C:\Documents and Settings\Administrator\Desktop\Angelicum ...

SABBATUM 485
Omnia subiecísti sub pédibus eius, †
oves et boves univérsas, *
ínsuper et pécora campi,
vólucres cæli et pisces maris, *
quæcúmque perámbulant sémitas maris.
Dómine, Dóminus noster, *
quam admírábile est nomen tuum in univérsa terra!
PSALMODIA
Ad Horam mediam
Antiphona ut in Proprio temporis: tempus Adventus, p. 19;
tempus Nativitatis, p. 90, 109, vel tempus Epiphaniæ, p. 219, 240.
Psalmus 118: 81–88 (Caph)
[Defécit in salutáre tuum ánima mea, *
et in verbum tuum supersperávi.]
Defecérunt óculi mei in elóquium tuum, *
dicéntes: « Quando consoláberis me? »
Quia factus sum sicut uter in fumo; *
iustificatiónes tuas non sum oblítus.
Quot sunt dies servi tui? *
Quando fácies de persequéntibus me iudicium?
Fodérunt mihi fóveas supérbi, *
qui non sunt secúndum legem tuam.
Omnia præcépta tua véritas; *
dolóse persecúti sunt me: ádiuva me.
Paulo minus consummavérunt me in terra, *
ego autem non derelíqui mandáta tua.
Secúndum misericórdiam tuam vivífica me, *
et custódiam testimónia oris tui.
Psalmus 60
Exáudi, Deus, deprecatiónem meam, *
inténde oratióni meæ.
A fínibus terræ ad te clamávi; †
dum anxiarétur cor meum, *
in petram inaccéssam mihi deduc me.
486
HEBDOMADA II
Quia factus es spes mea, *
turris fortitúdinis a fácie inimíci.
Inhabitábo in tabernáculo tuo in sǽcula, *
prótegar in velaménto alárum tuárum.
Quóniam tu, Deus meus, exaudísti vota mea, *
dedísti hereditátem timéntium nomen tuum.
Dies super dies regis adícies, *
annos elus usque in diem generatiónis et generatiónis.
Sédeat in æternum in conspéctu Dei; *
misericórdia et véritas servent eum.
Sic psalmum dicam nómini tuo in sǽculum sǽculi, *
ut reddam vota mea de die in diem.
Psalmus 63
Exáudi, Deus, vocem meam in meditatióne mea; *
a timóre inimíci custódi ánimam meam.
Prótege me a convéntu malignántium, *
a multitúdine operántium iniquitátem.
Qui exacuérunt ut gládium linguas suas, †
intendérunt sagíttas suas, venéfica verba, *
ut sagíttent in occúltis immaculátum.
Súbito sagittábunt eum, et non timébunt, *
firmavérunt sibi consílium nequam.
Disputavérunt, ut abscónderent láqueos, *
dixérunt: « Quis vidébit eos? »
Excogitavérunt iníqua, †
perfecérunt excogitáta consília. *
Profúnditas est homo, et cor eius abýssus.
Et sagittávit illos Deus; †
súbito factæ sunt plagæ eórum, *
et infirmávit eos lingua eórum.
Caput movébunt omnes qui vidébunt eos, *
et timébit omnis homo;
et annuntiábunt ópera Dei, *
et facta eius intéllegent.
Lætábitur iustus in Dómino et sperábit in eo, *
et gloriabúntur omnes recti corde.