Hangaasuu Bilisummaa Journal Volume 1 - ULFO

isaan tajaajilaa ture. Egaa,
Oromoonni gabbaarii yookaan
ciisii tahan kun hoomisha
handhuuraa isaanii tahe gabbaraa
jiraachuu qafa otoo hin taane,
karaa hundaa abbaa lafaa isaanii
tajaajjiluyyu. John Markakis
waayee kanaa, barroo (kitaaba)
isaa fuulee 113 irratti kunoo akka
kanaa gadii jedha**:
"The gabbar was also required
to provide landholder with
necessities such as honey,
meat, firewood, dried grass,
and sundry other items. In
addition labour service was
required of him for a variety of
purposes. The gabbar had to
grind the landholder's share of
grain, transport it to his
residence in town, build his
house, maintain his fences,
care for his animals, and act as
porter, messenger, and escort.
Nor was the gabbar in a
position to refuse any request
of the landholder. Moreover,
the gabbar was obliged to
present gifts to the landholder
on religious holidays and
whenever the latter was
promoted, married, had a son,
went to perform military
service, or returned from it."
Uummanni Oromoo inni
gabbaarii jedhame kun, akka
Saamicha Lafa Oromoo VOLUME 1 SPRING 2010
kanaa olitti arginutti gabra
yookaan qixxee gabraa ti jechuu
dha. Habashoonni gabra akka
hoolaatti gabaa baasanii gurguru
yookaan bituuyyu. Gabbaarii
wanni isa gabra irraa adda isa
taasisu, gabaadhaa bitamuu
yookaan gurguramuu dhiisuu
qofa. Kan uummanni Oromoo fi
uummatoonni Kibbaa
nafxanyoota gara-jabeeyyii,
garaan bineensaa kanaaf hojjatan
kana callaas miti. Akka
ashkariittis mana keessa isa
tajaajilu. Kun kan ilaalu abbaa
warraa qofa otoo hin taane,
maatii isaa hunda. Haati warraa
isaa akka hojjattuu manaatti
waan hunda jaraaf hojjatti.
Ijoolleen isaas akkanuma. Sirna
gabrummaa jibbisiisaa kana
keessa, akkamitti uummanni
keenya dabree akka as gayuu
dandaye, kutaalee itti-aanan
irratti wajjumaan ilaalla, mee
"Haabultu dubbiin"!
=== Hubachiisa miiljalee ===
1) * Walaloon kunii fi kan biraas
kanaan dura waan barreeffamee,
gara Afaan Ingiliziitti hiikamee
bayeef, namni feetan isa ilaalu
dandeessu. Tamene Bitima: "On
Some Oromo Storical Poems",
1983, in: PAIDEUM 29, pp. 117-
125. Yookaan : Griefenow-Mewis,
Tamene Bitima: "Oromo Oral
Poems Seen from Within (Eds.)",
Koeln, 2004.
2) **Bara Hayila Sillaasee namti
Ameerikaa tokko, kan afaanota
naannoo Gaafa Afrikaa irratti
qorannoo adeemsisaa ture, horoo
qorannoo dhaabbata addaddaa
irraa argachuuf jedhee, uummata
duraan Kuush Lixaa jedhamee
beekamuuyyu: Waalayitaa,
Gaamoo, Kuulloo-Kontaa,
Shaakichoo, Kafichoo faa hortee
Kuushii irraa addaan qooduun
maqaa lagaa kenneefii: Omoo
("Omotic") jechuun moggaase.
Habashoonni dhalawwan Kuush
addaan qoodanii barabaraan
bituun waan sagantaa isaanii
taheef, ennasuma kana fudhatanii
"Omoo" jechuutti ka'ani.
Harrallee beektota afaanii kan
Oroppaa keessaa, warri kana hin
fudhanne guutaniiru.
Barreessitoonni fi dureewwan
Oromoo dabrees kan Kuushota
biroo kana fudhachuu hin qabani.
Kan Habashoonni addaan nu
qoqqoodanii hanga ammaattuu
nu bitaa jiran ni gaya. Gayeen
gayee dhaa, abadan nuti
dhalawwaan Kuush diinaaf
harka hin kenninu!
3) John Markakis: "ETHIOPIA -
Anatomy of a Traditional Polity",
Oxford, 1974.
Hangaasuu Bilisummaa 21