strategji për përfshirje sociale, mbrojtje sociale dhe ulje të varfërisë ...

më të rëndësishme për funksionimin e Qendrës për punë sociale numërohet mungesa e automjeteve për qasje në
teren dhe mungesa e pajisjeve teknike (telefonave).
Qendra për punë sociale ka bashkëpunim me komunën, por ajo është më tepër formale dhe realizohen bashkëpunime
vetëm gjatë realizimit të punës në terren. Bashkëpunimi i Qendrës për punë sociale nga Komuna e Kisella Vodës me
sektorin joqeveritar, organizatat fetare dhe sektorin privat vlerësohet si i dobët. Është e rëndësishme të shënohet
lëshimi i praktikës për bashkëpunim me shkollat. Me institucionet shëndetësore bashkëpunohet vetëm në rastet kur
nevojitet mendim profesional për shkak të realizimit të të drejtës për kujdes të personit tjetër.
Analiza e strukturës së shfrytëzuesve të ndihmës financiare nga mbrojtja sociale në territorin e komunës së
Studeniçanit tregon se 1100 amvisëri janë shfrytëzuese të ndihmës sociale financiare, 140 familje shfrytëzojnë
ndihmë të vazhdueshme financiare. Rreth 10 persona shfaqen si shfrytëzues të ndihmës së njëhershme financiare
në vitin e fundit. Gjithashtu në muajin nëntor janë evidentuar 101 shfrytëzues të shtesës fëmijërore, 86 të shtesës së
posaçme fëmijërore, 170 shfrytëzues të shtesës prindërore dhe 12 shfrytëzues të ndihmës së njëhershme.
E drejta për ndihmë financiare nga mbrojtja sociale më së shpeshti nuk realizohet për shkak të mosposedimit të
dokumentacionit të plotë, si edhe konstatimit të paraqitjes së rrejshme të gjendjes nga ana e disa shfrytëzuesve gjatë
kryerjes së njohjes dhe vlerësimit të gjendjes.
Për grupin më problematik të shfrytëzuesve për punë theksohet puna me shfrytëzuesit e ndihmës së përhershme
financiare dhe ndihmës sociale financiare, para së gjithash për shkak të agresivitetit të tyre të tyre kur bëhet fjalë për
përcaktimin e gjendjes së vërtetë të familjes e cila është shfrytëzuese, kur shfrytëzuesi ka shkuar jashtë vendit dhe të
ngjashme.
3.1.8 Probleme ekonomike në Komunë
Në territorin e komunës së Studeniçanit në disa vende ka rrezik nga erozioni i tokës, ndërsa përveç deponisë së
Drisllës e cila është bombë ekologjike, gjithashtu ka edhe deponi të egra të krijuara nga qytetarët e pandërgjegjshëm.
Nëpër sinorin e vendbanimeve Studeniçan dhe Moranë kalon i ashtuquajturi “Kanal i Zi”, i cili rrjedh nga Pintija dhe
Draçeva, si kanal i cili së pari ka qenë i destinuar për ujërat atmosferike. Megjithatë, në të në mënyrë të egër janë
bashkangjitur kanalizime të ujërave të zeza të cilat shpesh derdhen në tokën e punueshme bujqësore.
3.1.9 Gjendja me institucionet tjera në Komunë
Institucione sociale: Rrjeti i institucioneve sociale është në tërësi i pazhvilluar. Nuk ka asnjë kopsht fëmijëror, shtëpi
për persona të moshuar ose ente tjera sociale.
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Institucionet kulturore: Rrjeti i institucioneve kulturore aspak nuk është i zhvilluar. Nuk ka muze, teatër, kinema. Ka
tre biblioteka të cilat funksionojnë në kuadër të shkollave.
17
Objektet sportive: Nuk ka sallë sportive të tipit të mbyllur. Në komunë ka disa fusha sportive të tipit të hapur.
Mediet: Nuk ka media të shtypura e as elektronike.
Organizatat qytetare: Funksionojnë dy organizata qytetare: Fondacioni “Evro Centar” dhe “Artizanati” – Shoqata e
parë e grave Shqiptare.
Subjektet ekonomike: Në territorin e komunës së Studeniçanit degë ekzistuese ekonomike janë prodhimi dhe
përpunimi i prodhimeve bujqësore dhe tregtia (kryesisht si ekonomi e zezë).
3.2.Janë identifikuar grupet e lëndueshme (nevojat dhe prioritetet)
1.Persona me nevoja të veçanta
Personat me nevoja të veçanta nuk janë të pranuar nga mjedisi dhe nuk u janë të siguruara kushte për përfshirjen e
tyre sociale. Problemi me të cilin ballafaqohen personat me nevoja të veçanta është kujdesi i papërshtatshëm si edhe
pamundësia të edukohen. Arsyeja qëndron në mbylljen e mjedisit dhe turpi mos të pranohet se ekziston person
me nevoja të veçanta në një familje dhe mjedis. Për këtë arsye ata janë të ç’kyçur nga bashkësia ndërsa familjet në
të cilat janë lindur fëmijë me nevoja dhe aftësi të veçanta ballafaqohen me rrezik që anëtarët e tjerë të familjes të
anashkalohen si “bartës të sëmundjeve”.
Mënyra e përfshirjes
Është e nevojshme të identifikohen këta persona, të përcaktohet niveli i invaliditetit, të zgjohet vetëdija publike e
bashkësisë dhe familjes për pranim të personave me nevoja të veçanta, të ofrohen zgjidhje për to dhe familjet e tyre