ODOLAREN MINTZOA

1/ Egun, bakea, zutaz kantatzerat noa,
iragan aspalditik banuen gogoa;
gizonen zorionak zu zaitu erroa,
ontasun guzietan pare gabekoa,
bakan aurkitzen ziren lore arradoa.
2/ Denek dugu bakea gure mingainean,
nahiz herra bazkatu bihotzen barnean;
betidanik bezala, gaurko egunean,
hameka giristinok lur hunen gainean
gerla egiten dugu zure izenean.
3/ Nahiz gerla tiroak urrundu aspaldi,
haren usain kiretsa bada hemen gaindi;
batean kalapitan hoinbertze alderdi,
edo langilen eta nagusien aldi,
egiazko bakerik nehon ez da sendi.
4/ Munduari be gira egon naiz bortzetan:
zonbat jende bizi den lege zorrotzetan,
bizientzat eraiki hil-harri hotzetan;
hek ez dute sartzerik gerlako gauzetan,
bainan ez da bakerik heien bihotzetan.
5/ Jo arazten diete bi belaunez lurra,
ixilik egon diten, tinkatuz zintzurra;
itotzen badute're heien arrangura,
ez diete itzaltzen barneko su hura;
bake sortaraztaile txarra da beldurra.
250