Izaki bizidunak (animaliak eta landareak) zaintzea eta errespetatzea ...

B A L I A B I D E M A T E R I A L A K
B
A R I K E T E N B I L D U M A
TXOTXONGILOA
Erabilitako paper zaharra berriz erabiltzea badagoela
ohartzea.
ARIKETA NOLA EGIN:
Ariketa honetarako kolarekin nahastu behar
da papera, behin lehortu ondoren kartoiaren
gogortasuna izan dezan.
Txotxongiloa bera egiten hasi aurretik, kola prestatu
behar da. Erantsi kola hautsa urari, eta nahastu, harik
eta ura loditzen hasten den arte. Utzi kola loditzen,
eta bien bitartean, bete zerrautsez galtzerdi zahar
bat, harik eta bola sendo bat (burua) osatu arte.
Bola biribila edota luzarana egin daiteke, buruari zer
itxura eman nahi zaion.
Egunkari papera zati luze meharretan moztu behar
da. Paper zati bakoitzari kola eman, eta buruari
erantsi, ondo-ondo estali arte. Kontuan hartuz, baina,
lepoa ere egin behar diogula, lepo zulodun bat. (Bide
batez esanda, lepoak, botila batean sartuta, lan egiten
dugun bitartean buruari eusteko balioko digu).
Burua erabat paperez estali ondoren, paper orea
prestatu behar da, kola eta zeluosazko papera,
biak nahastuz. Orearekin buruaren eta aurpegiaren
alderdiak osatuko ditugu: sudurra, belarriak,
bekainak, kokotsa…
Burua ondo lehortu arte bi egun beharko dira
gutxienez. Gogortzen denean, lehenbizi zuriz
margotu, eta gero, zuriaren gainetik, nahi den
koloreaz.
Margotu begiak eta ahoa. Ileak, bizarrak eta kapelua
artilez, feltroz edo beste zernahi gauzaz egin
daitezke.
Jantzitarako ohial zaharrak erabili, patroi baten
erabera moztuta.
Hona txotxongiloa, berarekin jolastu eta amets
egiteko lagun berria. (Ikus 6. marrazkia).
• MAILA:
• 4 eta 5 urte.
• BEHAR DA:
• Egunkari paper pilo bat.
• Zelulosazko papera.
• Kola hautsa.
• Zerrauts pixka bat.
• Pintzela.
• Margoak.
• Oihal zati bat.
• Galtzerdi bat.
• ARIKETA NON EGIN:
• Plastikako txokoan.
• ERANSKINAK - Fitxa 6
13. A R I K E T A
C E I D A
I N G U R U G I R O H E Z K U N T Z A R A K O M A T E R I A L A K 83