e-Text - Mittelhochdeutsches Wörterbuch

58,1 helfen, dis wunder alles gnedeklich úberwinden.” Er stuͦnd uf und58,2 ergab sich in die hend gotes.58,3 Do mornend ward na der mess, und er in der cell sass trurig58,4 und verdahte uf disú ding und in fror, wan es winter was, do58,5 sprach neiswas in ime: “tuͦ uf der celle venster, und luͦg und lern!”58,6 Er tet uf und luͦget hin: do sah er einen hund, der lúf enmitten in58,7 dem krúzgang und truͦg ein verschlissen fuͦsstuͦch umbe in dem58,8 munde, und hat wunderlich geberde mit dem fuͦstuͦch; [25 v ] er warf58,9 es uf, er warf es nider, und zarte loͤcher dar in. Also sah er uf58,10 und ersufzet inneklich, und ward in ime gesprochen: “reht also wirst58,11 du in diner bruͦder munde.” Er gedaht in im selb: “sid es anders58,12 nút mag gesin, so gib dich dar in, und luͦg eben, wie sich daz fuͦss-58,13 tuͦch swigende úbel lat handlen; daz tuͦ och du!” Er gie hin ab,58,14 und behielt daz fuͦstuͦch vil jaren als sin liebes kleined, und so er58,15 wolte us brechen mit ungedult, so nam er es her fúr, daz er sich58,16 selb dar inne erkandi und gen menlich stille swigeti.58,17 So er etwen sin antlút unwertlich gekeret hate einend ab von58,18 etlichen, die in trukten, da ward er von innen umb gestrafet und58,19 ward gesprochen: “gedenk, daz ich, din herr, min schoͤnes antlút58,20 nit kerte von dien, die mich an gespoͤzeten.” Es gerow in úbel,58,21 und er kerte sich hin wider vil guͤtlich.58,22 An der ersti, so im ein liden begegnete, so gedaht er also:58,23 “owe got, wan heti dis liden ein ende, daz ich sin were ab komen!”58,24 Do erschein im vor daz kindli Jesus in einer gesiht an únser frowen58,25 tag ze der liehtmiss, und straft in und sprach also: “du kanst noh58,26 nit wol liden, ich wil dich es leren. Luͦg, wenne du in einem liden58,27 bist, so solt du nit sehens haben uf des gegenwúrtigen lidens ende,58,28 daz du wenest denn ze ruͦw komen; du solt dich under dannen, die58,29 wil ens liden wert, bereiten, ein anders liden gedulteklich ze58,30 enphahene, daz hoͤret dur zuͦ. Du solt tuͦn als ein jungow, dú58,31 rosen brichet: so dú einen rosen ab der rosenstuden gebrichet, so--59--Leben Seuses. Kap. XX.59,1 genuͤgt ir nit, si nimt in ir sinne einen fúrsaz, wie si noh me her59,2 ab gewúnne. Also tuͦ och du: bereit dich vorhin dur zuͦ, wenn dis59,3 liden ein end hab, daz dir geswind ein anders begegent.”