strategji për përfshirje sociale, mbrojtje sociale dhe ulje të varfërisë ...

Kreu 2 – Vështrim i dokumenteve ekzistuese Strategjike
Komuna e Studeniçanit i ka përgatitur dokumentet vijuese strategjike
2.1 Strategjinë e Zhvillimit Ekonomik Lokal (2010-2014)
Kjo strategji është Dokument i Parë strategjik për zhvillimin ekonomik të Komunës. Është sjellë në dhjetor të vitit 2010.
Në prill të vitit 2010 Studeniçani hyri në fazën e dytë të decentralizimit, pas bllokadës pesëvjeçare të llogarisë dhe
pamundësisë që të ndërmerren hapa seriozë drejt zhvillimit ekonomik lokal. Në pajtueshmëri me reformat në
komunat dhe sjelljen e Ligjit të vetëqeverisjes lokale në vitin 2002, si edhe sipas rekomandimeve të Unionit Evropian
(UE), kryetari i komunës së Studeniçanit, zotëri Fati Iseni, e ngriti iniciativën për përpilimin Strategjisë së parë për
Zhvillim Ekonomik Lokal të komunës së Studeniçanit 2010-2014.
Për një afat shumë të shkurtër janë bërë hapa të mëdhenj për përfshirjen e Komunës në rrjedhat moderne nacionale
dhe ndërkombëtare të drejtimit dhe udhëheqjes, si edhe futja e risive dhe ndryshimeve në sjelljen e qytetarëve.
Vendosja e raporteve diplomatike me bashkësinë ndërkombëtare dhe sektorin e biznesit dhe mundësia për shfrytëzim
të fondeve paraaderuese evropiane dhe programeve të hapura i intensifikojnë përpjekjet e komunës për zhvillim
ekonomik dhe vendosin qëllime të larta të përgjegjësisë ndaj ardhmërisë personale. Strategjia i përcakton drejtimet
e zhvillimit dhe paraqet bazë për zhvillim të qëndrueshëm afatgjatë të komunës me pjesëmarrje të ndërsjellë dhe
përpjekje të të gjithë faktorëve të bashkësisë – vetëqeverisjes lokale, sektorit të biznesit dhe sektorit joqeveritar.
Strategjia e ZHEL-it të Komunës së Studeniçanit përmban edhe vlerësim të vlerave kulturore dhe rekomandime
të cilat dalin nga vlerësimi, të përpiluara nga Agjencia e Zhvillimit Ndërkombëtar e SHBA-ve (USAID) – Projekt për
vetëqeverisjen lokale. Vlerësimi është përcaktuar në Barrett Values Centre në bazë të të dhënave të fituara nëpërmjet
zbatimit të anketës nga ana e Coach Era Group të qytetarëve të Regjionit të Planit të Shkupit ku bën pjesë edhe
komuna e Studeniçanit.
Krahas fushave strategjike si infrastrukturë (transportuese, energjetike dhe komunale), urbanizëm dhe planifikim
hapësinor, ekonomi, bujqësi, arsimim, kulturë dhe sport, Strategjia përmban edhe fushë strategjike –përfshirjen
sociale të grupeve të margjinalizuara dhe barazi gjinore, të cilat, në kushte të mjedisit shumetnik dhe rural siç është
komuna e Studeniçanit, u treguan me rëndësi të posaçme për zhvillim të vërtetë dhe real të komunës 2 .
10
2.2 Strategjia për zgjidhje afatgjate të problemit me papunësinë e gruas shqiptare (Shtator 2010)
СSTRATEGJI PËR PËRFSHIRJE SOCIALE, MBROJTJE SOCIALE DHE
ULJE TË VARFËRISË NË KOMUNËN E STUDENIÇANIT
Ky dokument i titulluar si “Strategjia për zgjidhjen afatgjate të problemit të papunësisë te gruaja shqiptare” mbështetet
në analizën e rasteve të femrave shqiptare në komunat Studeniçan dhe Tearcë. Në bazë të analizës detale socioekonomike
të dy komunave rurale, dokumenti ofron drejtime të mundshme dhe propozime konkrete për zhvillim
ekonomik të komunave nëpërmjet angazhimit të grave shqiptare nga njëra anë dhe tejkalimit të dyshimit social të
mjedisit rural nga ana tjetër, duke ofruar bazë për gjallërim dhe revitalizim të mjediseve rurale. Me përmbajtjen e saj
dhe rekomandimet të cilat dalin nga ajo, ky dokument është i aplikueshëm në secilin mjedis me profil të këtillë apo
të ngjashëm të përcaktuar.
I tërë procesi i zbatimit të hulumtimit dhe analizave me rekomandimet e bartura përfshiu disa hapa të intervenimit
edhe atë:
1. Analiza e tregut të punës në Republikën e Maqedonisë;
2. Analizë e gjendjes rrjedhëse ekonomiko – sociale në bazë të të dhënave statistikore të të dyja komunave;
3. Analizë e anëve të forta dhe të dobëta, kërcënimeve dhe mundësive të komunave Studeniçan dhe
Tearcë;
4. Analizë sociale e grupeve të margjinalizuara në mjediset rurale;
5. Analizë e mundësive për përfshirjen ekonomik të grave shqiptare;
• Analizë e anëve të forta, të dobëta, kërcënimeve dhe mundësive të grupeve synuese të grave shqiptare
nga komunat Studeniçan dhe Tearcë;
• Analizë krahasuese e formës së regjistrimit të subjektit juridik;
6. Plani dinamik për realizimin e rekomandimeve të Strategjisë;
Hulumtimi tregoi se:
1. Fushë (veprimtari) më e përshtatshme për punësim të gruas shqiptare është përpunimi i prodhimeve artizanale
me vlera etno-tradicionale;
2. Forma më adekuate për regjistrimin e subjektit juridik është Shoqatë e Qytetarëve;
2 www.evrocentar.mk