volumen xii. - Archive ouverte UNIGE

13 1545 IAMTAR. 14
607.
OALVINUS MINISTRIS NEOCOMENSIBUS.
Nova et superciliosa refutatio prqpositionum Capunculi
de Christi aviovofa.
(Exemplaria authentica exstant duo, alteram autographon Cod.
Gen. 106, fol. 110, multis in locis ab autore oorrectum (G.)
alteram Neocomi in Bibl. pastorum (N.) in quo inscriptio et
subscriptio propriam Calvini manum referont. Utrobique
praeterea servantur apographa, Neocomense et Generense
Cod. Ill, fol. 104 (T. ) ex quo deinde fluxerunt Bernense Epp.
VII. 603 et Turicense Simleri Vol. 56.)
Optimis et integerrimis Christi ministris pastoribus
Neocomensis ecclesiae in urbe et in agro, fratribus,
carissimis, excepto uno quern ego indignum ministerio
iudico et ministri honore ac nomine. ')
S. Scripsit ad me nuper Capunctdus, 2 ) mirari
se quod, quum observationes aliquot ex Institutione
mea excerptas mihi dedisset, ego tribus verbis respondere
maluerim quam longa oratione de unoquoque
articulo 3 ) disputare. Addit sibi yideri, contemptu
hoc sui fuisse factum. In eo demum aliquid
ipsum sapere intelligo. Quanquam certe hominem,
vel hac una causa quod verbi ministerio fungitur,
non contempsi. Sed quum me ineptiarum eius pigeret,
quid attinebat in illis tractandis plus operae
ponere? Nunc vero, quando tarn ingratum esse
video, vel horam unam me perdidisse eius rogatu
poenitet. Caeterum minatur se facturum ne theologiae
candidati mea doctrina inescati fallantur.
Praeposterane elegantiae affectatione an verbi magis
proprii magisque congruentis penuria sic loquutus
fuerit nescio. Ignorantiae hoc libenter concedam.
Quod si ex industria scripta mea captiones vocavit,
iam agnosoitis virulentum hominis animum. Multa
illi in scriptis meis displicere, neque miror neque
moleste fero. Nee vero unquam eius similibus me
approbare studui, ac ne id quidem mihi vel spectandum
ab initio fuit vel nunc optandum est. Mihi,
si sum Christi servus, unius conscientiae meae testimonium
semper pluris erit quam universi orbis
applausus. Caeterum si hominum spectem iudicia,
mihi tum quoque plus satis esse debet quod bonis
omnibus ao piis grati sunt mei labores, quod docti
omnes ac prudentes viri utiles ecclesiae esse ac
fructuosos iudicant.
Nolo ulterius progredi ne cui nimius esse videar.
Quid ergo mihi ab istis Sorbonici gregis 4 )
607. 1) Sic N. Exemplar G. simpliciter habet: Fratribus
Neocomenaibus. Apographa omiitunt inscriptionem.
2) N. 601.
3) sic utrumgue N. Caeteri (