C:\Documents and Settings\Administrator\Desktop\Angelicum ...

IN NATIVITATE DOMINI 111
Psalmus 18B
[Lex Dómini immaculáta, refíciens ánimam, *
testimónium Dómini fidéle, sapiéntiam præstáns párvulis.]
Iustítiæ Dómini rectæ, lætificántes corda, *
præcéptum: Dómini lúcidum, illúminans óculos.
Timor Dómini mundus, pérmanens in sǽculum sǽculi, *
iudícia Dómini vera, iusta ómnia simul,
desiderabília super aurum et lápidem pretiósum multum, *
et dulcióra super mel et favum stillántem.
Etenim servus tuus erudítur in eis, *
in custodiéndis illis retribútio multa.
Erróres quis intéllegit? †
Ab occúltis munda me, *
et a supérbia custódi servum tuum, ne dominétur mei.
Tunc immaculátus ero, *
et emundábor a delícto máximo.
Sint, ut compláceant elóquia oris mei, *
et meditátio cordis mei in conspéctu tuo.
Dómine, adiútor meus *
et redémptor meus.
Psalmus 46
Omnes gentes, pláudite mánibus, *
iubiláte Deo in voce exsultatiónis.
Quóniam Dóminus altíssimus, terríbilis, *
rex magnus super omnem terram.
Subiécit pópulos nobis, *
et gentes sub pédibus nostris.
Elégit nobis hereditátem nostram, *
glóriam Iacob quem diléxit.
Ascéndit Deus in iúbilo, *
et Dóminus in voce tubæ.
Psállite Deo, psállite; *
psállite regi nostro, psállite.
Quóniam rex omnis terræ Deus, *
psállite sapiénter.
Regnávit Deus super gentes, *
112
PROPRIUM DE TEMPORE
Deus sedet super sedem sanctam suam.
Príncipes populórum congregáti sunt *
cum pópulo Dei Abraham,
quóniam Dei sunt scuta terræ: *
veheménter elevátus est.
Psalmus 47
Magnus Dóminus et laudábilis nimis, *
in civitáte Dei nostri.
Mons sanctus eius collis speciósus, *
exsultátio univérsæ terræ.
Mons Sion, extréma aquilónis, *
cívitas regis magni.
Deus in dómibus eius notus *
factus est ut refúgium.
Quóniam ecce reges congregáti sunt, *
convenérunt in unum.
Ipsi cum vidérunt, sic admiráti sunt, *
conturbáti sunt, diffugérunt;
illic tremor apprehéndit eos, *
dolóres ut parturiéntis.
In spíritu oriéntis *
cónteres naves Tharsis.
Sicut audívimus, sic vidimus in civitáte Dómini virtútum, †
in civitáte Dei nostri; *
Deus fundávit eam in ætérnum.
Recogitámus, Deus, misericórdiam tuam *
in médio templi tui.
Secúndum nomen tuum, Deus, †
sic et laus tua in fines terræ; *
iustítia plena est déxtera tua.
Lætétur mons Sion, †
et exsúltent fíliæ Iudæ *
propter iudícia tua.
Circúmdate Sion et complectímini eam, *
numeráte turres eius.
Pónite corda vestra in virtúte eius, †
et percúrrite domos eius, *
ut enarrétis in progénie áltera.
Quoniam hic est Deus, Deus noster †