ODOLAREN MINTZOA

7/ Serora gaixoak ere, hain beharrak herrian,
ginauzkanak egoitza on baten behar gorrian;
hoien ezartzea ere sartu zautzu burian,
merexi zuten bezala, beren etxe berrian.
8/ Lan da zure obrak oro ezartzea lerroan;
horra hor bertze etxe bat, seroratei-ondoan
nexkatontzat zuk egina, zerbait haundi gogoan:
hor ikasiko zutela etxekanderegoan.
9/ Bil-etxe maitea ere zuk emana da xutik,
gaztentzat beharragorik herrian etzen deusik;
ez ginakien non josta, non erahil solasik;
orai hadugu hautua, hau dugunaz geroztik.
10/ Oraino zertan ez duzu gutaz hartu axola,
Jaunaren erakaspena ez galtzeko nehola?
Burrasok heren hautua egiten dute hola,
zuk eginik n1.utikontzat giristino eskola.
11/ Zer egin duzun etorriz geroz gure artera
kondatzeko, balitaike oraino sail ederra;
Oilarandoi'n goiti eta Leizpartze'tik behera
zuk berritu duzu ere Urdoz'eko kapera.
12/ Zure obren kantatzea ez daukuzu galdegin;
geiago egin dukezu, hainan orok ez jakin;
badakizia oraino zer ginuken atsegin?
Luzaz gure artzain gisa egon zaiten Baigorri'n.
158