
janë më të margjinalizuar dhe të cilët ballafaqohen me diskriminim të shumëfishtë.
• Të përkrahen Partner Grupet Lokale në përpjekjet e tyre në gjetjen e zgjidhjeve për integrim të grupeve të
personave të lëndueshme dhe të varfra në procesin e planifikimit të zhvillimit lokal.
• Të kontribuojnë drejt prioritetizimit dhe drejt qëndrimeve të Partner Grupeve Lokale në sigurimin e përparimit
drejt rezultateve të dëshiruara.
• Ta promovojnë dhe të mbeten të fokusuar në rezultatet e pritura nga aspekti i Projektit Instituti i të Drejtave të
Njeriut – Asociacioni Hulumtues Shkup (BIM-FB) për ç’kyçje sociale dhe të drejta të njeriut në RM.
• Ta kenë parasysh dhe ta përfshijnë aspektin gjinor gjatë tërë procesit të konsultimeve, veçanërisht duke e pasur
parasysh varfërinë dhe ç’kyçjen sociale të grave, si edhe përkushtimi i vëmendjes së posaçme raporteve të fuqisë
dhe proceseve të sjelljes së vendimeve në nivel lokal.
• Ta kenë parasysh dhe ta përfshijnë aspektin e mbrojtjes së mjedisit jetësor gjatë tërë procesit të konsultimeve.
1.2 Parimet mbi të cilat është e vendosur strategjia
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Gjatë përpunimit të Dokumentit Strategjik të Komunës së Studeniçanit u shfrytëzua qasja participative. Kjo qasje u
mundësua nëpërmjet pjesëmarrjes së Partner Grupit Lokal në formulimin e fushave me prioritet të intervenimit në
fushën e përfshirjes sociale, mbrojtjes sociale dhe zvogëlimit të varfërisë në Komunën e Studeniçanit, prioritetizimit
të grupeve të personave të lëndueshëm dhe të varfër në komunë, qëllimeve strategjike dhe aktiviteteve. Nëpërmjet
qasjes participative u sigurua pjesëmarrja e të gjithë faktorëve kyçë në përpunimin e Planit Strategjik. Njëkohësisht,
qasja participative e planifikimit strategjik u forcua me qasjen vizionare dhe analitike. Zbatimi i suksesshëm i qasjes
vizionare në përpilimin e Dokumentit Strategjik i referohet përvojës së anëtarëve të Partner Grupit Lokal, përkushtimit
të tyre të thellë me gjendjet dhe problemet në Komunë. Megjithatë, gjatë përcaktimit të grupeve të lëndueshme,
fushave me prioritet, qëllimeve strategjike dhe aktiviteteve, Partner Grupi Lokal mbante llogari edhe për gjendjen
reale dhe mundësitë për zhvillim të komunës. Gjendja reale është shprehur nëpërmjet fakteve të treguara në të
dhënat zyrtare statistikore, si edhe të dhëna dhe informata të tjera të njohura botërisht të fituara nga ana e faktorëve
dhe anëtarëve të Partner Grupit Lokal.
Në procesin e planifikimit strategjik dhe përpilimit të Dokumetnit Strategjik të Komunës së Studeniçanit, faktorët
(Partner Grupi Lokal, Ekipi i Projektit i BIM-FV, konsulentët lokalë dhe pjesëmarrësit e tjerë në procesin e formulimit të
tij) i ka parasysh parimet vijuese:
• Cilësi. Cilësia gjatë procesit të vendosjes dhe rezultatet nga ajo
• Përgjegjësi. Përgjegjësia e aktiviteteve të ndërmarra; vlerësimi dhe shpërblimi përkatës i punës, por edhe
përgjegjësia përkatëse për dështimet.
• Ligjshmëri. Respektimi i ligjeve, pranimi i vendimeve nga ana e të gjithë qytetarëve të Komunës së Studeniçanit
si legjitime.
• Qëndrueshmëri. Qëndrueshmëri ekonomike dhe qëndrueshmëri e mjedisit jetësor.
• Profesionalizëm. Standarde të vendosura lartë në punën e faktorëve dhe qëndrueshmëri në zbatim.
• Barazi. Barazi e të gjithë qytetarëve dhe bashkërive etnike në Komunën e Studeniçanit dhe respektimi i tyre i
ndërsjellë.
• Përfshirje. Përfshirje aktive e grupeve të lëndueshme dhe/ose përfaqësuesve të tyre në të gjitha fazat e