Izaki bizidunak (animaliak eta landareak) zaintzea eta errespetatzea ...

B A L I A B I D E M A T E R I A L A K
B
A R I K E T E N B I L D U M A
TAILERREAN ZER EGIN DAITEKEEN:
ONTZIAK ERABILIZ:
Marakak: hartu bi jogurt pote, barruan arroz aleak,
barbantzuak, hartxintxarrak edo dena delakoa sartu,
eta elkar itsatsi. Poteetan ikasle bakoitzak gauza
desberdin bat sartuz gero, maraka hots desberdinak
entzuteko aukera izango dugu. Gero, era askotara
margotu eta apaindu daitezke marakak.
Maraka handiak: aurreko eskulana bezala, baina
jogurt poteak erabili ordez, arropa leuntzeko
produktuen ontziak erabiliz.
Bola jokoa: jokoa hasi aurretik, joko arauak eta botila
(edo birla) bakoitzaren balioa erabaki behar ditugu
denon artean. Birlak bereizteko bide bat botilak
kolore desberdinez margotzea izan daiteke. Jokoa
hasi aurretik, harea pixka batez edo hartxintxarrez
beteko dugu botilaren behealdea. Bola ere gerok
egingo dugu, egunkari paperez edo zatarrez.
Inbutuak eta iragazkiak: plastikozko botilak erditik
moztu, eta ipurdian txuloak egin. Goiko erdia
inbututzat erabil daiteke, eta behekoa, berriz,
iragazkitzat. Lanabes horietan zehar ura, lurra,
harriak… igaroaraziz jolastuko gara.
Telefonoak: hartu jogurt pote bi eta politu. Zulo
bana egin puntzoi batez. Gero, hartu soka edo
artilezko hari luze bat eta zuloetatik igaroarazi. Soka
muturrean korapiloa egin, zulotik atera ez dadin, eta
kito! Telefonoz hitz egitera.
KUTXAK ERABILIZ:
Argazkiak egiteko makina: laukizuzen edo lauki
itxurako kutxa bat behar da. Erdian zuloa egin, eta
zuloan zehar komuneko paperaren hodia sartu,
objetibo gisa. Bisore gisa, pospola ontzi bat, edo
neurri bertsuko zerbait itsatsi, eta kutxaren beste
aldean, berriz, kliskagailu gisa, beste kaxa txikiago bat.
Aldean errazago eramateko artilezko hari bat edo
soka bat lotuko diogu, zintzilik eramateko.
Prismatikoak: Komuneko paperaren bi hodi behar
dira. Pospolo ontzi batez lotu. Lehenbizi, baina,
margotu, eta zulotxoak egin, sokatik esekita eraman
ahal izateko.
Trena: Esne kutxak behar dira. Zuloak egin, leiho
gisa. Lokomotortzat aukeratzen dugunari komuneko
paperaren hodi bat itsatsi, tximini gisa. Hodiari
litsak eginez bezala, zabaldu mutur bat, hobeto itsas
dadin. Kartoi zati batean gurpilak marraztu, ebaki
eta bagoiei itsatsi. Nahi bada, jendea margotu eta
leihoetan jarri. Lokomotorraren aurrealdeari soka
bat lotuta, arrastaka eraman ahal izango dugu trena.
(Ikus 3. marrazkia)
• ERANSKINAK - Fitxa 3
KUTXA HANDIAK ERABILIZ:
Autobusa: Kutxa handi handi bat behar da. Kendu
beheko partea, eta albo banatan eta aurraldean
leihoak zabaldu. Gurpilak egiteko lehen moztutako
kartoi zatia erabili. Biribil mozteak lan handia
ematen badu, biribila den beste zerbaitez lagundu.
Zelofanez leihoetako kristalak egin, baina leihoetako
batean batere ez jarri, bertatik burua atera ahal
izateko. Autobusa itxuratzean, kanpotik margotu eta
apaindu dezakegu.
Autobusa martxan jarri aurretik, denon artean
antolatu bidaiatzeko txandak, gidaria izendatu,
txartel zulatzailea aukeratu, txartelak zerez eta nola
egin erabaki… Bidaztien puskak era egin daitezke,
tamaina desberdinetako kutxez.
Kartoizko jantziak: telebista edo tamaina bertsuko
zerbait biltzeko kutxak behar dira. Kendu kutxari
azpia eta gaina, eta uhal modukoak egin sokaz, kutxa
sorbaldetatik eseki ahal izateko. Pentsatu nolako
jantzia nahi den, eta margotu kutxa pentsatutako
diseinuaren arabera. (Ikus 4. marrazkia)`
• ERANSKINAK - Fitxa 4
9. A R I K E T A
80 I N G U R U G I R O H E Z K U N T Z A R A K O M A T E R I A L A K
C E I D A