Hangaasuu Bilisummaa Journal Volume 1 - ULFO

kutannoon dura dhaabate san
akka hokaatti haamaa waraana
Oromoo Afran Walisoo isa yeroo
sadii waraana Habashaa moye
sanis cabsee Caboo seenee,
Caboonis abbootii duulaa
beekamoo kan akka Damee
Araddoo fi Bayyuu Abbaa-
Shorroo fa'iin durfamee, waraana
san ennaa tokko moyee
lammaffaa irratti moyame.
Goobana Daaccii "Caboo nama isaa
motii warqee isaatu na mo'ate"
jedhe kan dubbate, dhiira
Oromoo Caboo duwwaa otoo hin
taane, dubartiin isaas miya
warqee kan: jaafgaa, manishii faa
jedhamuun waraana Minilik
tashattashaa waan turteefi.
Oromoon Bachoo kan waraana
Minilikiin akka hokaatti
haamamuu dandaye, kutannoo
cimaan waan diina dura ijaajjefii
lafti Bachoo goodaa (urufa
diriiraa) waan taheef, akka
Oromoota isa daangessanii akka:
Sooddoo, Galaan, Meettaa,
Kuttaayee, Walisoo faa
tulluuwwan, gaarran, goorolee
faa waan hin qabneef ture.
Jagnoonni Bachoo warri oggaa
sanii Shabbu Abbaa Guraa
(Shabbuu Bordee) faa harrallee
akkuma jagnicha Oromoo
Kuttaayee, Waamii Garoo:
Bachotti, Sooddotti, Aabbutti,
Gullalleetti, Meettaatti, Walisotti,
Kuttaaye faatti uummataan
faarfamaa jiru.
Waraana Walisoo kan fardeen
isaanii uummataan "Maaruu
fardeen qilleensaa" jedhamaniitoo
faarfamaniiyyu, waraana
Habashaa ala lama mowanii isa
sadaffaa irratti moyamanii
abbootii duulaa kan dirree
Saamicha Lafa Oromoo VOLUME 1 SPRING 2010
waraanaatti kufan irraa kan hafan
Raas Goobanaan qabamaniitoo
mana hidhaatti du'an keessaa
seenaa goota biyyaa, kan
Ilaansuu Halloo kan
irraanfatamuu miti. Goobana
Daaccii waan aadaa Oromoo
sirriitti beekuuf, dureewwan
Oromoo erga mana hidhaatti
naqsiisee, halkan waarii jala
looltuu isaa keessaa namoota
sadii gara mana isaan ittihidhaman
saniitti erguun: "mee
dhaqaatii waan Oromoon jedhu
dhaggeeffaddhaa!", jedheeni. Mana
hidhaa san keessatti Ilaansoo
Halloo, qeerransi harqaan abbaa
isaa Halloo Bokkuutti baye
jedhumu sun: garaa isaa lafatti
rirriitaa ilkaan ciniinnatee,
seeyyeen inni sirbe ammallee
akka mammaaksaatti Oromoon
Walisoo gaafa booreen qabee
nafxanyaatti lallabu:
"Yaa orooboo battee
Yaa orooboo battee
Yaa Oromoo baddee
Yaa Oromoo baddee
Yaa Oromoo badde!"*
Jedheeti seenaa yeroo sanii
ijoollee ofiitti dabarsa.
Gabaabumatti "yaa Oromoo biyyi
kee qabamewoo, bilisummaan kee
mulqamewoo, maal jirta, maal---!"
jechuu isaa ti.
Innin kanaa olitti akka
fakkeenyaatti dhiiyeesse kun,
diddaa qabannoo fi qubannoo
uummanni Oromoo kutannoon
adeemsise keessaa hamma
xiqqashoo wayii ti. Haatahu
malee, xiqqashoon kunillee
hammam uummanni Oromoo
biyyaa fi mirga ofiitii akka
dhaabate, ibseetoo nutti
muldhisa.
Ammoo, sabni Oromoo
sabeewwan, saboota fi
uummatoota ollaa isaa warra
Kuushii fi warreen biroo wajjin
diddaan qabannoo fi qubannoo,
dabrees erga qabatamee asiiyyis
diddaan gabrummaa walitti
hidhaa cimaa qaba. Ammaaf mee
kan saba obbolaa keenyaa, kan
warra hortee Kuush tahee kan
Walaayitaa** akka fakkeenyaatti
mildahchuun ni gaya.
Uummanni Walaayitaas akkuma
uummata Sidaamaa
("Sidaamoo"), Hadiyyaa,
Kafichoo faa waraana Habashaa
dura kutannoon kan dhaabate.
Oggaa hedduus moyateeti ture.
Booda akkuma Minilk mataan
isaa Calanqoo fi Arsiitti ofii
isaatiin waraana hogganuun
argame san, Walaayitaas akkuma
amalaa fi duudhaa isaa
phaapphasii Ortodoksii of cinaa
taasisee, qeesii taabota
baachisiisee uummataa fi biyya
Walaayitaatti duule. Uummanni
Walaayitaa akka nama tokkootti
tahee, diina biyya isaa qabachuuf
deemu san dura gore. Minilik
waraana Walaayitaa kan mootii
isaanii, Xoonaa-dhaan
hogganame san cabsuuf, torban
sadii guutuu irraa fudhate. Booda
reeffi uummata obbolaa keenyaa
kan Walaayitaa kun waan
tortoreef, fooliin isaa Minilikii fi
duree bataskaanaa faa dabarsuu
hin dandeenye. Waraanni Minilik
inni erga Oromoo Arsii cabsee
baddaa Aannoleetti harma-muraa
fi harka-muraa adeemsise sun,
Uummata Walaayitaa isa
madaayee ciisu, gorra'ee dhiiga
Hangaasuu Bilisummaa 18