Izaki bizidunak (animaliak eta landareak) zaintzea eta errespetatzea ...

I Z A K I B I Z I D U N A K ( A N I M A L I A K E T A L A N D A R E A K ) Z A I N T Z E A E T A E R R E S P E T A T Z E A
B
A R I K E T E N B I L D U M A
BETAURREKO MAGIKOAK
Izaki bizidunen eta bizigabeen arteko desberdintasunez
ohartzea da ariketa honen helburua.
ARIKETA NOLA EGIN:
Eskolako ikasgelak, jolastokia eta abar esploratu
behar ditugu. Horretarako, eta pizgarri gisa,
betaurreko magikoak erabiliko ditugu (ikasleek
berek egin ditzakete), bizia duena bizirik ez duenaz
bereizi ahal izateko. Irakasleak gidatuko du ibilbidea,
eta era honetako galderak egingo ditu:
- Irratia bizirik dago?
- Fotokopiak egiteko makina mugitzen al da?
Bizirik dago?
- Ate ondoko lorontziak bizirik al daude?
- Mugitzen diren gauza guztiak bizirik daude?
Ikasgelara itzultzean, ibilbidean ikusi ditugun izaki
bizidunen zerrenda egingo dugu, marrazkiez eta
sinboloez hornituz. Gero, zerrendako izaki bizidunak
sailkatu: animaliak alde batetik, landareak bestetik.
Ohar daitezela ez garela gu izaki bizidun bakarrak,
gure ondoan badirela animaliak (zizareak, euliak,
inurriak…), landare batzuek itzal gozoa ematen
digutela, beste batzuek eskola janzten dutela, eta
abar.
• MAILA:
• 4 eta 5 urte.
• BEHAR DIRA:
• Papera edo kartoizko orriak (fantasiazko
ariketa bat denez, kartoizko orri bereziak
izatea komeniko litzateke, erabili ohi
ditugunak ez bezalakoak).
• Goma elastikoak, puntzoia, guraizeak…
• ARIKETA NON EGIN:
• Ikastetxean bertan.
3. A R I K E T A
LAGUNAREN BILA
Ondo pasatzeaz gainera, animalien hotsak ezagutzea
da ariketa honen helburua.
ARIKETA NOLA EGIN:
Gaur txangoa! Hartu motxilak eta bagoaz basora,
zuhaitz handiak eta animaliak ikustera. Halako
batean, soinu bitxi bat entzuten da, zuhaitz baten
zulotik sortua. Hor barruan bada, bai, zerbait
gordeta! Entzun! Entzun al duzue? (ku-ku, ku-ku…!).
Bai, kukua da!
Eta zuhaixka haien artean zer edo zer mugitzen
ari da. Handia behar du izan, bai, gero! Zer ote
da? Zerria dirudi! Ez da posible: zerriak arrosa
kolorekoak dira, eta ile gutxi dute. Horrek, berriz,
ile asko du, beltz beltza. Zer hots egiten du baina?
(Kurrinka ari da). Hara! Basurdea da eta. Bai, basoan
bizi den zerri-modukoa da basurdea.
Goazen orain hango putzura, oinak bustitzera, bero
handia egiten du eta. Hara hor! Ikusi al duzue nola
joan den jauzika! Zerk egiten du korroka hori? Igela
da.
Bai lore politak, ezta? Eta zer usain gozoa? Sumatzen
duzue? Kontuz, baina! Entzuten duzue burrunba
hori? Erlea da! Lanean ari da, janaria biltzen.
Orain hemen etzango gara, atseden hartzera. Badabil
ba hemen norbait; belar artean guri kantari ari da:
kir-kir! Bai, kilkerra (kirkirra, txirritxirria) da.
Orain gu geu izango gara basoko animaliak. Taldetan
banatuko gara, eta talde bakoitzak animalia bat izatea
aukeratuko du. Estali begiak zapiarekin, eta nahierara
mugitu gelan barrena, bakoitza dagokion animaliaren
hotsa eginez. Hotsak bereizi eta gure taldekideengana
(hots bera egiten duten animaliengana) biltzea da
jokoaren helburua.
4. A R I K E T A
26 I N G U R U G I R O H E Z K U N T Z A R A K O M A T E R I A L A K
C E I D A