ODOLAREN MINTZOA

19/B.:
Tripa ez du betetzen hiriko aizeak,
baizik lurretik bildu janari maiteak;
zuretzat ez balira bermatzen bertzeak,
luzaro gabe hilen zintuzke goseak.
20/H.:
Goseak hilen nauen ez dago beldurrik,
gaurko osagarriak badiraut, segurik;
zernahiz jabetzen da, dirudun delarik,
jateko ez dut zure lurraren beharrik.
21/B.:
Egun batez haragi, arraina bertzean,
ogia harmairuan, ilarrak eltzean:
guziak diru truke dituzu etxean;
non bila zinezazke, guk sortu ezean?
22/ Pertsulariak:
Baserritar tontoak holako galdera!
Durduzatuko zuen abokat bat bera.
Auzia trenkatu zen hortikan aurrera,
hiritarrak etzuen hinkikan atera.
23/ Behar dela hiritar dudarikan ezta,
bainan lur.-langilea beza errespeta;
eduki arren diruz sakelak beteta,
jangairik ez badago, akabo da besta.
150