strategji për përfshirje sociale, mbrojtje sociale dhe ulje të varfërisë ...

Si tregues për arritjen e këtij qëllimi strategjik janë vendosur vijueset: numri i pranuesve të ndihmës sociale,
numri i vizitave në terren nga ana e ekipeve profesionale, numri i personave të cilët kanë pranuar ndihmë dhe
konsultime, numri i projekteve të realizuara për kujdes ndaj grupeve të qytetarëve të rrezikuar socialë dhe grupeve të
margjinalizuara të qytetarëve, shuma e mjeteve nga buxheti i Komunës i ndarë për mbrojtje sociale, numri i kategorive
sociale ekonomikisht të angazhuara.
Si Mjete për verifikim shfaqen Raportet e Komunës, Raportet e Njësisë rajonale të MPPS Kisella Vodë, raporte nga
shoqata e qytetarëve, marrëveshje për bashkëpunim me subjekte relevante juridike, Arkivi i komunës për propozim
projekte të përbashkëta të dorëzuara pranë organizatave ndërkombëtare dhe të ngjashme, informata të ueb faqeve
të donatorëve për projektet e fituara, raporte nga agjencia për punësim, DHP.
3.5. Rezultate nga diskutimet e realizuara me grupet e fokusit në Komunë
Fokus grupet paraqesin pjesë vitale në procesin e përpunimit të dokumenteve për varfërinë dhe ç’kyçjen sociale. Ata e
plotësojnë procesin e elaborimit të dokumenteve për ç’kyçje sociale dhe varfëri, prioritetizimin, planifikimin strategjik
dhe të aksionit me atë që shtojnë vlerë plotësuese dhe emocione për atë që varfëria dhe ç’kyçja sociale paraqesin për
kategoritë e lëndueshme. Nëpërmjet citimeve të drejtpërdrejta dhe përmbledhjes së pikave kryesore të diskutimit,
rezultatet nga grupet e fokusit do të tregojnë pakë “jetë reale” në dokumentin strategjik. Metodologjia e grupeve të
fokusit parasheh motivim dhe inkurajim të pjesëmarrësve të flasin hapur dhe pa frikë për të gjitha pyetjet relevante,
për përvojat, shpresat dhe frikën e tyre.
Bujq të cilët nuk mund ta legalizojnë biznesin bujqësor
Ky grup i fokusit numëronte 7 pjesëmarrës. Ata janë bujq të cilët kultivojnë shalqi, dredhëza, duhan, speca dhe
prodhime të tjera bujqësore. Ballafaqohen me probleme të llojit të ujësjellësit të keq, harxhime të larta për naftë,
farëra, plehra. Në këtë komunë nuk ekziston pikë për blerje të prodhimeve bujqësore dhe për këtë arsye bujqit nuk
mund t’i plasojnë prodhimet e tyre në treg. Janë të interesuar për subvencione për blegtori por nuk janë mjaftueshëm
të informuar nga shteti cilat kushte nevojiten që t’i fitojnë këto subvencione.
Gjithashtu për shkak të gjendjes së vështirë materiale nuk kanë mekanikë për përpunimin e tokës dhe për këtë arsye
kanë prodhim të ulët dhe cilësi më të dobët. U nevojitet organizim dhe informim për atë cila kulturë do të kultivohet
në regjionin e tyre. Nëse ekziston kulturë standarde e cila do të kultivohej me këtë do të garantohej blerja dhe çmimi
i prodhimeve. Për shkak të gjendjes së keqe ekonomike nuk mund të investojnë në bujqësi dhe blegtori, dhe me këtë
të fillojnë me kultivimin e kulturave të reja, ndërsa mjedisi ka kushte të shkëlqyeshme për bujqësi dhe blegtori.
26
Si do ta kishin ndryshuar këtë gjendje, bujqit janë me qëndrim se duhet të krijohet pikë për blerje, dhe të fitojnë
garanci se prodhimet do t’u blihen si edhe çmim i garantuar i blerjes. Njëkohësisht, nevojitet të zbatohet mbjellje dhe
kultivim i planifikuar i kulturave bujqësore.
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Për statusin e tyre social janë shprehur se janë të varfër dhe nuk kanë mjete t’i përmbushin nevojat themelore, Nuk
mund të realizojnë të drejtë për pension për shkak se nuk janë të regjistruar si bujq. Për këtë arsye nuk mund t’i
shkollojnë fëmijët, ndërsa sigurim shëndetësor sigurojnë si persona të papunë dhe atë të drejtë e realizojnë nëpërmjet
entit për punësim.
Për shkak të gjendjes së vështirë materiale ballafaqohen me emigrim të madh të popullsisë nga komuna. Ndaj kësaj
shtuan edhe se infrastruktura në Komunë është e keqe, ujësjellësi nuk i përmbush nevojat e popullsisë, ndërsa uji
është me cilësi të keqe për shkak se rrjeti i ujësjellësit është i ndërtuar me gypa të asbestit. Deponia e Drislës është
afër dhe gjithnjë e më shpesh ballafaqohen me erë të pakëndshme. Ata mendojnë se nevojitet dislokim i deponisë
së Drisllës.
Puna e shërbimeve lokale deri tani i kënaq nevojat e tyre dhe nuk ekzistojnë dallime gjatë dhënies së shërbimeve
të disponueshme pa dallim nëse je rast social, i papunë ose i hendikepuar por u nevojitet këshilltar për bujqësi në
Komunën e tyre.
Kjo kategori e lëndueshme është e gatshme të bashkëpunojë dhe të jep kontributin e saj në aktivitetet për përfshirjen
sociale, por njerëzit e humbin besimin në shtetin dhe me këtë zvogëlohet interesimi për pjesëmarrje. Vetë ligjet janë
mjaftë konfuze dhe nevojiten shumë dokumente që të legalizohet biznesi bujqësorë, e me këtë të realizohet e drejta
për subvencione nga shteti.
Nuk kanë informata dhe nuk i ndjekin ligjet ekzistuese për mbrojtje të personave të varfër më të lëndueshëm dhe
llogarisin se nuk kanë të drejta të njëjta qytetare me popullsinë tjetër.
Në fund u rezymua se nevojitet të investohen para për zhvillim të bujqësisë, të hapen qendra për blerje të prodhimeve,
vendosja e programit për avancim të bujqësisë dhe sjellja e programit për plasim më të mirë të prodhimeve
bujqësore. Nevojitet organizim mes komunës dhe bujkut, në atë mënyrë janë të mundshme suksese më të mëdha
dhe bashkëpunim më i mirë.