Febrero 2012 - Diocese de Ourense

Quixera recordarvos que dentro de
oito meses, o vindeiro once de outubro,
iniciaráse o Ano da Fe con ocasión
do cincuenta aniversario do Concilio
Ecuménico Vaticano II. Este será
outro dos proxectos que nos ocupará a
partir da Pascua: preparar en sintonía
con Pedro, o Ano da Fe. Este próximo
obxectivo ten que axudarnos a reactivar
a fe do noso pobo. Non se pode
amar o que se descoñece e hoxe en día
a ignorancia sobre as cuestións máis
elementais da fe cristiá é preocupante.
Ás veces, algún dos nosos contemporáneos
ten que loitar contra certos espellismos,
normalmente construídos
pola ignorancia, a inercia dunha pseudocultura,
o relativismo ambiental.
Nos últimos decenios construíronse
unha serie de caricaturas do cristián,
e en especial da Igrexa, alimentáronas
ideoloxías que ofrecen ao ser humano
aventuras sen retorno. É necesario intensificar
a formación cristiá do noso
pobo, de modo que exista certa coherencia
entre o que se pensa e se vive.
A vós nenos e mozos, quixera dicirvos
que non teñades medo a abrir as
vosas vidas a Xesucristo, El é o gran
amigo que está sempre ao voso lado
e que nunca vos traizoará. Esixe con
amor, pero xamais vos privará de todo
Ordenación y Toma de Posesión
aquilo que sexa autenticamente humán
e bo. Quen se fía de El atopa o auténtico
Camiño que o leva a vivir unha
existencia en plenitude, unha existencia
feliz. Pido para todos “o mellor”,
sei que a situación da nosa sociedade é
complexa, as perspectivas de futuro parece
que se presentan cheas de temores
e pesimismo, non obstante, coa confianza
posta en Deus pídovos que non
perdades a esperanza. Xuntos podemos
construír un mundo mellor se nos
deixamos gañar o corazón polo Señor.
De todos espero que non descoidemos
a atención ás institucións de caridade e
beneficencia dirixidas pola Diocese; na
medida que sexamos xenerosos e saibamos
compartir, gañaremos máis en
humanidade e en graza.
Invítovos a que volvamos a mirada
do noso corazón a Santa María, que ela
sexa esa estrela da nova evanxelización
á que nos está a convocar a Súa Santidade
Bieito dezaseis e á que, dende
este momento, vos invito a todos os
homes e mulleres desta nobre terra de
Ourense.
Que San Martín e Santa María Nai
nos axuden a todos. Que Deus vos bendiga!
E moitas, moitas grazas por todo
o voso cariño e polas vosas oracións!
FEBRERO 2012 · Boletín Oficial · 121