ODOLAREN MINTZOA

Nahi ez duenak ez beza sinets, bainan eni bigarren hori
eskastu izan zaut beti. Ez du pertsularia izan behar, ni baino
titxolariago izaiteko. Gogoarekin bakarrik ere zerbait egin
ditaikela, badut ahatik lekukotasuna. Ni hortaz izan bainaiz
geh¡enik dohatua.
Ez bainaiz ordea titxolaria, beti nekez ari izan naiz, eta
ongi berriz bakan. Nondik nahi duzu, rima ezin bilatuz ari
denak, gogoan izan ditzan, pertsuak ona izaiteko eskatzen
dituen bertze baldintzak?
Pertsu ona egin nahi duenak, ez du behar problemarik
izan horren osatzeaz, behin zer erran gogoratuz geroz. Errextasun
hori osoan duten pertsulariak, nehork uste baino gutiago
dira.
Bertze guziek barka dezaidatela, bainan alde huntan Xanpun
dugu, izaitekotz, hortaz dohatua. Gipuzkoa'n eta Bizkaia'n
badira ahatik andana bat, gure iduriz hasteko, pertsua
nahi bezala moldatzen dutenak edozoin rimetan.
Rimaren bilatzea baldin bada enetzat segurik lanik zailena,
hori da ere gauzarik premiatsuena pertsuaren egiteko.
Azken denbora hauetan, pertsuzale batzuek atera daukute
ez duela rimak inportantziarik haundiena pertsu batean;
barnean zer duen dela gehienik konda. Eta banago, hori entzunik
edo, zonbait entzule ez ote diren egoiten gaizki rimatu
pertsu bat entzun arte, esku zartaka hasteko!
Behar bada, pertsulari batzuek ere atseginekin entzun
dute ateraldi hori, askatasun horrek arint lezakelakotz gure
lanaren zailtasuna. Bainan ez ditela lokar. Pertsulariak
pertsuak egin behar ditu. Nolakoak egiten diren, hori bertzerik
da. Bainan arrozoinamendu txar bat ongi rimaturik,
pertsuago da, arrozoinamendu on bat gaizki rimaturik baino.
Irinik hoberenarekin egin orea ere ez da ogia, labean
axala egin artean.
58