ПСИХИЈАТРИЈА

ПСИХИЈАТРИЈА - СОДРЖИНА
653
СИМПТОМИ
• Делузивните идеи се константни и, за разлика од шизофренијата, јасни и структурирани.
Пациентот се адаптира на неговата делузија, но неговата личност останува
непроменета. Пациентите често премногу се осетливи и внимателни, што може
да доведе до општествена изолација.
• Функционалниот капацитет на пациентот може да е добар и често тој ефикасно
може да ја крие својата болест.
ДИЈАГНОЗА
• Делузивни идеи кои траат најмалку еден месец (на пример, пациентот чувствува
дека тој/таа е следена, отруена, сакана или навредена од некого, кој често е добро
позната личност).
• Слушните или визуелните халуцинации кои може да се присутни не се доминантни.
Критериумите за шизофренија не се исполнети.
• Освен делузиите, однесувањето на пациентот е нормално.
• Растројство во расположението, заедно со делузиите, трае помалку време од делузиите.
• Симптомите не се предизвикани од органска болест, лекови или злоупотреба на
супстанции.
ДИФЕРЕНЦИЈАЛНА ДИЈАГНОЗА
• Општи медицински состојби (Паркинсонова болест, васкуларна деменција,
Алцхајмерова болест, Хантингтонова болест, хипотиреоидизам и хипертиреоидизам,
растројства предизвини од нарушувања на мозочните базални ганглии) и
растројства предизвикани од некои фармаколошки супстанции (деривати на амфетамин,
антихолинергетици, лекови за Паркинсонова болест, циметидин, дисулфирам,
кортикостероиди и исониазид).
• Параноидно растројство на личноста.
• Параноидна шизофренија.
• Тешки депресии, со психотични симптоми.
• Биполарно растројство.
ТРЕТМАН
• Третманот на делузионото растројство, во 30-50% од случаите, е долготрајно и
често неуспешно.
• Пациентите сами ретко бараат психијатриска помош и најчесто нивното семејство
е тоа што инсистира за психијатриски третман.
• Хоспитализација е пожелна ако пациентот не може да ги контролира своите самоубиствени
или други насилни импулси. Понекогаш хоспитализацијата е потребна и
за дефинирање на дијагнозата.
• Психотерапијата е ретко ефективна, бидејќи најчесто не постои доверба од страна
на пациентот спрема терапевтот. Психотерапијата може да помогне како поддршка
на пациентот да се справи со симптомите.
• Параноидното однесување, исто така, може да биде бариера за лекување. Може
да се направи обид со мали дози антипсихотици (на пример, халоперидол 2 mg/
ден), кои постепено се зголемуваат.