Haiti Liberte 27 Decembre 2023
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kwonik Kreyòl<br />
17 desanm-6 janvye : Peryòd Makaya<br />
Piard J. Fatal<br />
Se nan bwa m rete o mwen Twa Ile.<br />
M ape mande kisa pwal bay Gad<br />
la manje.<br />
Makaya manje Koki Lanmèèèè<br />
Mwen di se nan bwa m rete ooo Twa<br />
Ile<br />
Chante Vodou<br />
Yon ti rale sou nwèl<br />
Patizan Krimsyanis yo ki fete fèt<br />
nwèl yo fè konprann se dat Zezi<br />
te fèt. Men nan Kilti Vodou menm<br />
epòk sa a se pito peryòd Makaya.<br />
Si nwèl se 24-25 desanm peryòd<br />
Makaya tanmen depi 17 desanm<br />
pou fini 6 janvye ki se jou Lèwa.<br />
Gen anpil Ayisyen sèvèl poul ki kite<br />
menm blan kriminèl ki te konn antere<br />
zansèt nou yo tou vivan yo jwe<br />
nan tèt yo jis yo rive fè yo kwè yo<br />
se kretyen.<br />
Se kretyen bò katedral sa a yomenm<br />
yo fè kwè nwèl se dat yon lamayòt<br />
ekspire yo bay pou Zezi te fèt<br />
nan yon nich poul nan yon peryòd<br />
kote tout bagay nèt kouvri ak nèj.<br />
Siman Zezi sa a te gen po karèt kou<br />
tòti pou fredi pat tou kokobe l epi fè l<br />
fè bwonch pou l ta kadav apre 3 jou.<br />
Alòs tout moun ki gen yon ti zing<br />
bonsans konnen Nwèl sa w tande<br />
a se yon lamayòt pou kraponnen<br />
timoun rechiya.<br />
Si Tonton Nwèl se lamayòt pou<br />
kraponnen timoun, Zezi se lamayòt<br />
tou. Men se pou pase granmoun<br />
nan rizib. Konsa tout moun tèt dwat<br />
konnen se yon fèt loksidan kapitalis<br />
envante pou l ka pwofite fè lavichè<br />
monte bwa pou dechèpiye sa k pi<br />
fèb yo. Kòm pi bèl ekzanp pou n ka<br />
wè pi klè. Lachin se peyi ki fè piplis<br />
abdenwèl pou vann nan epòk nwèl<br />
patikilyèman anvan 24/25 desanm.<br />
Lannwit 24 pou louvri 25 desanm sa<br />
a, se dat sa a zòt pretann Zezi te fèt.<br />
Se dat tou zòt di ti Mari ki<br />
toujou vyèj malgre l te gwòs apre<br />
Sentespri te fin met men sou li devan<br />
2 grenn je ti Zòzèf te met ba. Kòm<br />
rezilta zak kadejak sa a ti Mayòt met<br />
ba yon ti bonnonm li rele ti Zezi. Sa<br />
k pi komik la se sou de twa ti pay<br />
sèch nan mitan yon patiray kote<br />
chen t ap fè lago kache ak ti mouton<br />
k fèk fèt ti Mayòt pouse ti Zizi<br />
sa a san l pat gen okenn chanday<br />
pou chofe l nan peryòd fredi sa kote<br />
tout kote se lanèj ki t ap vide kò l<br />
atè 24/24.<br />
Epoutan ti blofè ki envante istwa<br />
ti Zezi a rakonte koze sa a menm<br />
mounfou sezi jis yo pete kriye de ran<br />
dlo nan je detan y ap ri ak de ran<br />
dan yo griyen. Yon moun ki ka gen<br />
je 1 chèch nan pwen pou l fè w kwè<br />
se nan menm dat 24 pou louvri 25<br />
desanm sa a ti Zezi te fèt li toutouni<br />
kou vètè nan yon ti touf pay, l pap<br />
jennen fè w pran kaka poul blan<br />
pou ze peyi tou. Epoutan, se menm<br />
kriminèl a bib sa a yo ki vann mas<br />
popilè yo lamayòt yo rele Zezi.<br />
Zezi sa a ki fin fè kont gagòt li<br />
ak Mari Madlèn fè kwè l remonte al<br />
prepare yon ti plas dwat papa l anva<br />
l vin chache sa k te dakò viv nan ma<br />
labou yo mennen yo al trip nan 1ye<br />
plas nan wayòm nan. Men se lè yo<br />
fin kite maladi, vyolans, grangou,<br />
toutouni, soufrans fin dekonstonbre<br />
yo apre bandi pè ak pastè vann zam<br />
fin kouri dèyè yo Matisan Kafoufèy<br />
Maryani Pènye, Savyen elariye.<br />
Kiyès Makaya te ye ?<br />
Jou ale, jou retounen, Gason<br />
vanyan k te rele Makaya a se youn<br />
nan 1ye moun ki te koumanse demaske<br />
pil radòt sa a yo blan kretyen<br />
te vin foure nan ti gòjèt sansèt nou<br />
yo. Makaya se te yon Chèf Mawon<br />
ki se te pitit Makandal ki li menm<br />
te yon chèf revolisyonè epi yo gwo<br />
Ougan. Makandal sa a pat konn nan<br />
tete lang ak blan kretyen vakabon<br />
matomann omajiskil. Makaya t ap<br />
dirije yon divizyon rebèl kont lesklavaj<br />
blan kretyen te vin enpoze n nan<br />
non dye Izrayèl yo.<br />
Se Makaya ki te koumanse<br />
mete sou pye premye pepinyè lame<br />
endijèn nan. Se lame endijèn sa a<br />
menm n ki ta pral pran jarèt pou<br />
mennen gwo batay pou chante<br />
lanèman sistèm lesklavaj blan kolon<br />
kreteyen te enpoze zansèt nou yo.<br />
Papa Desalin te vin chante lantèman<br />
sistèm èsklavajis la sou zile a pou<br />
l te ka mennen n sou gwo boulva<br />
Lendepandans Ayiti a 1ye janvye<br />
1804. An n fè sonje dènye rasanbleman<br />
Makaye te fè a te dewoule nan<br />
lannuit 23 desanm 1756.<br />
Menm jan ak bon jan pitit papa<br />
l Makandal, Makaya te wè pi lwen<br />
pase Antwàn nan plenn Gonmye.<br />
Ougan an te gen tan anonse kouman<br />
blan kretyen pral arête l, maspinen l<br />
apre pou yo boule l tou vivan nan lojik<br />
kriminèl kolon eksplwatè yo gen<br />
misyon pou touye l. Men tou Ougan<br />
an te gen tan fè konnen l ap tounen<br />
yon gwo vonvon pou l ka libere anban<br />
flanm dife blan kolon yo. Anvan<br />
jou a rive Makaya te mande pou tout<br />
esklav yo kontinye pale pawòl verite<br />
a menm si l pa ta la ankò.<br />
Makaya te ankouraje frè l ak<br />
sè l yo ak tout lòt kanmrad yo pou<br />
yo kontinye goumen pou yo ka vin<br />
moun kou wè tout kolon yo ki konprann<br />
se yo sèl ki moun pase tout<br />
moun. Menm jan li te anonse sa a, lè<br />
blan kolon yo te fin arete l epi mete<br />
l nan dwoum pou boule tou vivan,<br />
yon gwo gwo vonvon tou nwa kou<br />
chanbon soti nan dife a l vole. Lè<br />
tout lòt esklav yo te wè sa pase jan<br />
l te anonse l la yo tout tonbe kriye.<br />
« Jwaye Makaya, Jwaye<br />
Makaya, Jwaye Makaya ». Se nan<br />
Peryòd Makaya kòmanse17<br />
desanm pou fini 6 janvye, jou Lèwa<br />
memwa gwo kokenn revolisyonè sa<br />
a nan Kilti Vodou pran 17 pou rive<br />
6 janvye se epòk Makaya. Si Ayisyen<br />
alyene yo fete nwèl ki se yon fèt<br />
jidayis ak kretyen, Vodouyizan an<br />
yo pa bò kote pa yo pito swete nou<br />
tout alawonn badè Jwaye Makaya.<br />
Menm jan ak Makaya Gason<br />
Vanyan sa a ki te koumanse ak batay<br />
pou dechouke kolon èsklavajis<br />
yo jounen jodi a tout Ayisyen ki respekte<br />
tèt dwe kontinye gwo batay<br />
sila a pou Ayiti gaya.<br />
Anba Pye Bwa Manbo Inan<br />
Nan ti bat bouch sou koze<br />
Makaya, depi anviwon plis ke 2<br />
lane, men sa Djeri Benjamen Vodou<br />
Lakay di sou sa. Se vre non sa a fè<br />
anpil deba nan tout kominote Vodou<br />
yo. Anpil moun yo gen yon tandans<br />
ranplase Nwèl pa Makaya. E<br />
yo gen rezon yo nan le men yo Pou<br />
anpil moun se yon swaf idantite ki<br />
pwovoke reyaksyon sa, Lakay jèn<br />
yo, pou anpil lòt se twò prese oubyen<br />
mal konprann. Men an reyalite<br />
kisa Makaya an ye ?<br />
Makaya,se yon mo nan nan<br />
Lang Kikongo yo pale nan peyi Kongo,<br />
ki se pliryèl mo Kaya, ki vle di<br />
fèy. Men fèy sa a yo diferan de fèy<br />
yo ka manje yo rele Lukaya. Men an<br />
Ayiti tandans lan change pa rapò ak<br />
sa anpil nan nou,te ka kwè sitou anpil<br />
jèn ki swaf konn TradisyonVodou<br />
an e anbrase li. Makaya se pito yon<br />
epòk ki kòmanse presizeman nan<br />
mitan mwa desanm pou fini nan<br />
finisman 1ye senmenn nan mwa<br />
Janvye an.<br />
Se nan epòk sa menm moun ki<br />
travay ak espri baròk malouk renouvele<br />
tèt yo. Se epòk tou moun ki te<br />
angajman oubyen pran kondisyon<br />
epi fè pwomès ak pwen ou gad sa yo<br />
vin renouvle tèt yo a travè Kondisyon<br />
yo. Men se nan regleman<br />
Makaya se kondisyon bat kòk, tout<br />
ti vis pèt, sa Grandèt yo rele Lalwa<br />
Masyal la. Anndan Tradisyon zansèt<br />
yo, Makaya deziye yon Rit kote ougan<br />
ki sibi inisyasyon sa yo pote Tit<br />
Anperè ou Ougan Anperè.<br />
Anperè, se yon tit lontan ki<br />
te difisil pou wè y ap rele moun.<br />
Men bizaman ki vin trè popilè, sitou<br />
nan zòn lwès lan. Chante Vodou an<br />
di « Se nan bwa m rete o mwen<br />
Twa Ile. M ape mande kisa<br />
pwal bay Gad la manje Makaya<br />
manje Koki Lanmè mwen di<br />
se nan bwa rete ooo Twa Ile.<br />
« Makaya » oubyen « fèy nan<br />
bwa »<br />
BNE : 3 jou Makaya<br />
Pran 20 pou rive 23 desanm<br />
<strong>2023</strong>, Biwo Nasyonal Etnoloji BNE<br />
te òganize 3 jounen Makaya nan<br />
jaden Biwo a menm sou Channmas.<br />
Nan lokazyon sa a te gen<br />
ekspozisyon zèv atizanal, beny,<br />
mizik, chante Makaya, ak anpil lòt<br />
pratik kiltirèl. Plizyè atis ak atizay<br />
tankou Atòs vèvè ak youn nan<br />
zèv li « Dekapite », atizan Sony ki<br />
reprezante « Atelye potri ravin sèch<br />
nan Latibonit », estaf « Schnai creation<br />
» ak « Diamond collection »,<br />
fè prezans yo tou.Saritha youn nan<br />
sekretè biwo Laboratwa syans pèp la<br />
pa t kache konesans li sou Makaya.<br />
Guarino Funeral Home<br />
FRANTZ DANIEL JEAN<br />
FUNERAL SERVICES INC.<br />
Serving the <strong>Haiti</strong>an Community<br />
for Over 30 Years<br />
9222 Flatlands Avenue<br />
Brooklyn, NY 11236<br />
718-257-2890<br />
• Funerals in All Boroughs<br />
• Transportation of Remains<br />
• Cremation<br />
Nou pale kreyòl.<br />
5020 Foster Avenue<br />
Brooklyn, NY 11203<br />
718.613.0228<br />
6 <strong>Haiti</strong> Liberté/<strong>Haiti</strong>an Times<br />
Vol 17 # 26 • Du <strong>27</strong> Décembre <strong>2023</strong> au 2 Janvier 2024