Kjo është dita që na e fali Zoti Alleluia, Alleluia - kishadhejeta.com

More documents

Recommendations

Info

mars 2008 Kisha dhe jeta 2 PËRMBAJTJA Pashkët e ringjalljes në Katedralen e Shën Palit në Tiranë Krishti i ringjallur shëron plagët e njerëzimit Nga Marsida Sadikja E Premtja e Shenjtë, moment për të reflektuar mbi martirët e fesë Kisha ka nevojë që të pastrohet, ka thënë Papa Benedikti i XVI të Dielën e Larit Nga Dom Marjan Lumçi Udha e Kryqit në Milot Nga At Givanni Peragine Vizita Baritore e Shkëlqesisë së Tij Imzot Rrok Mirdita në Mamurras dhe Zhejë Nga Dom Emanuele Cutajar Të qenurit vetëm apo të ndjerit vetëm! Nga: Enkelejda Gjoza Çasti i Nënës Nga Dom Marjan Lumçi Adoleshenca, kohë pritjeje dhe shprese Nga Eda Paluca Kur papa Gjon Pali II hapi rrugët, që të rinjtë e mbarë botës të takoheshin Nga Elidon Dodaj Kjo është dita që na e fali Zoti, të gëzojmë e të ngazëllojmë. Alleluia, Alleluia. Nga Renato Gjika Isha duke të pritur ty Nga Ensuela Prenga Tri monedhat Vrapuesi i paqes Nga Dom Henricus Veldkamp faqe 3 faqe 5 faqe 5 faqe 6 faqe 6 faqe 7 faqe 7 faqe 8 faqe 9 faqe 10 faqe 10 faqe 11 faqe 11 faqe 11 Kalendari Liturgjik Ditën e parë të javës, në mëngjes, ende pa dalë drita, erdhi Maria Magdalenë te varri dhe pa se guri ishte hequr prej varrit. Atëherë erdhi me vrap te SimonPjetri dhe tek ai nxënësi tjetër, të cilin Jezusi e donte dhe u tha: “E kanë marrë Zotërinë prej varrit e nuk dimë se ku e kanë vënë.” Atëherë dolën Pjetri dhe ai nxënësi tjetër e u nisën drejt varrit. Vraponin të dy bashkë, por ai nxënësi tjetër ia kaloi Pjetrit dhe arriti i pari te varri. Ai u përkul dhe pa pëlhurat e vëna aty, por nuk hyri. Ndërkaq mbërriti edhe SimonPjetri që po vinte pas tij dhe hyri në varr. I pa pëlhurat e vëna dhe rizën që pati qenë në kokë të Jezusit. Kjo nuk ishte me pëlhura, por veçmas e palosur në një vend. Atëherë hyri edhe ai nxënësi tjetër, që mbërriti i pari te varri, pa e besoi. Në të vërtetë, ende nuk e kishin kuptuar Shkrimin shenjtë: se duhej që Ai të ngjallej së vdekuri. Atëherë nxënësit u kthyen në shtëpi. Prill 2008 Ringjallja e Jezusit (Mt 28, 110; Mk 16, 18; Lk 24, 112) 2 prill - Sh. Françesku nga Paula 4 prill – Sh. Izidori 6 prill E DIELA III e PASHKËVE (A) 7 prill – Sh. Gjon Pagëzues nga Salle 11 prill – Sh. Stanislavi 13 prill E DIELA IV e PASHKËVE (A) 20 prill E DIELA V e PASHKËVE (A) 21 prill – Sh. Anselmi 23 prill – Sh. Gjergji 25 prill – Sh. Marku 26 prill ZOJA E KËSHILLIT TË MIRË PAJTORJA E SHQIPNISË 27 prill E DIELA VI e PASHKËVE (A) 29 prill – Sh. Katerina nga Siena 30 prill – Sh. Donati Drejtor i përgjithshëm: Imzot George Frendo Kryeredaktor: D. Marjan Lumçi Sekretar: Nikollë Loka Redaksia: Kolec Çefa Ana Stakaj Zef Skanjeti Alban Guri Grafika: Pjerin Sheldija Elis Gjoni Foto: Pici Adresa: Katedralja e Shën Palit, Bulevardi Zhan D’Ark, Tiranë, Shqipëri E-mail: mlumci@hotmail.com http://kishadhejeta.googlepages.com
mars 2008 Kisha dhe jeta 3 Krishti u ngjall - Pashkët e ringjalljes në Katedralen e Shën Palit në Tiranë Predikimi i Sh. T. Imzot Rrok Mirdita Arqipeshkëv Metropolit i Arkiodioqezës Metropolitane Tiranë-Durrës di se kërkoni Jezusin, të kryqëzuarin. E Nuk është këtu, është ringjallur.” Shumë të dashur vëllezër e motra, këto fjalë të engjëllit pranë varrit të zbrazur të Krishtit, nuk kanë tronditur dhe shndërruar vetëm jetën e Marisë Magdalenë dhe të Marisë tjetër që kishin shkuar tek varri, nuk kanë tronditur dhe shndërruar vetëm jetën e apostujve dhe të disa të krishterëve, por kanë tronditur dhe shndërruar historinë. “Ai është ringjallur!” Kush është ai që është ringjallur dhe pse është vdekja dhe ringjallja e tij themeli i jetës së botës Historia e Krishtit, e zhvilluar në një province të vogël të perandorisë së madhe romake, prek historinë e të gjithë njerëzve, sepse Krishti është njeriu. Ponc Pilati, gjatë gjyqit të këtij njeriu të jashtëzakonshëm që kishte trazuar ndërgjegjet e papastra të pushtetit fetar e politik të kohës së vet, ua paraqiti Jezusin hebrenjve që kërkonin vdekjen e tij, duke u thënë: “Ja njeriu!”Gjyqi i Krishtit dhe dënimi i tij me vdekje në Jeruzalem, kryqëzimi i tij jashtë qytetit të shenjtë, vdekja e tij mes dy mëkatarëve nën gozhdat dhe heshtat e ushtarëve romake dhe nën ironinë e hidhur të priftërinjve hebrenj, janë historia e njerëzimit, sepse Krishti është njeriu. Në Krishtin e dënuar me vdekje padrejtësisht, të përqeshur e të fyer, të vuajtur e të varur në kryq, shohim njeriun, mbi të cilin rëndon mëkati që mbulon me shëmtimin e vet tërë shkëlqimin e bukurisë. Historia e njerëzimit është e prekur thellë nga realiteti i mëkatit i cili e shëmton tokën duke shpërfytyruar njeriun. Dhe pasoja e fundit e mëkatit është vdekja, ky realitet i pashmangshëm që mbulon me errësirën e vet bukurinë e jetës dhe forcën e shkëlqimit të saj. Në kryqin e Krishtit dhe në vdekjen e tij gjendet e shprehur tërë varfëria njerëzore dhe dëshira e fuqishme e njeriut për të mos qenë i braktisur nga Hyji. Përballë mjerimit dhe vdekjes duket sikur Hyji ose nuk ekziston, ose është i pafuqishëm. “Nëse je Biri i Hyjit, zbrit nga kryqi” i thonë kryqëzuesat Jezusit. Nga ana e tij Jezusi përjeton në kryq vetminë e tmerrshme dhe ndjenjën e braktisjes nga Hyji, prandaj thërret: “Hyji im, Hyji im, përse më ke braktisur” Kureshtja e atyre që gjenden tek kryqi i Krishtit pa dashuri ndaj Hyjit dhe njeriut të kryqëzuar, i shtyn të thonë: “Ka thirrur Hyjin, të shohim a do te vijë për ta shpëtuar”. Por në orën e kryqit Hyji hesht dhe në heshtjen e Hyjit vdes Biri i tij, duke thënë: “O Atë, në duart e tua po e dorëzoj shpirtin tim”. Përballë situatës së dhimbjeve njerëzore, përballë tragjedive që vërshojnë mbi botën, përballë kryqit të ekzistencës së përditshme që rëndon në një mënyrë apo në një tjetër mbi shpirtrat e njerëzve të çdo kohe, lind vetvetishëm thirrja njerëzore: “Hyji im, Hyji im, përse më ke braktisur”. Një njerëzim i braktisur nga Zoti, një njerëzim dhe një shoqëri që e braktis Zotin, nuk mund ta njohë shkëlqimin e shpresës, ngushëllimin e besimit, forcën e dashurisë. Tek kryqi i Krishtit, kryqëzuesat thonë: “Ka thirrur Hyjin, të shohim a do të vijë për ta shpëtuar”. Pasi Krishti vdes, të gjithë largohen, duke menduar se vdekja është fundi, duke pandehur se Hyji e ka braktisur njeriun e kryqit, duke lënë gjithçka nën pushtetin e vdekjes. E nëse Ai, i drejti, Biri i Hyjit, ka vdekur i braktisur nga Ati qiellor, atëherë duket sikur vdekja e tij është provë se njeriu është një eksperiment i dështuar i Hyjit. Nëse njeriu, kjo krijesë kaq madhështore, është krijuar për të vdekur, krijimi është një ironi e hidhur ose një fitore e së keqes. Por, pikërisht kur të gjithë e kanë humbur shpresën, kur gjithçka është krejtësisht e pamundur për njerëzit, kur duket sikur vdekja ka vënë në heshtje edhe hirin e Hyjit, pikërisht në vdekje, në vendin e braktisjes së skajshme, Hyji ndërhyn me fuqinë e jetës, ndërhyn tek varri i Jezusit nga Nazareti, duke i dhënë fund shterpësisë së varrit, dhe duke ringjallur në jetë Birin e tij të vdekur për ne, për të shpaguar me vdekjen e tij mëkatin tonë, për të prekur me vdekjen e tij vdekjen tonë e për të na dhënë me ringjalljen e tij forcën e jetës dhe shpresën e ringjalljes.“Po thërret Hyjin, të shohim a do të vijë për ta shpëtuar”. Shumë të dashur vëllezër e motra, pashkët janë shpëtimi i Hyjit, sepse shpëtimi nuk është shmangia e vdekjes, por mundja e saj, duke i kaluar mes per mes. Në mes të vdekjes Hyji na ka shpëtuar nga vdekja me anë të vdekjes dhe të ringjalljes së Birit të vet. Në mes të vdekjes ai është zbuluar si Hyji i jetës. Në mes të vdekjes na ka treguar se nuk e ka braktisur njeriun dhe me praninë e tij e ka shndërruar vdekjen në jetë. Skena e ungjillit sipas Mateut që na tregon ngjarjen e ringjalljes në paraqet më mënyrë të mrekullueshme dinamikën e jetës që shpërthen nga vdekja dhe ringjallja e Krishtit dhe vërshon në shpirtrat e njerëzve, duke e gjallëruar historinë. -vijon në fq. 3- fotot M. Pici
Page 1: Kjo është dita që na e fali Zoti
Page 5 and 6: mars 2008 Kisha dhe jeta 5 Krishti
Page 7 and 8: mars 2008 Kisha dhe jeta 7 Vizita B
Page 9 and 10: mars 2008 Kisha dhe jeta 9 Adoleshe
Page 11 and 12: mars 2008 Kisha dhe jeta 11 Isha du

Kjo është dita që na e fali Zoti Alleluia, Alleluia - kishadhejeta.com

Create successful ePaper yourself

Delete template?

Save as template?