2. Standbein in der Landwirtschaft - Die Landwirtschaftliche ...

Von Dage geiht dat dorum,
dat Friedrich un Hermann
ehren Berufskolleginnen un
Berufskollegen Moot dorto
moken wüllt sick een tweetet
Standbeen to’r Landwirtschaft
totoleggen, wenn dat
in’n Eenzelfall wirtschaftlich
vernünftig is un von de Familje
mitdragen ward. Dat gellt
ebenso för Biogas-Anlagen, ok
wenn dat körtens in Rhadereistedt
bi Zeven een Riesenmalheur
geben hett. Szüh, vörherige
fachlich kompetente un
gründliche Information un Berootung,
Sekerheit vör Verunsekerung!
Dat is vondage
wichtiger as jemols toför, jüst
bi de Biogas-Anlage un öberhaupt!
Friedrich: Hallo Hermann! Minsch, wat
sühst du denn so benaut ut, geiht di
wat besünneret dörch den Kopp?
Hermann: Mann, wi wullen doch
bauen ...
Friedrich: Leever Nahber, so wie ik
di kennen do, steiht de Finanzierung
doch bestimmt up soliden Fööten.
Also worum plagt di de Twiefel?
Hermann: Wi harn us doch för eene
Biogas-Anlage entscheeden...
Friedrich: Ik weet. Un nu denkst du in
dienem Kopp dat dat woll verkehrt wör
oder ok to riskant is wegen den furchtbaren
Unfall dör nülich bi Zeven.
Hermann: Ja, us geiht dat jo um dat
Sekerheitsrisiko bi’n Bedriev von sulk
eener Anlage.
Friedrich: Dat kann ik ok woll good
verstahn. Man schall dat ok grundsätzlich
nich verdrängen oder verniedlichen,
dorto is de Sake to ernst. Aber
man schull vör alln, wenn dat um een
sülvst gahn deit, kritisch un streng logisch
blieven.
Hermann: Un wat seggt mi dat nu?
Friedrich: Vörweg: Mit de Problematik
von de Slachtaffälle wie in den Zevener
Fall har dennso diene geplante
Anlage jo nix to dohn, dücht mi so,
oder nich?
Hermann: Genau so is dat. Denn wi
wullen nawassende Rohstoffe besünners
Mais insetten. Dat wör ok jo total
wirtschaftlich, nicht wohr?
Friedrich: Also von düsser Art Anlagen
givt dat mittlerwiel alleen in Neddersassen
tor Tied rund 350 Stück. Unfälle
sind al mol passeert twüschendörch,
aber nix würklich Dramatischet
un Slimmes. Aber mol wat anners: Wie
wiet is denn jo Vörhaben upstunds in
de Mangel ankamen?
Hermann: De Grovplanung hebbt wi
dörch, de Finanzierung hebbt wi in’n
Sack. Ik glöv‘, dat wi nu bald bi lütten
ok den Bauandrag afgeben künnt.
Friedrich: So wie ik di kennen do, hest
du doch bestimmt kloke Lüde mit de
Planung von dat Projekt beupdragt, de
sowat al fakener dörchtagen hebbt,
oder?
Hermann: Dat is woll richtig, de Jungs
de hebbt al zig Anlagen hochtagen. Ik
hebb‘ mi ok al mol ´n poor von de Anlagen
ankeeken un ok mit de Bedrievers
dorvon snackt. Aber dat wör allns
bestens. De Lüde wörn alle tofreden.
Friedrich: Ik harr dor aber trotzdem
noch eenen gooden Rat vör di.
Hermann: Un wat för eenen?
Friedrich: Wende di doch möglichst
bald an use Berufsgenossenschaft.
Hermann: Ohne eenen Unfall fabriziert
to hebben?
Friedrich: Roop nich in de Unfallafdeelung
an, sünnern bi’n Technischen Upsichtsdeenst.
Dor krigst du eene kompetente
Bauberatung un de kost‘ di
nix extra. Vörutplanung, se nümmt dat
Prävention, is nämlich jümehr erste un
wichtigste Upgave.
Hermann: Hm...
Friedrich: Szüh, wenn ji jo tum bispill
dörch Erdarbeiten oder annere Leistungen
an de Bauarbeiten bedeeligen
wüllt, denn so müsstes du di tosätzlich
mit de so benümmte Katasterlüüde
von de Berufsgenossenschaft telefonisch
in Verbindung setten. Dat
geiht dorum, dat de Versekerungsschutz
insbesünnere för die un diene
Froo während de Bauphase un ok
naher, wenn ji de Biogas-Anlage in
Bedriev nahmen hebbt, vorhanden is.
Dor seh ik allerdings in joern Fall keen
Problem. Hör to, wenn de Katasterlüüde
in Hannover ja to dien Vörhebben
seggt, denn so köst‘ die de Versekerungsschutz
in de Bauphase ok
nix extra. Un denn noch eens: Bedrievshaftpflicht
un Sachversicherungen
bitte ok överprüfen laten. Dat
is allerdings Sake von de Privatversicherer.
Hermann: Friedrich dat will ek di mol
seggen, ik mark dat woll un glöv‘, du
wullt mi Moot maken, oder?
Friedrich: Ja Hermann, du hest woll
recht dormit, dat will ik ok. Szüh, an
dien Vörhaben dor hangt veel Geld an
ober ok veel Arbeit de bummelt dor an
rum. Aber natürlich is dat ok eene reelle
Chance, mit düssem tosätzlichen
Standbeen de sülvständige Existenz als
Landwirt bit in de nächste Generation
to sichern.
Hermann: Ik weet dat un will mi dat
ganze nochmals good dörch den Kopp
gahn laten.
Friedrich: Do dat, överlege un bespreek
dat mit diener Froo un joern
Junior. Denn so slap‘ dor noch mol ´ne
Nacht över un denn wardst du woll ok
dat richtige maken.
Hermann: Villicht hest du ja recht. Mit
den Kopp in’n Sand is ok keen Bloomenpott
to gewinnen.
Friedrich: Nehm mine good gemeenten
Rootschläge man ruhig to Harten!
Un denn bau dat Ding so, wie dat
genehmigt ward, keene Verännerungen,
keene Mätzchen. Szüh un denn
lat di von user Berufsgenossenschaft
gemeensam mit allen de dor arbeiten
schüllt nochmals gründlich öber den
sicheren Bedriev von de fertig gestellte
Biogas-Anlage berooten. Dat makt
de mit di un diner Familie vör Ort! Un
wenn man sick an de gegebenen Regeln
konsequent holen deiht un nich
nahlässig ward, denn so glöve ik tämlich
stark dor an, dat ji ok de Erfahrung
von hunderten anneren Berufskollegen
maken künnt, nämlich positive.
Hermann: Du musst jo ok bedenken:
Mit ´n Auto un dem Schlepper föhrt
man jo ok jümmer wedder, obwoll dat
jüst gerade dor jümmer wedder to Unfällen
kamen deiht, nich wohr?
Friedrich: Ja Hermann, dat is een gooden
Vergliek. Un denn vergeet ok man
nich: To de Inweihung von diner neen
Biogas-Anlage bist du mi jetzt eene Inladung
schüllig!
Sicher Leben 6/2005 11