strategji për përfshirje sociale, mbrojtje sociale dhe ulje të varfërisë ...

Kreu 3 – Vështrimi i Dokumenteve Strategjike për përfshirjen sociale,
mbrojtjen sociale dhe zvogëlim të varfërisë në Komunën e Studeniçanit
3.1. Profili social i komunës
3.1.1. Gjendja socio – ekonomike në Komunë
Komuna e Studeniçanit e përfshinë pjesën jugore dhe jugperëndimore të luginës së Shkupit, si hapësirë e mëparshme
e Komunës së Kisella Vodës. Në territorin e saj buron lumi Kadina. Hapësira e kësaj komune ka strukturë të ndryshme
të relievit, sepse pjesa më e madhe e saj është kodrinore-malore, e vendosur mes maleve Goleshnica dhe Karaxhica,
respektivisht i takon masivit malor të Jakupicës. Ajo përkufizohet me komunat: Sopishtë, Kisella Vodë, Zelenikovë,
Çashkë, Makedonski Brod dhe Petrovec.
Territori i Komunës së Studeniçanit përshinë një hapësirë prej 274 km² dhe numërohet në mesin e komunave me
madhësi të mesme në Republikë. Dendësia mesatare e popullimit arrin 62 banorë në një km², që në raport me
karakterin kodrinor-malor të komunës është mesatare relativisht e mirë.
Në kuadër të komunës së Studeniçanit bëjnë pjesë 19 vendbanime, prej të cilave 18 janë të përhershme, ndërsa një
fshat plotësisht është shpërngulur (Kalldireci). Vend qendror dhe seli e komunës është Studeniçani me 4.582 banorë.
Vendbanime të tjera janë: Batinca, Draçevica, Koliçani i Poshtëm, Koliçani i Epërm, Uji i Kuq, Alldinca, Cvetova, Ellova,
Maja e Zezë, Markova Sushica, Vërtekica, Malçishti, Umova, Pagarusha, Osinçani, Gaberi i Rafshtë dhe Morana. Prej tyre
vendbanim më i madh është Studeniçani me 4.582 banorë.
Sipas të dhënave të Entit të Statistikës, (regjistrimi i vitit 2002) në territorin e komunës jetojnë gjithsej 17 246 banorë,
prej të cilëve meshkuj janë 8910 ndërsa femra 8336. Në komunë ka 3570 amvisëri.
Nëse ndaj të dhënave të vitit 2002 shtohen edhe të dhënat e vitit 2007 dhe 2008 mund të thuhet se jo vetëm që
Komuna e Studeniçanit disponon me popullsi të re, në Komunë kemi edhe rritje të vazhdueshme të popullsisë, prej
nga shihet potenciali njerëzor në rritje i komunës 4 .
12
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Burimi: Regjistrimi i popullsisë, amvisërive dhe banesave në Republikën e Maqedonisë, 2002, libri XIII, Enti Shtetëror
i Statistikës
Në bazë të analizës së strukturës gjinore, mund të vërehet se popullsia mashkullore është më dominuese në kuadër të
komunës. E njëjta mund të vërehet edhe nga të dhënat për vitet 2007 dhe 2008.
4. Të dhëna nga Strategjia e ZHEL-it 2010-2015