Hangaasuu Bilisummaa Journal Volume 1 - ULFO

Hayila-Sillaasee isa oggaa
uummanni Walloo fi Tigraay
beelaan akkasitti harcawu,
shampaanyaa fi dhugaatii Biyya
Faranjii irraa fichisiisuun akka
bishaaniitti masaraa isaa kan
Tulluu Daalattii keessatti
dhangalaasaa ture san keessa
gayani. Maarree ennaa san
Hayila-Sillaaseen saree isaa tan
Luluu jedhamtu sahaanii sabbuu
(dahaabaa) irraayyi murachiisaa
dilbiiwwan Oromoo soorsisaa
tureeyyu. Silaa jiruu fi jireenyi
hin dhaabatuu, Oromoon bara
hamaa akkanaa keessa hulluuqee,
bara Darguu keessa gaye. Barri
Darguu kunis bara sonaan hamaa
kan korbeessi re'ee (waxaxeen)
maqaalee namoota
galaafatamanii obobsaa yaa'ii
keessatti himu, kan ilmoon
namaa ajjeefamee karaa irratti
darbatamu, bara kan du'eefillee
boowuun nama adabsiisu, bara
warreenii fi firoottan namoota
ajjeefamanii horoo xiyyiitii fi
xiyyaa kafalaniitoo reeffa
hospitaala keessaa bituun
awwaallatanii faa keessas dabree,
kunoo bara Wayyaanee
dhaqqabe. Seenaan Oromoo,
seenaan uummatoota Kuushii,
seenaan uummatoota Kibbaa kan
waggaalee 130 kan nu barsiisu:
mootummaan Habashaa akkuma
walgeeddaree dhufu irra
hammaachaa, irra gara
bineensummaatti jijjiiramaa
dhufa. Warri Wayyaanees tartiiba
fi walgaafa kana keessa ibidda
tufaa, ibiddaan dachee teenya
gubaa, namaa-sa'a, lafaa-marga
barbadeessaa jiru.
Lafti akka aadaa Oromoottis
tahee, akka dinagdee
ammayyaatti madda qabeenyaa fi
Saamicha Lafa Oromoo VOLUME 1 SPRING 2010
horoo uummataa ti. Namni harra
Gondorii fi Maqalee irraayyis haa
dhufuu, Indiyaa fi Shaayinaa
irraayyis haa dhufuu, gogaaqaamaa
kan Oromoos haa
uffatuu namni lafa Oromoo
saammatu nama lafee Oromoo
caccabsee saammatuun adda
miti. Kana diinni uummataa fi
saba Oromoos, firri isaas akkaan
beekuu dha qabu! Oromoota
jaleewwan diinaa Oromoo
tahuun, yookaan immoo dubbii
dhipphisaniitoo laaluun diina
gamanaa fi isa baar gamaa wajjin
lafa Oromoo saammachaa jiraniif,
mammaaksi Oromoo tokko inni:
"hin bariitu seetee intalti ---"
jedhamu, dhaamsa fi
akeekkachiisa cimaa dabarsaafi.
Oromoonni tokko tokko immoo
jecha warra Amaaraa isa: "oggaa
manni abbaa keetii saamamu atis
wajjumaan saammaddhu"
jedhamun, uummata ofii alagaa fi
diina waliin hiriiranii saamaa jiru.
Jechi kun jecha hamaa fi
hammeenyaa, jecha
gadaantummaa fi gadigalummaa,
jecha dabeessaa fi dursitee harkakennattuu
akka tahe ammamu
beekutu nama baasa.
Dhaamsi fi akeekkachiifni
Wayyaanotaafis tahee,
nafxaynoota birootii dabarfamu:
uummanni Oromoof uummanni
Habashaa (uummanni Amaaraa
fi Tigree) bardhibbee hedduu
lolaanis haa tahuu tolaan akka
uummata biyya ollaatti wajjin
jiraatanii jiru. Nuti Oromoonni
ginni-bittee Habashaa biyya
keenya harkatti galfachuun, waan
ilmoon namaa nama irratti hin
adeemsifne nu irratti
adeemsiseef, harras tahee boru
akka biyya ollaatti waliin
jiraachuu malee, Oromiyaa
teenya akka gumbiitti
(dogoogootti) buqqifnee, gara
biraa geessuu hin dandeenyu.
Akkanuma isaaniis nu waliin
akka ollaatti jiraachuu malee,
Abashiyaa (Abisiiniyaa) isaanii
fuudhanii gara ardii biraa
geessuu hin dandayani.
Wayyaanonni waan garaa isaanii
malee, waan boruu hin yaanne,
kunoo uummatoota ollaa isaanii
mara otoo uummata Amaaratuu
isa obbolaa isaaniis waa hin
qusatin, gaaddatanii,
saammatanii, hidhanii waxalanii
uummatoota Toopphiyaa cufa,
dabraniiyyuu uummata Repulika
Somaaliyaa irratti hojii
faashistummaa adeemsisuun
kun, egeree isaanitii waan toluu
miti! "Boru hin beekneen ---" jedha
mammaaksi Oromoo tokko.
Egaa, duraandursi kanaa olii kun
kan amma barreeffamee, akka
itti-lixiinsa barreeffata kanatii
tahuuf dhiyaate. Armaan gaditti
immoo "duradubbii" fi "seensa"tu
akkuma barreeffata isaa
duraanii keessa jirutti, garuu
gulaaltiin barbaachisu idda
godhamee isiniif dhiyaatee, mee
duukaa bu'aatii ilaalaa!
Duradubbii
Kunoo, erga gara waggaa
lamaatii asii warra biyya keenya
harkatti galfachuun bitaa jiruu fi
warri isa wajjin hiriiruun bittaa
sanillee oromoomsuuf carraaqaa
jiru, "mee koottaa lafa fudhaddhaa"
jechuun gandeen Oromiyaa fi
addunyaa keessa fiigaati
muldhatu. Oromoonni kana
dhugaa godhatanii alaa manaa
gandeen uummata keenyaa
Hangaasuu Bilisummaa 15