C:\Documents and Settings\Administrator\Desktop\Angelicum ...

et cibárem eos ex ádipe fruménti, *
et de petra melle saturárem eos.
PSALMODIA
FERIA V 459
Ad Horam mediam
Antiphona ut in Proprio temporis: tempus Adventus, p. 19;
tempus Nativitatis, p. 90, 109, vel tempus Epiphaniæ, p. 219, 240.
Psalmus 118: 65–72 (Teth)
[Bonitátem fécisti cum servo tuo, Dómine, *
† secúndum verbum tuum.
Bonitátem et prudéntiam et sciéntiam doce me, *
quia præcéptis tuis crédidi.]
Priúsquam humiliárer ego errávi; *
nunc autem elóquium tuum custódiam.
Bonus es tu et benefáciens, *
doce me iustificatiónes tuas.
Excogitavérunt contra me dolósa supérbi, *
ego autem in tbto corde meo servábo mandáta tua.
Incrassátum est sicut adeps cor eórum, *
ego vero in legé tua delectátus sum.
Bonum mihi quia humiliátus sum, *
ut discam iustificatiónes tuas.
Bonum mihi lex oris tui, *
super mília auri et argénti.
Psalmus 55: 2–7b, 9–14
Miserére mei, Deus, quóniam conculcávit me homo, *
tota die impúgnans oppréssit me.
Conculcavérunt me inimíci mei tota die, *
quóniam multi pugnant advérsum me, Altíssime.
In quacúmque die timébo, *
ego in te sperábo.
In Deo, cuius laudábo sermónem, †
in Deo sperávi; *
non timébo: quid fáciet mihi caro?
Tota die rem meam perturbábant, *
advérsum me omnes cogitatiónes eórum in malum.
460
HEBDOMADA II
Concitábant iúrgia, insidiabántur, *
ipsi calcáneum meum observábant.
Peregrinatiónes meas tu numerásti: †
pone lácrimas meas in utre tuo; *
nonne in supputatióne tua?
Tunc converténtur inimíci mei retrórsum, †
in quacúmque die invocávero: *
ecce cognóvi quóniam Deus meus es.
In Deo, cuius laudábo sermónem, *
in Dómino, cuius laudábo sermónem,
in Deo sperávi, *
non timébo: quid fáciet mihi homo?
Super me sunt, Deus, vota tua; *
reddam laudatiónes tibi;
quóniam eripuísti ánimam meam de morte, †
et pedes meos de lapsu, *
ut ámbulem coram Deo in lúmine vivéntium.
Psalmus 56
Miserére mei, Deus, miserére mei, *
† quóniam in te cónfugit ánima mea;
et in umbra alárum tuárum confúgiam, *
donec tránseant insídiæ.
Clamábo ad Deum altíssimum, *
Deum qui benefécit mihi.
Mittet de cælo, et liberábit me; †
dabit in oppróbrium conculcántes me. *
Mittet Deus misericórdiam suam et veritátem suam.
Anima mea recúmbit in médio catulórum leónum, *
devorántium fílios hóminum.
Dentes eorum arma et sagíttæ, *
et lingua eórum gládius acútus.
Exaltáre super cælos, Deus, *
super omnem terram glória tua.
Láqueum paravérunt pédibus meis, *
et incurvávit se ánima mea;
fodérunt ante fáciem meam fóveam, *
et ipsi incidérunt in eam.