Konposta: zaborretik ortura! (6.972 KB ) - Bizkaia 21
Konposta: zaborretik ortura! (6.972 KB ) - Bizkaia 21
Konposta: zaborretik ortura! (6.972 KB ) - Bizkaia 21
Create successful ePaper yourself
Turn your PDF publications into a flip-book with our unique Google optimized e-Paper software.
6.10. KONPOSTGINTZAREN EGINKIZUNA HIRI-HONDAKINEN KUDEAKETAN<br />
Hirietan sortzen ditugun hondakinen kopurua etengabe igotzen ari da, hiriguneetan gero eta jende gehiago<br />
bizi delako, bizi-maila igo delako, produktu berriak agertu direlako eta botatzeko ontzien erabilera izugarri<br />
hedatu delako. Hondakin horietatik, % 50 eta % 60 bitartean hondakin organikoak dira, etxeetan, jatetxeetan,<br />
dendetan, baserrietan eta araztegietan sortuak. Hain zuzen ere, gaur egungo gizarteak ingurumenaren<br />
arloan duen erronka nagusietako bat hondakin organikoen kudeaketa egokia da.<br />
Duela gutxira arte, hondakindegi kontrolatuak izan dira hondakinak kudeatzeko aukerarik merkeena eta errazena.<br />
Hala ere, ingurumenean oso eragin kaltegarria dutenez, agintariak beste aukera batzuk aztertzen hasi<br />
dira. Aukera horietako bat hondakin gutxiago sortzea da, gehiago birziklatzearekin batera.<br />
Gure lurraldeko biztanleak gero eta gehiago arduratzen dira hondakinen arazoaz, eta foru-aldundiak nahiz<br />
beste erakunde batzuek arazo horri aurre egiteko programak eta politika publikoak abiatu dituzte (Bizkaiko<br />
Hiri Hondakinak Kudeatzeko II. Plan Integrala 2005-2016, adibidez). Horri esker, gaur egun, <strong>Bizkaia</strong> hiri-hondakinen<br />
kudeaketaren arloan aurrerapenik handiena egin duten Europako lurraldeetako bat da. 2009an, sortutako<br />
hiri-hondakinen kopurua gutxitzea lortu zuen, bigarren urtez jarraian: Bizkaiko biztanle bakoitzak 2008an<br />
baino 40 kg zabor gutxiago sortu zuen (% 6,3 gutxiago). Horrela, gure Lurralde Historikoak Europar Batasunak<br />
2016rako ezarritako helburuak betetzea lortu du: 2000. urtean baino 20.000 biztanle gehiago dituen arren,<br />
orain dela hamar urteko hondakin kopuru bera sortu du (627.035 tona urtean, hau da, 544 kg urteko eta biztanleko).<br />
Bestetik, sortutako zaborraren % 70 materialki edo energetikoki balorizatzen da (% 35 materialki eta<br />
% 35 energetikoki).<br />
Garrantzi handikoa da hondakindegietan uzten diren<br />
materialen kopurua ahal beste gutxitzea, ingurumenaren<br />
onerako. Hala ere, hondakinak bota baino lehen<br />
ahal beste aprobetxatzen ahalegindu behar gara,<br />
horixe da garrantzitsuena. Beste era batera esanda,<br />
helburua hondakindegietara hondakin gordinik ez<br />
botatzea izan behar da. Gainera, hondakin organikoei<br />
dagokienez, oso kontuan izan behar dugu deskonposizio-prozesuan<br />
metano gasa sortzen dutela. Gas horrek<br />
atmosferan berotegi-efektua eragiten duenez, era<br />
egokian kudeatu behar da.<br />
Hondakindegietara hondakin gordinik ez botatzea<br />
lortu nahi badugu, konpostatzea oso aukera egokia<br />
da. Horri esker, hondakin organikoak materiaren<br />
ziklora itzultzen dira eta berriro erabil daitezke, ongarri<br />
gisa.<br />
Nolanahi ere, hiriguneetan sortzen diren hondakin organikoak kudeatzeko orduan konpostatzea aukera baliagarria<br />
izan dadin, bi faktore hartu behar ditugu kontuan:<br />
1. Ondo kontrolatu behar da konpostatuko diren hondakinen kalitatea. Beiraz, plastikoz, material bizigabez<br />
edo biodegradagarriak ez diren bestelako hondakinez kutsatuta badaude, lortzen dugun<br />
konposta baliaezina, kalitate txarrekoa edota errendimendu gutxikoa izan daiteke.<br />
2. Ekoizpen-guneak konposta kontsumituko den lekuetatik hurbil egon behar dira. Izan ere, lortzen<br />
den produktua oso baliagarria izango da lorezaintzarako, basoberritzerako eta lurzoruen kalitatea<br />
hobetzeko, baina garraio-gastuak oso handiak izateak haren erabilera mugatuko luke.<br />
Azkenik, Bizkaiko Foru Aldundiak 2010eko uztailaren 13an onartutako Bizkaiko Hiri Hondakinen inguruko<br />
Prebentzio Plana 2010-2016k jasotzen dituen ekintzetako bat ikastetxeetan konpostgintza sustatzea dela<br />
gogoratu nahi dugu.<br />
34