Hangaasuu Bilisummaa Journal Volume 1 - ULFO
Hangaasuu Bilisummaa Journal Volume 1 - ULFO
Hangaasuu Bilisummaa Journal Volume 1 - ULFO
Create successful ePaper yourself
Turn your PDF publications into a flip-book with our unique Google optimized e-Paper software.
Biyya Oromoo Laalistuu VOLUME 1 SPRING 2010<br />
Boreen dhugaa dhaaddeessu – hoga goomoon mandiisuu<br />
Boree mirga dhalootaa – diroon dhiigaan falmata<br />
Namuumaaf nooru jedhu – seera uumaaf dhaabata<br />
Godaanan biyya haalagaa – nagaa siif dhaamu laata?<br />
Akkam bultee sin jechuuf – halkaan baariyaa laata?<br />
Akkam oolte sin jechuuf – maaliin siif dhiiyaa laata?<br />
Mee takkaa dhagefadhu – waan nu gubuun gabasaa<br />
Ittiin si aarsuuf miti – haadha ilmaan gamessaa<br />
Seenaaf yeelaluuf malee – attuu hin dhabne bekkumsa<br />
Bekkumsa sirna fokkuu – xinnaa fi guddaa boosisa!<br />
Biyya Oromoo Laalistuu,<br />
Burqaan gibee hin guunee – haawas yaa’u bubbise<br />
Akka waan bishaan dhabdee – eebuun aafaan nu gogse<br />
Dhaamsaf jecha makmaaksaa – afaan eenyummaa ibsa<br />
Akka waan afaan dhabdee – qooqa halagaan nu gorsaa<br />
Dagaagan lammii fi qomoo – aadaaf aadaa akka huumoo<br />
Labsa seera abba gadaa – safuu siiqqeetu hooda<br />
Akka waan aadaa dhabdee – lubni hidhame gaddaa<br />
Gamtaa naanoo fi aanaa – lammii fi qomoo gurmessaa<br />
Akka waan odaa dhabdee –kiyyoon nu marsee caasaa<br />
Laliistu biyya oromoo – guutee jiru dilbii fi kuusaa<br />
Akka wan midhaan dhabdee – belaa hinjirree nu onsa<br />
Waan hundaa hin himaatanni – fukkuu sirna cunqursaa<br />
Kan hafee waaqaaf dhiise – boree hin haafnee bilisa!<br />
Biyya Oromoo Laalistuu,<br />
Safuu hin eegane laata? – cubbuu maaltu nu qabee?<br />
Maal jetee nu eebbistee? – carraa maaltu nu qaqabee?<br />
Coqqorsa baksaa cuuphxee – dargagoo adda tuqxe<br />
Adda jabbadhaa hin jennee? – irree uumaa wal–qiixxee<br />
Coqqorsa baksaa cuuphxee – dubaroo mormaa tuqxe<br />
Lubbuu dheradhaa hin jennee? – akka eegataan haanxee<br />
Bilaa haanxee hidda dhiigsu – eenyummaa kan maadeessu<br />
Aadaa sirna cunqursaa – maaf safuu waaqaa cabsa<br />
Addageen dhugaa dabsan – maaf humnaf nu dorsiisan!<br />
<strong>Hangaasuu</strong> <strong>Bilisummaa</strong> 26