ODOLAREN MINTZOA

11/ Bertze bat ere badut ezin ahantzia,
sortzez ez izan arren gure askazia:
umezurtz gelditurik gurekin hazia,
aspalditik han gaindi damana bizia;
haren kusteko ere izan dut grazia.
12/ Bilgia nagusia izan arren Chino'n,
ibilia naiz ere ikuska ldaho'n,
koinat iloben baitan gero San Francisco'n;
miserian nintzala ez beldurrez egon,
iragan dut hor gaindi zonbait gau egun on.
13/ Egin izan dut ere bortz kantaldi luze,
hor ere euskalduna baita pertsu gose;
bainan ordaina ez dut ahantziko aise,
ongi sariztatua naute banaz bertze,
nitarik esker ona askok dute hartze.
14/ lnguratu zauzkitan euskaldun nobleak,
ene bihotz xokotik ez daude gordeak;
gogoan daduzkatan gizon ta andreak,
ene ongi-egile parerik gabeak,
merezi nuen baino aunitzez hobeak.
15/ Hau ere erran gabe ez nitaike pasa,
hango biltokietan ikusten den gauza:
garbi agertzen da han euskaldun arraza,
denak gure herriko kantu eta dantza,
gaur ez da hain euskaldun gure aunitz plaza.
231