strategji për përfshirje sociale, mbrojtje sociale dhe ulje të varfërisë ...

Si mjete për verifikim shfaqen Raportet e Komunës, shoqatat e qytetarëve dhe Subjektet juridike të cilat do t’i zbatojnë
aktivitetet, procesverbalet e mbledhjeve të GLA, të cilat i udhëheq përfaqësues i komunës.
3.4.3. Mbrojtja sociale/marrja e masave plotësues për mbrojtje sociale
Qëllimet dhe politikat në raport me mbrojtjen sociale llogariten si një nga prioritetet më të rëndësishme të Qeverisë
së Republikës së Maqedonisë. Një pjesë e këtyre masave është përfshirë në sistemin e mbrojtjes sociale me ç’rast janë
të pranishme elemente të parandalimit, mbrojtjes jashtëinstitucionale dhe institucionale dhe llojet e ndihmës sociale
nga mbrojtja sociale.
Në këtë kuptim thirremi në Strategjinë nacionale për zvogëlim të varfërisë (2010-2020) qëllimi specifik strategjik i së
cilës në pjesën e mbrojtjes sociale është formimi i sistemit të mbrojtjes sociale të qytetarëve më të varfër, sigurimin
e qasjeve ndaj formave jashtëinstitucionale dhe institucionale të mbrojtjes dhe forcim të kapaciteteve të sistemit të
mbrojtjes sociale.
3.4.3.1. Krijimi i kushteve për stabilitet social dhe ekonomik për të gjithë qytetarët në Komunën e Studeniçanit
Me qëllim të Krijimit të kushteve për stabilitet social dhe ekonomik të gjithë qytetarët në Komunë PGL i vendosi
veprimet vijuese strategjike:
-Ndarja e mjeteve nga buxheti i Komunës me qëllim të vendosjes në funksion të Sektorit të Mbrojtjes Sociale në
Komunë
Është parashikuar edukimi i të punësuarve në komunë për format e mbrojtjes sociale të cilat mund të realizohen në
nivel lokal, si edhe formimi i Sektorit për Mbrojtje Sociale në Komunë, roli i të cilit do të jetë dhënia e shërbimeve nga
fusha e mbrojtjes sociale në kuadër të kompetencave ligjore dhe i cili do të jetë një lloj shërbimi social deri te i cili
qytetarët do të kenë qasje të lehtë. Por me qëllim të operacionalizimit të sektorit të këtillë, nevojitet që Komuna të
ndajë një pjesë të buxhetit të saj për nevojat e këtij Sektori.
-Promovimi i angazhimit ekonomik të kategorisë sociale
Këtu nënkuptohen aktivitetet e promovimit të mundësisë personat të cilët bëjnë pjesë në kategorinë e më të varfërve
dhe të rrezikuarve socialë të jenë pjesë e projekteve të cilat ofrojnë punësim për këto presona në kuadër të Komunës.
Si rreziqe të mundshme për realizimin e këtyre aktiviteteve shfaqen buxheti i pamjaftueshëm në dispozicion, si edhe
mosbashkëpunimi me Njësinë Rajonale të Ministrisë së Punës dhe Politikës Sociale të Komunës së Kisella Vodës, e cila
e mbulon edhe territorin e Komunës së Studeniçanit.
Si tregues për arritjen e këtij qëllimi strategjik janë përcaktuar në vijim: zvogëlimi i numrit të pranuesve të ndihmës
sociale, shuma e mjeteve të ndara nga buxheti i Komunës për ndihmë sociale, numri i personave ekonomikisht të
angazhuar nga kategoritë sociale, rritje e zbatimit të punëve publike, numri i kuadrove të rinj të trajnuar në Komunë.
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
25
Si mjete për verifikim paraqiten Raportet e Komunës, Regjistri Qendror dhe Drejtoria e të Hyrave Publike, Raportet
(mujore dhe vjetore) për punë në Sektorin për Mbrojtje Sociale, Raporte të Agjencisë për punësime të përkohshme.
3.4.3.2. Kujdesi dhe informimi i qytetarëve të rrezikuar social dhe të margjinalizuar
Me qëllim të kujdesit dhe informimit të grupeve të rrezikuara sociale dhe të margjinalizuara në institucionet në
Komunë PGL i vendosi veprimet vijuese strategjike:
- Vizita të rregullta të personave profesionistë në terren dhe informimi i rregullt
Këtë aktivitet do ta zbatojnë personat e Sektorit për Mbrojtje Sociale në Komunë, si pjesë e detyrave të tyre të rregullta
të punës. Përveç që do të kenë vazhdimisht informata të sakta dhe të azhurnuara për gjendjen në terren, ata në të
njëjtën kohë do të vepronin si këshillëdhënës të qytetarëve nga fusha e të drejtave dhe mbrojtjes sociale.
-Forcimi i bashkëpunimit mes Komunës, pushteti qendror dhe sektorit joqeveritar
Me forcimin e bashkëpunimit, mundësitë për përfshirjen aktive në projekte të interesit të përbashkët dhe interesit të
mirë shoqëror të të gjithë atyre rriten, janë zhvilluar raporte partneriteti me sektorin afarist në ofrimin e shërbimeve
lokale dhe sociale.
Si rreziqe të mundshme këtu paraqitet nga njëra anë mosinteresimi i NJR në Kisella Vodë për bashkëpunimin e këtillë,
ndërsa nga ana tjetër mospasja e buxhetit të mjaftueshëm për zbatim të aktiviteteve të lartpërmendura.