You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
uitbreiding van nedersettings aan die Wesoewer, 38<br />
jaar na die Sesdaagse Oorlog van 1967? Kan ’n<br />
demokratiese mag soos die Verenigde State twee<br />
soewereine state binneval onder die voorwendsel van<br />
weerwraak op ’n geweldsdaad op sy grondgebied, hoe<br />
laakbaar dit ook al was? Is dit moontlik dat ’n<br />
enkelkonseptuele kategorie, “terrorisme” in die oë van<br />
die Westerse wêreld en die Verenigde Nasies,<br />
bewegings en gewelddadige aksies so uiteenlopend<br />
soos weerstand teen besetting, die aanvalle op New<br />
York, Madrid en Londen, en tientalle ander aanvalle<br />
wat byna ononderbroke sedert 1995 in Moslemlande<br />
plaasvind (Egipte, Jordanië, Marokko, Jemen, Saoedi-<br />
Arabië, Indonesië, Pakistan), saamgroepeer?<br />
Ons sukkel om in te dink dat dit nie tradisionele<br />
polisiemetodes is nie (soos wat dertig jaar gelede<br />
suksesvol gebruik is in ontwikkelde lande wat self deur<br />
terrorisme geteister is; voorbeelde hiervan is die Rooi<br />
Brigades in Italië, Duitsland se Baader-Meinhof-bende,<br />
die Franse Action directe en die Japannese Rooi<br />
Weermag), maar eerder weermagte is wat op vier<br />
vastelande ontplooi word en jongmense aanspoor tot<br />
gewelddadige aksie – om as “martelaars” te veg teen<br />
die onwettige besetters: “die ongelowiges”? Ons sukkel<br />
eweneens om ons dit in te dink dat die besit van<br />
wapens van massavernietiging toegelaat word in<br />
Westerse lande, in Israel, in Indië en selfs in Pakistan<br />
(’n geallieerde van die VSA) en Noord-Korea, maar<br />
elke keer wanneer ’n Arabiese of Moslemnasie<br />
dieselfde wil doen, dan onstaan onhoudbare spanning.<br />
Tot wanneer sal dit as swak smaak beskou word<br />
om vrae te vra oor die manier waarop die geopolitiese<br />
kompos vorm wat die vermenigvuldiging van jong<br />
djihadi’s aanjaag? Of om medelye en verontwaardiging<br />
te toon teenoor die lot van die Palestyne, wat die<br />
antiterrorisme-argumente van die Staat van Israel en<br />
die VSA ook al is, met ’n Europese Unie wat homself<br />
al hoe nader posisioneer aan hierdie twee state se<br />
regerings?<br />
<strong>Die</strong> Arabiese regerings dra self ook ’n groot<br />
deel van die verantwoordelikheid oor die stand van<br />
sake. Hulle is salig onbewus van die openbare mening<br />
en gee toe aan elke begeerte van die Verenigde State,<br />
sonder om ooit enigiets in ruil te kry, soos regverdige<br />
hantering van die Palestynse vraagstuk of gelyke<br />
behandeling tussen Israel en die Arabiese lande oor die<br />
vrae rondom bewapening en ontwapening. <strong>Die</strong><br />
arrogante wyse waarop die Amerikaanse regering<br />
inmeng in die binnelandse sake van die lande in die<br />
Midde-Ooste, sonder enige reaksie van Arabiese<br />
diplomate, is ’n verdere aanval op die eer van ’n volk<br />
wat voel hulle word sedert die era van Europese<br />
kolonisasie verkleineer. Nou word hul geloof ook nog<br />
met tekenprente bespot. Vir die gebied se stabiliteit sou<br />
dit beter wees as die mees onderdrukte Arabiese<br />
regerings weerstand bied teen Amerikaanse druk. Hulle<br />
sal dan deur hul eie bevolkings gerespekteer word, en<br />
daar sal vrye verkiesings kan plaasvind sonder dat die<br />
partye wat op die gesag van Islam aanspraak maak,<br />
noodwendig al die stemme kry.<br />
Dit kom voor asof Amerikaanse en Israeliese<br />
politiek op die afmatting van Arabiese opinie en die<br />
verdeeldheid tussen twee partye vertrou: diegene wat<br />
weerstand bied teen die twee nasies en dié wat, om<br />
verskeie redes, verdere onderdrukking aanmoedig om<br />
uiteindelik vrede in die streek te bereik, wat die val van<br />
diktators en die totstandkoming van ’n staat van<br />
geregtigheid en ekonomiese vooruitgang veronderstel.<br />
Hierdie skeur van opinie in die Arabiese gemeenskap<br />
het vererger sedert die inval van Irak en Resolusie<br />
1559 van die VN Veiligheidsraad, wat die ontwapening<br />
van Hezbollah en van die Palestynse kampe in Libanon<br />
in September 2004 geëis het. Libanon dien weereens as<br />
klankbord en buffer van die Arabiese wêreld se<br />
teenstrydighede, wat die geopolitiese situasie in die<br />
streek vererger. <strong>Die</strong> streek ervaar trouens ’n<br />
opvlamming van die “Koue Oorlog”, sonder dat die<br />
Sowjet-vennoot van die toneel verdwyn het.<br />
Dit is duidelik dat ’n “front van verwerping”<br />
steeds in die Nabye Ooste bestaan. Hierdie front sluit<br />
verskillende politieke Islamitiese bewegings in hul<br />
kaleidoskopiese en ideologiese verskeidenheid in, met<br />
die Teheran-Damaskus-alliansie as swaartepunt. <strong>Die</strong><br />
kwessie van die Deense spotprente help die versterking<br />
van dié groep aan, deur Sjiïete en Soenniete te verenig<br />
in ’n verwerping van die invloed van Westerse politiek<br />
op die streek. Deur middel van ’n geloofsdiskoers<br />
polariseer die Islamitiese bewegings eintlik sonder<br />
moeite die beroep op nasionalisme in Iran en in die<br />
Arabiese wêreld – ’n wêreld waaruit sekulêre<br />
intellektueles geruime tyd reeds onttrek het. Hierdie<br />
distansiëring was ’n reaksie op die pad wat Nasser se<br />
Panarabiese ideologie loop en op die verskillende<br />
nasionalistiese Arabiese bewegings, soos die Baath en<br />
hul magteloosheid om te voldoen aan die oproep tot<br />
nasionalisme.<br />
In hierdie nuwe Koue Oorlog probeer die VSA<br />
en die Europese Unie hul bes om, ten alle koste, die<br />
sogenaamde “demokratiese” kamp te ondersteun.<br />
Laasgenoemde is voorstaanders van<br />
hervormingsprojekte in die Arabiese en<br />
Moslemwêreld, die einde van weerstand teen<br />
globalisasie en die hipermag van die VSA, asook die<br />
prioriteit van die stryd teen terrorisme sonder<br />
onderskeiding tussen weerstand teen buitelandse<br />
besetting en gewelddadige, destabiliserende aksies in<br />
Westerse, Arabiese en Moslemstede.<br />
Simposiums, seminare en kongresse oor<br />
politieke hervorming, deursigtigheid en regeringswyse<br />
volg monotoon en herhalend die een op die ander;<br />
soms dien Arabiese regerings as voorsitters en betoon<br />
sodoende hul goedgesindheid jeens die proses. <strong>Die</strong><br />
mikpunt hiervan is die mobilisering van die Arabiese<br />
intelligentsia ten gunste van vrede en demokrasie, en<br />
om druk uit te oefen op die Arabiese regerings. Maar<br />
die beperkings van hierdie byeenkomste het aan die lig<br />
gekom na die Iranese, Egiptiese en Palestynse<br />
verkiesings. In der waarheid is hierdie soort Westerse<br />
politiek ’n afstammeling van die politiek wat beoefen<br />
is deur die Europese magte van die negentiende eeu.<br />
Onder die dekmantel van die modernisering en<br />
demokratisering van die Ottomaanse Ryk en die<br />
Persiese monargie het die Europese magte hul eie<br />
koloniale ambisies en die afbreek van hierdie twee<br />
magte verberg.<br />
Aangehits deur die koloniale ambisies van die<br />
www.vryeafrikaan.co.za DIE VRYE AFRIKAAN | <strong>17</strong> <strong>Maart</strong> <strong>2006</strong> | BLADSY 10