Өөртөө итгэх итгэл
Өөртөө итгэх итгэл
Өөртөө итгэх итгэл
Create successful ePaper yourself
Turn your PDF publications into a flip-book with our unique Google optimized e-Paper software.
МОДУЛЬ 1: СЭДЭВ 5<br />
ХҮМҮҮС, ҮНЭТ ЗҮЙЛС БА ЗАРЧИМ<br />
ТУХАЙН СЭДВИЙН ҮНДСЭН ОЙЛГОЛТ<br />
• Үлгэр дуурайл авна гэдэг нь өөрийн хүндэлж явдаг хүний зан ааш, үнэт зүйл болон биеэ<br />
авч явах байдлыг нь даган дуурайж, амьдралдаа мөрдөхийг хэлнэ.<br />
• Хүн хэн нэгнийг хүндэлж болох ч түүнийг заавал дуурайх албагүй.<br />
• Үлгэр дуурайл болох хүнээсээ үнэт зүйл олж авч болно. Үнэт зүйл нь хүний сонголт, биеэ<br />
авч явах байдалд нөлөөлнө.<br />
• Үлгэр дуурайл авах хүн: Шүтэн биширдэг, хүндэлдэг ба дуурайхыг хүсдэг хүн. Биеэ авч<br />
явах байдал нь бусдад урам зориг өгдөг хүн.<br />
• Үнэт зүйл: Тухайн хүнд чухал эд юмс буюу үзэл санаа.<br />
• Зарчим: Зан авир, биеэ авч явах байдлаа үнэт зүйлээсээ гажуудуулахгүйн тулд дагаж<br />
мөрддөг зүйл. Жишээ нь: Туяа боловсролыг үнэт зүйл гэж үздэг бол “хүн гэр бүл болохоосоо<br />
өмнө сургуулиа дүүргэх ёстой ” гэсэн зарчим баримтлах нь зүйн хэрэг.<br />
ЗОРИЛГО<br />
Энэ сэдвээр бусдад үлгэр дуурайл болдог хүмүүсийн талаар ярилцана. Өөрийн хүндэлж, үлгэр<br />
дуурайл авдаг хүмүүсийг тодорхойлж, эдгээр нь яагаад чухал болох, мөн хүмүүсийн үлгэрлэж<br />
буй үнэт зүйл, тэдгээрээс улбаалан биеэ авч явах зан байдлын тухай хэлэлцэнэ.<br />
ЗОРИЛТ<br />
Энэ сэдвийн төгсгөлд суралцагчид дараах чадвартай болсон байна.<br />
Үүнд:<br />
• Хүндэлж явдаг, өөрт нь эерэг үлгэр жишээ болдог хүнээ тодорхойлж, түүнийг яагаад<br />
хүндэлдэг тухай тайлбарлах.<br />
• Өөрт нь маш чухал таваас доошгүй зүйлийг нэрлэх.<br />
• Өөрийнх нь үнэт зүйлд үлгэр дуурайл болдог хүмүүс хэрхэн нөлөөлдөг, тэдгээр үнэт зүйлс<br />
биеэ авч явах байдалд хэрхэн нөлөөлдгийг тодорхойлох.<br />
• Өөрийн болон гэр бүлийнхээ баримталж явдаг үнэт зүйлийн ижил ба ялгаатай талыг<br />
тодорхойлох<br />
Бэлтгэх зүйл<br />
• Том цаас, эсвэл самбар<br />
• Маркер, эсвэл шохой<br />
• Үзүүлэнд ашиглах том цаас - 6 ширхэг<br />
• Скоч<br />
ҮЙЛ АЖИЛЛАГАА 1<br />
Бидний үлгэрлэн дуурайх хүн хэн бэ?<br />
Суралцагчдаас дараах асуулт асууна:<br />
Хэн нэгнийг биширдэг гэдэг нь ямар утгатай вэ?<br />
Гарч болох хариулт:<br />
--<br />
Хэн нэгнийг биширнэ гэдэг нь түүнийг их хүндэлдэг гэсэн үг.<br />
Үлгэр дуурайл болдог хүн гэж хэнийг хэлэх вэ?<br />
Гарч болох хариулт:<br />
--<br />
Үлгэр дуурайл болдог хүн нь бусдын хүндлэлийг хүлээж, түүний зан ааш, үнэт зүйл, биеэ<br />
авч явж байгаа байдлыг нь хүмүүс даган дуурайхыг хичээж, бусдад урам зориг хайрладаг.<br />
Хүндэлж биширдэг бүх хүн бидний үлгэрлэн дуурайх хүмүүс мөн үү?<br />
Гарч болох хариулт:<br />
--<br />
Үгүй. Хүмүүс хэн нэгнийг биширч болох ч тэдэнтэй адил байхыг хүсэхгүй байж болно.<br />
Суралцагчид дэвтэртээ дараах зүйлийг бичнэ.<br />
Үүнд:<br />
--<br />
Өөрт нь үлгэр жишээ болдог хоёр хүнийг нэрлэх.<br />
--<br />
Яагаад тэр хүмүүсийг хүндэлдэг, мөн амьдралдаа тэдэн шиг байхыг хүсдэгээ тайлбарлах.<br />
--<br />
Тэдгээр хүмүүсээс үлгэр дуурайл авдаг зан чанар, чадварыг жагсаан бичих.<br />
Суралцагчдыг 3-4 хүнтэй бүлэгт хувааж, бүлэг бүрт том цаас, маркер, харандаа өгнө. Бүлгийн<br />
гишүүн бүр эхлээд өөрийн үлгэр дуурайл авдаг хүнийг яагаад сонгох болсон, ямар зан чанартай<br />
талаар хоёр минутын хугацаанд ярина. Дараа нь хамтран, дараах асуултын дагуу ярилцана.<br />
Хүн бүрийн танилцуулсан зүйлийн ижил ба ялгаатай тал нь юу вэ?<br />
Үлгэрлэн дуурайдаг хүмүүсээ ямар учраас хүндэлдэг вэ? Үлгэр дуурайл авдаг хүмүүс,<br />
тэдгээрийн зан чанар, чадварт ямар ижил болон ялгаатай чанар байна вэ?<br />
Бидний амьдралд үлгэр дуурайл болдог хүмүүс ямар үүрэг гүйцэтгэдэг вэ? Яагаад эдгээр<br />
хүмүүс бидний амьдралд чухал байдаг вэ?<br />
46 47