strategji për përfshirje sociale, mbrojtje sociale dhe ulje të varfërisë ...

Për zbatimin e qasjes pjesëmarrëse në planifikim duhet të plotësohen kushtet vijuese, të cilat në Komunën e
Studeniçanit u përmbushën:
• përgatitje e kryetarit të komunës dhe e administratës lokale, si edhe e këshillit komunal, ta zbatojnë planifikimin
pjesëmarrës;
• transparencë në punën e Komunës gjatë planifikimit;
• paanshmëri në raportet mes kryetarit të komunës, administratës dhe faktorëve të tjerë të zhvillimit në Komunë;
• zbatim në kohë i aktiviteteve për planifikim pjesëmarrës.
Gjatë zbatimit të procesit të planifikimit pjesëmarrës, në Komunën e Studeniçanit u zbatuan aktivitetet vijuese:
1. Identifikimi i të gjitha faktorëve të zhvillimit në Komunë, nëpërmjet kontakteve të drejtpërdrejta me autoritetet
lokale, sektorin qytetar dhe sektorin e biznesit, zbatimin e hulumtimit dhe përgatitje të studimit për gjendjen
me grupet e lëndueshme në komunë nga ana e BIM-FV në Shkup, takime formale dhe joformale me individë
relevantë dhe përfaqësues të grupeve dhe organizatave;
2. Përfshirjes në kohë dhe të vazhdueshme të palëve të interesuara në proces, nëpërmjet formimit të Partner Grupit
Lokal të përbërë nga përfaqësuesit e sektorit qytetar, zyrtar dhe publik në Komunë. Partner Grupi Lokal kaloi
nëpër një cikël të trajnimeve në temat vijuese: Përfshirja sociale dhe të drejtat e njeriut, Prezantimi i Projektit,
politikat antidiskriminuese të UE-s, Trajnim për Udhëheqje me cikël projekti, si edhe Prezantim të Studimit për
varfërinë dhe ç’kyçjen sociale në Republikën e Maqedonisë, të gjitha të realizuara nga ana e ekipit të projektit
të BIM-FM, Shkup.
3. Përfshirje aktive e palëve të interesuara në të gjitha fazat e planifikimit, nëpërmjet organizimit të punëtorive për
përcaktim të prioriteteve për zhvillim të Komunës me Partner Grupin Lokal, intervista joformale me përfaqësuesit
e institucioneve dhe organizatave relevante në Komunë, fokus-grupe me të varfrit dhe grupet e lëndueshme të
qytetarëve;
4. Përfshirja e qytetarëve në procesin e planifikimit pjesëmarrës nëpërmjet organizimit të prezantimit publik të
projekt propozimit të Dokumentit Strategjik, informimit nëpërmjet medieve publike dhe formave të tjera të
përfshirjes së publikut.
8
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Rezultatet e procesit të planifikimit pjesëmarrës të mbështetur mbi të drejtat e njeriut janë përfshirë në këtë Dokument
Strategjik dhe paraqesin drejtime për zhvillim të qëndrueshëm të Komunës së Studeniçanit për periudhën e viteve
2011-2015.
Planifikimi strategjik si proces ka dy segmente. I pari ka të bëjë me njohjen e asaj që e dëshirojmë, ndërsa i dyti në
rrugën deri te realizimi i planifikimit. Ky proces në vete përfshinë vendime të qarta për drejtimet pas të cilave do të
lëvizim që t’i zbatojmë vendimet e sjella. Me procesin e decentralizimit, vendimet e sjella në nivel lokal fitojnë rol
kyç në Komunë, sepse masat që ndërmerren në nivel nacional çdoherë nuk i shprehin në formë të plotë nevojat e
bashkësisë lokale. Pa u nënçmuar nevoja për bashkëpunim dhe zhvillim regjional, planifikim strategjik në fushën
e përfshirjes sociale, mbrojtjes sociale dhe zvogëlimit zë varfërisë, duhet të pranohet si masë fondamentale për
planifikimin e zhvillimit të komunave.
Pa e marrë parasysh të lartpërmendurën, Dokumentet Nacionale Strategjike, si Strategjia Nacionale për zvogëlim të
varfërisë dhe ç’kyçjes sociale 2010-2020, Strategjia nacionale për barazim të të drejtave të personave me invaliditet
(e rishikuar) 2010-2018, Strategjia Nacionale për persona të moshuar 2010-2020, Indeksi i përfshirjes sociale në nivel
lokal, janë kornizë në të cilën strategjitë lokale i përpunojnë nevojat specifike dhe problemet e popullsisë lokale.
Pikërisht për këtë është i nevojshëm ekzistimi i strategjisë lokale për përfshirje sociale, mbrojtje sociale dhe zvogëlim
të varfërisë, e cila del nga rëndësia të identifikohen problemet kyçe me të cilat ballafaqohen banorët e Komunës së
Studeniçanit.
Problemi i vazhdueshëm dhe serioz me papunësinë dhe pasigurinë sociale, kujdesin e papërshtatshëm për personat
me nevoja të veçanta, të rinjtë dhe shqiptaret me edukim të ulët, bujqit me veprimtari të parregullt bujqësore, si edhe
nevojat për forcim të kapaciteteve njerëzore nëpërmjet arsimimit të përmirësuar dhe përfshirjes sociale të grupeve të
lëndueshme në shoqëri – janë problemet kryesore me të cilat ballafaqohet Komuna.
Njëkohësisht, kjo Strategji ka për qëllim në nivel afatmesëm t’i japë drejtimet e përgjithshme sipas së cilave Komuna
duhet të lëvizë drejt realizimit të Qëllimeve të saja Strategjike të lidhura me përfshirjen sociale, mbrojtjen sociale
dhe zvogëlimin e varfërisë në komunë. Strategjia e përfshinë periudhën 2011-2015 dhe ofron mundësi për zgjidhje
dhe tejkalim të problemeve më aktuale nga fusha me të cilat ballafaqohet Komuna dhe qytetarët e saj, nëpërmjet
realizimit të qëllimeve konkrete Strategjike.