ODOLAREN MINTZOA

3/ Ene amatxik mundu guzian ba ote zuen berdinik?
Dudatzen nago hartu dukeen nehoiz ere atseginik;
orai eskuak ximurtu zaizko zainak hor dauzka urdinik,
eta ez dago arritzekoa horrenbeste lan eginik.
NI NAIZ
Usurbil'en, 1975 urtean, "Ni naiz» gaia eman eta, kantatu
pertsuak:
1/ Gure izakera desberdina da nola gauetik eguna,
bainan bakoitzak ereman behar Jainkoak eman diguna.
Nihori nehoiz ezin dut gorde ene aurpegi iluna,
gorputza latza badaukat ere bihotza daukat biguna.
2/ Asko alditan, atsegingarri zuentzat izan beharrez,
alaiarena egiten dakit, maitasunaren indarrez;
bainan barrua goibeldua maiz mundu huntako gaitz txarrez,
alai agertzen naizela ere, bihotza daukat negarrez.
3/ Zuen zorionak pozten nau ni, ez naiz gizon bekaiztia;
bainan barnetik senditzen ditut ongia eta gaizkia.
Ez naiz izar bat, hori badakit, ezta ere iguzkia;
bainan horrela har nezazue, hori da naizen guztia.
345