Die Glocke - St Nikolaus Wolbeck

Bi ’t Kaffeedrinken häbbt de Ollen,
De inlad wassen för ümsüss,
Sick gaas plasserlik unnerhollen,
Dat du kien Waod daotüsken kriss.
De VFL is een Verein,
De düt Jaor auk een Jaordag hätt.
De is van niegentainhunnerttain,
Spielt in de Landesliga met.
De Sünte-Klaos-Gemeinderaot
Hätt viele hunnert Lü bewäggt
Un daomet mook he häörig Staot.
Dat har he sick guet üöwerläggt.
700 Jahre Wolbeck
So ’ne „Prosjoon“ düör use Straoten
De päss auk wul in’t Kiärkenbeld.
Du kanns nich biätter säggen laoten:
„Wi gaoht tohaup dör düsse Welt.“
Un besunners guet uutsaien
Häbbt all’ de Beller in de Kiärk.
Du sühs: auk dütmaol daien
Gaas vielle Lü tohaup iär Wiärk.
Een Saotrag vör de Kiärkenpaort
Dao wass wat los, dat kann ’k ju säggen
Een Füörstbischup in’n stiefen Staot,
Dai up de Büene sick bewäggen.
Et gaff dat een’ of annere Stück
Ut Wulbiekske Annaolen,
Een Bessen, de nao Häksen rück,
Un ’n Siegenbaron ut Westfaolen.
In Kleder ut ’ne annere Tiet
Sick Mans- un Fraulü draieden.
Een Sieggenbuck was auk nicht wiet,
Zibomo-Lü emm laieden.
So kammen wi us ümmer naiger,
Daobi to sien mook viel Plaseer.
Un wuor’t auk af un an wat laiger,
Dao holp us mansk een Gläsken Beer.
Et gaff so viel nao to vömellen
Van düt und dat bi use Fest,
So mannig Döhnken zu vötällen,
Män nu is ’t auk guet wesst.
4.November 20105
WeihnachtsGlocke_181110.indd 5 18.11.2010 23:01:45 Uhr
5