28 Vergnügliches KAKURO – Die Zahlen in den grauen Kästchen sind Summen. Steht die Zahl oben rechts, gibt sie die Summe der rechts folgenden waagerechten Freifelder an. Steht sie unten links, nennt sie die Summe der darunterliegenden senkrechten Freifelder. Zum Füllen werden die Ziffern 1 bis 9 verwendet, wobei keine Ziffer in den zur Summe gehörenden Lösungsfeldern doppelt vorkommen darf. Anzeige <strong>KölnerLeben</strong> Heft 4 | 21
KUNDENAUSZEICHNUNG Vergnügliches 29 Dem Jupp si Schnitzel E kölsch Verzällche vum Toni Buhz Illustration: Freepik En Riehl stundte, wie jewöhnlich, wenn mettwochs un samsdachs Maatdach wor, sechs Häre aan der Thek vum Riehler Hof. Et wore Riehler Junge, do jebore, zesamme en de Schull jejange un hatten sich all die Zick nit us de Auge verlöre. Nor einer, dä Jupp, wor e Frembche, dat heiß, hä wor vun der anderen Rhingsick, also vun Müllem. Weil hä ne nette Käl wor un vor e paar Jöhrcher en der Nöh vum Zoo en Wonnung jefunge hatt, hat mer en Aug zojedröck un in en dä Kreis opjenomme. Hä wor ne schmale Därm un lang wie en Bunnestang. Weil hä jodmödich wor un su schnell nix krom nohm, woodt hä domet och allt ens op et Ärmche jenomme. Ävver hä kunnt och selvs drüvver lache un dat wor et Beste, wat hä maache kunnt. Wie se no su zesamme stundte, kom ne besondere Döff us der Köch vun der Weetschaff un dä Jupp reef: „Ha, hück ess Schnitzeldach.“ Mer muß wesse, dat die Weetschaff bekannt wor för extra jroße un lecker parat je maate Schnitzel. Op die Bejeisterung vum Jupp hin, meinte der Pitter, dä nevven im stundt: „Maach halvlang, Jung, do schmale Hering kanns allein su ne Lappe jarnit verkimmele.“ Der Jupp protesteete energisch: „Dat ich su e Schnitzel allein esse kann, well ich üch jetz bewiese.“ Dann bestellte hä sich beim Weet su e Stöck Fleisch, dat och bahl serveet woodt. Ävver der Pitter hatt dem Weet ne Wink jejovve un dä stallt och im su e Schnitzel op de Thek. „Siehste, Fründ“, sat dä Pitter sudann, „ich han behauptet, du künns su e Schnitzel nit allein esse. Dat stemp doch, ich esse jo och eint un domet iss do et nit allein.“ Foto: privat Dä Jupp protesteete, dat hä dat anders verstande hät. Ävver jäjen dat Jelächter der andere kom hä nit aan. Schleeßlich kom et drop aan, wie mer dä Satz usläje dät. Su dät hä et Beste, wat hä dun kunnt und lachte, wie jewöhnlich, selvs met. Dat hä ävver vun do aan der Beinahme „Schnitzel Jupp“ hat, wundert üch dat? Anzeigen Provita Alltagsbetreuung 0221 46 78 19 60 www.provita-deutschland.de Bei Pflegegrad rechnen wir mit der Pflegekasse ab. <strong>KölnerLeben</strong> Heft 4 | 21