Hangaasuu Bilisummaa Journal Volume 1 - ULFO

Biyya Oromoo Laalistuu VOLUME 1 SPRING 2010
Biyya Oromoo laalistu,
Hin gorsiinee lammii fi qomoo – aadaa jette akka huumoo
Aadaa fiiniinsu eenyummaa – ibsaa seera namummaa
Eebba barii fi galgaalaa – humna keesaaniin bulaa
Akka horan bekkumsa – kaayyoo bilisaaf tumsa
Akka hin daganne gumaa – dhugaa haadhooftu dhimma
Halagaan gaafa koolfaa– lammii fi qomoon gaafa golfaa
Hin dhagatiinan jettee – hin gorsaanee waalaalaa?
Fiirri garaa walii lafaa– ijoollee koo ofkoolaa
Jette hin eebiifnee laataa – dhiiga haadhoo–obbolaa
Maalii? Maaltu dhalatee? – Eebbii kee abaarsaa ree?
Qomoon qomoo gurguree – lammiin lammii dareree
Diinni fokkun kichuu ciree – luumnnii dofan geeraree
Gumaan gootoota oromoo – maaf taate du’a saree?
Yaa ijoollee banneerakaa – gurra abbaa ganneerakaa!
Akka waan hayyuu dhabnee – nama nu gorsu dhabnee
Akka waan jennu dhabnee – jettee jeetteen wal–dhabne
Akka waan gootaa dhabnee – diinni addaaggen nu dhane
Akka waan nama hin taanee – xinnaa guddan tuffatamne,
Akka waan dhimma dhabnee – holloo ijoollee dhahanne
Akka waan diina taanee – qomoon fi lammiin wal–dhaanne
Maal abdaateetu laataa? – kodeen koodee kan ganee?
Diina gumaaf himanee – seenaaf biyyaa goodaanne
Eenyummaa uumaaf tumsu – maal taanan iraanfannee?
Uggum maaltu dhaalate – qomoon guma dagatee
– diina kodee godhatee?
Hubaadhaa Qomoo fi lammiin? – jechaa gabbisa dhagaa
„Saanyiin faacaasaan margaa“ – „dharri hin ajjeessu dhugaa“
„Dhugaa bulee guddatu“ – kan hin banne hundeensaa
Nama dhugaa daabsudha – “ kan hankaaku galmasaa“
Abdii fi irkoon haalagaa – turee seenaa faalleessa
Seenaa bilisaaf tumsaa – oromoon walii obsaa
Hadhooftu akka eebiichaa – qabsoo dhugaa finiinsaa
Biyya Oromoo laalistu –
Boolaaleen hin qochissu – tarkaanfii tokko malee
Hangaasuu Bilisummaa 27