volumen xii. - Archive ouverte UNIGE

25 1545 IANUAR. 26
gare. Negatum est. Idem a Caesare postularunt:
respondit se non defuturum, modo officium suum
facerent. Palam Ulis concedere noluit. Verum ex
illis ambagibus divinare licet eum minime refragaturum,
si quid turbarum moverent: si ultra progressi
fuerint, certum bellum, quo totus Germaniae
status aut labefactabitur, aut graviter concutietur:
sed haec quoque viderit Dominus. Haec mihi unica
consolatio est, quod mors misera esse non potest
homini christiano. Interea gemam, ut debeo, ecclesiae
calamitates, et afficiar piorum sorte: sed ita ut
non exanimer. Si inter nos bene conveniret, minus
essem anxius: sed inter istos hostium apparatus,
satis ad insaniendum otii quibusdam esse portento
simile est.
Bcce ex altera parte, nescio quis elegia Osiandrum
6 ) lacessivit, parum et ipsum sani cerebri hominem.
Quum se purgaret, ita libellum inspersit
atra bile, ut me vehementer eius pudeat: sed nihil
me peius torquet, quam quod tertio quoque verbo
Zvinglianis insultât. Ita quasi impiis linguam et
manus locaverimus, ipsis praebemus iucundum suaveque
spectaculum, mutuo nos lacerando. Quis non
animum despondeat, inquies, tot obiectis offendiculis?
Fateor certe. nullum esse tarn ferreum animum,
qui non frangatur, nisi in Dominum respexerit.
Itaque sic interpretor, velle Dominum modis
omnibus experiri, num quid ab hominibus pendeamus:
sed tantum abest quin débiliter, ut non vulgaris
inde confirmatio mihi accédât. Nam dum
ecclesiam inter istos fluctus mirabiliter régi a Domino
video ne obruatur, dum ipsas tempestates,
quum omnia iamiam permixturae videntur, moment»
residere ac quiescere cerno: cur non bonam
inde spem concipiam? Pergamus igitur in vocationis
nostrae cursu, hac fiducia subnixi,' emersuram
ecclesiam, quae Deum habeat perpetuum salutis
suae custodem: sed quia non omnibus eadem est
animi fortitudo, quo familiarius omnia depono in
tuum sinum, eo paucioribus communicabis.
Quod postremis tuis litems postulabas, an exsequi
deberem, aliquantisper haesitavi. Longum
enim est iter, asperum et difficile. Non ante diem
vicesimum nuncius illuc equo perveniet. Quemlibet
autem mittere sine delectu, periculosum erat. Erronibus
aut levibus nulla fides, pauci autem alii reperiuntur.
Linguae imperito molestissima esset via,
summa etiam ubique propter anni sterilitatem Caritas.
Ego a pecunia nequaquam instructus. Etiam
quum tempus non est incommodum, oneribus quae
mihi incumbunt sustinçndis par esse nequeo, quin
totus exhauriar. In hac vero annonae penuria, cum
qua iam biennium conflictamur, me aere alieno im-
5) N. 606, not. 16.
plicari necesse fuit. Quanquam haec non dico conquerendi
causa. Benigne enim mecum agit Deus,
quod habeo quantum animo meo satis est. Sed ut
intelligas mihi hic non facile esse invenire, a quibus
pecuniam mutuo sumam. Sunt enim omnes mercatores,
et quidem famelici. Hue accedebat quod
iam dixi, tempus consulendi Lutheri esse adhuc alienum,
quia animus vixdum bene a contentionis fervore
resedisset. Verum quum tarn vehementer instares,
totque obtestationibus me urgeres ut facerem,
nihil mihi prius fuit quam votis tuis morem gerere.
Ab honesto et non indocto adolescente 6 ) impetravi,
ut hanc molestiam subiret mea causa. Libellos
meos 7 ) ad verbum in linguam latinam verti, quos
adiunxi meis uteris, ut inde iudicarent. Nee aliud
petii meis uteris, nisi ut libère simpliciterque quod
sentiant proférant: nisi quod adiunxi, nequaquam
mihi gralum facturos si quam mei haberent rationem.
Vix ante duos menses redibit nuncius. Quadraginta
enim dierum viam habet conficiendam.
Quatriduum ad interquiescendum assigno. Reliquum
temporis consultation! cedet. Vale. 8 )
61L
CALVINUS VIRETO.
Quae in causa CapuncuU nuper gesta sint, et i/n
Uteris ad Melanchthonem tractata paucis tangit.
(Ex apographo Ionvillaei Ood. Gener. Ill», fol. 38 v. Exstat
praeterea in Çod. Turretini Genev. Ill, fol. 102, in Arch. Bern.
Epp. Vu. 643 et ap. Simlerum Vol. 56.)
Libellum CapuncuU ') una cum responsione
misi nuper Neocomum ad Farellum et reliquos fratres.
Ex eorum manibus petere licebit si legere
volueris. Misi praeterea Farello Boberti 2 ) literas
quibus indicabat quid consilii attulisset ex aula
Oaesaris Tornonius, nempe ut ex nostris evocarentur
6) Senarcleo.
7) Contra Nicodemitas.
8) Beferimus hanc epistolam ad m. Ianuarium a. 1545,
turn propter ea quae de concüio indicto et de comitiis Imperii
instantibus, item de Osiandro dicit, tum maxime propter ea
quae sub finem leguntur et evidenter ad Senarclei missionem
spectant.
8U. 1) JV. 590, 607.
2) Quis hic fuerit dicere non ausimus. Fuerunt plures
huius nominis in hoc thesauro nobis obvii. Sic aliquis significari
videtur in Gallia degens. Caetera omnia in notis ad
Epist. N. 606 elucidavimus.