ODOLAREN MINTZOA

Xalbadorrek:
1/ Andrea ez dut nik hartu geroko menturan,
neguaz pentsa gabe maitatu dut udan;
bainan oraintxe jartzen ari naiz ni dudan
gero ta maiteago zergatik zaitudan.
2/ Zure egina nauzu muina ta hezurra,
hola pasako zela banuen beldurra;
oraino're zurekin ni beti gostura,
zutan kusi nuena ez baitzen gezurra.
3/ Iguzki egina da zu zaren itzala,
luzaro elgarrekin gaitezke, oxala!
Ikusten dut beti ta hobe zoazala,
armairu-xokoan dan ardoa bezala.
Zarautz'en, 1973-IV-1'an.
UDABERRIA
Patxi Larrañaga'k: Zuk ere iru bertso, nai dezun doñua
artuta, udaberriari kantatu bear dizkiozu. Iru bertso; gaia,
ori da: udaberria.
Xalbadorrek:
1/ Gai alai hori entzun da eni alaitu zeraut barrena,
udaberriak ezeztatzen du negu beltzak duen pena;
kanpo guzia berpizturikan eder ezartzen duena,
udaberri da urte guziko sasoinetan ederrena.
342