Izaki bizidunak (animaliak eta landareak) zaintzea eta errespetatzea ...

B A L I A B I D E M A T E R I A L A K
A I R A K A S L E A R E N T Z A K O M A T E R I A L A
- Hondarrak ezin badaitezke beira egiteko erabili,
eraikuntzarako materialak, betegarriak-eta egiteko
erabiltzen dira. Bestela, zabortegira botatzen dira.
- Ontziak egitean gelditzen diren puskak
BIRZIKLATU egiten dira, beira urtua lortzeko.
- Erabileraren poderioz berriz erabiltzeko moduan
ez dauden ontziak bildu (bilketa selektiboa) eta
BIRZIKLATU egiten dira, berriro urtuz beira
lortzeko.
- Berriz erabiltzeko edota birziklatzeko moduan
ez dauden hondakin produktuentzat materia eta
energiako beste ziklo bat bilatzen da.
Horixe bera egiten da lehen zerriari jaten emateko
erabiltzen ziren hondakin organikoekin. Hondakin
organikoak ezin direnez janaria egiteko (animalien
pentsua) erabili, konpost egiteko erabiltzen dira.
Zerbait BIRZIKLATZEA zerbait BERRIZ ERABILGARRI
egitea baino zailagoa da. Birziklatzea berrerabiltzeaz
haragoko urratsa da. Birziklatzeko beti egon behar du
ziklo bat, beti eman behar da energia, eta beti azalduko da
hondakin produkturen bat.
Sarreran aipatu dugun bezala, garrantzitsua iruditu zaigu
zenbait kontzeptu argi uztea, irakasleak gogoan izan ditzan
bere eguneroko lanean. Haur hezkuntza oso leku ona da
ingurugiroarekin errespetuz jokatzen erakustea helburu
duten balioak, prozedurak, jarrerak eta kontzeptuak
lantzeko, honako unitate didaktiko honen azken helburua
iristeko, alegia.
2. - HELBURUAK
2.1. - HELBURU OROKORRA
Unitate didaktiko honi dagokionez, Euskadiko Curriculum
Garapenerako Dekretuaren “E” epigrafea da Haur
Hezkuntzaren helburu orokorretan bereziki landuko
dena.
“Ingurunea jakiminez eta arretaz behatzea eta
arakatzea, hura osatzen duten elementuen
ezaugarri eta propietate nagusiak identifikatzea, eta
orobat identifikatzea ere elementu horien arteko
erlazioetako batzuk”.
2.2.- UNITATE DIDAKTIKO HONETARAKO HELBURU
ESPEZIFIKOAK
- Gauza guztiak, erabilgarriak diren heinean,
baliabideak ditugula konturatzea eta ohartzea.
- Dauzkagun baliabideak behar bezala aprobetxatu
eta erabili beharraz ohartzea.
- Inguruan dutena ezagutzea, erabiltzea eta
baloratzea, errespetua eta sormena helburu
dituen ikuspegiaren arabera, kontuan hartuz
betiere baliabideak mugatuak direla, eta haiek
xahutzen ibiltzeak zentzurik ez duela.
- Gauza guztiak berrerabil daitezkeela ohartzea.
- Inguruneko balibideak aurreztea eta gutxiago
gastatzea helburu duten ohituren aldeko jarrera
erakustea.
C E I D A
I N G U R U G I R O H E Z K U N T Z A R A K O M A T E R I A L A K 69