Create successful ePaper yourself
Turn your PDF publications into a flip-book with our unique Google optimized e-Paper software.
menigte militêre padblokkades wat dit vir die Palestyne<br />
al hoe moeiliker maak om rond te beweeg binne dit wat<br />
van hulle grondgebied oorbly.<br />
Oorgelewer aan hul lot, het die Palestyne ’n<br />
dubbele evolusie ondergaan: aan die een kant vergaan<br />
die burokrasie van die PBO in die ondoeltreffendheid<br />
en korrupsie wat deur alle Westerse regerings<br />
veroordeel is en waarvan alle skuld op die leier, Yasser<br />
Arafat, gepak is. Arafat het so te sê onder politieke<br />
kwarantyn (dikwels fisiek) geleef in sy hoofkwartiere<br />
in Ramallah. Aan die ander kant het Hamas<br />
voortgegaan met die gewapende stryd, wat hulle deur<br />
middel van selfmoordbomaanvalle tot in die kern van<br />
Israeliese stede dra, en sodoende die fokus van Israel se<br />
oordrewe politieke wraakaanvalle geword wat veral in<br />
Gasa vele burgerlike slagoffers tot gevolg gehad het.<br />
Yasser Arafat, en later Mahmoed Abbas (Aboe<br />
Mazen) wat na sy dood verkies is tot president van die<br />
Palestynse Owerheid, is voortdurend deur Israel, die<br />
Verenigde State en die Europese Unie gedwing om<br />
Hamas onder bedwang te bring, insluitende met<br />
geweld. <strong>Die</strong> spanning tussen Fatah en Hamas het<br />
dikwels vererger, en die militante is deur die Owerheid<br />
opgesluit, maar die Palestyne het nog tot op hede die<br />
bloedige burgeroorlog vermy wat Israel hulle toewens<br />
– ’n oorlog wat ’n einde sou bring aan elke vorm van<br />
gewapende weerstand.<br />
Hamas, waarvan die Staat van Israel die<br />
vestiging in die 1980’s aangemoedig het met die doel<br />
om ’n balans te skep met die sekulêre bewegings van<br />
die Palestynse weerstand, het sedertdien sowel militêre<br />
as maatskaplike ervaring op die terrein opgedoen. <strong>Die</strong><br />
mislukking van die Oslo-akkoord en die<br />
kompromisgelaaide politiek wat die PBO gehandhaaf<br />
het sonder om werklik enigiets ter vergoeding te kry<br />
(soos die moontlikheid van onafhanklikheid of ’n<br />
beëindiging van Israel se koloniseringsaktiwiteite), het<br />
die taak vergemaklik. Toegerus met finansiële middele<br />
vir maatskaplike hulp en die gewapende stryd teen die<br />
besettingsmagte, het Hamas se gewildheid toegeneem,<br />
terwyl die politiek en die gedrag van die ou, afgeleefde<br />
leiers van die PBO steeds ellende en onderdrukking<br />
veroorsaak.<br />
Verder het die sukses van gewapende weerstand<br />
met die oorwinning van die Libanese Hezbollah oor die<br />
Israeliese weermag – wat in Mei 2000, na 22 jaar van<br />
besetting uit die Suide van Libanon onttrek het –<br />
Hamas en vele ander gedeeltes van die Palestynse en<br />
Arabiese ondersteuners aangespoor in hul hoop dat die<br />
gewapende stryd die enigste doeltreffende manier is<br />
om die Israeliese besetting teen te werk.<br />
<strong>Die</strong> leiers van Israel en hul ondersteuners in die<br />
Westerse wêreld sou nogtans sonder moeite kon<br />
begryp dat ’n bevolking wat in so ’n situasie van<br />
onderdrukking opgesluit word, hoegenaamd nie Hamas<br />
sou blameer vir die bloedige Israeliese weerwraak nie,<br />
maar inteendeel groot bewondering sou hê en<br />
veelvormige steun aan hierdie organisasie sou gee.<br />
Slegs die naïewes is verras deur die oorwinning – die<br />
gevangenes van leë antiterrorisme-retoriek wat die<br />
media en die kringe van internasionale besluitnemers<br />
binnegedring het. Hierdie retoriek versluier die<br />
realiteit, soos die lyding wat dit veroorsaak, en<br />
suggereer dat dit in swak smaak is om die realiteit te<br />
beskryf of op die voorgrond te plaas. Enige teenstander<br />
word as terroriste-simpatiseerder gebrandmerk.<br />
In die Suide van Libanon, ’n gebied wat tussen<br />
1978 en 2000 aanhoudend deur Israel beset is, was die<br />
situasie dieselfde, maar nog meer belaglik. <strong>Die</strong><br />
plaaslike burgermag, wat deur Israel gemobiliseer is<br />
om hom in sý stryd by te staan, is dikwels in die<br />
buitelandse media voorgestel as ’n verdediger van die<br />
vryheid van Libanon teen die “terroriste”, eers die<br />
Palestyne en toe die Libanese van Hezbollah.<br />
Laasgenoemde is op die Amerikaanse regering se lys<br />
van terroristeorganisasies geplaas. Aan die begin van<br />
September 2004 het die VN se Veiligheidsraad in<br />
Resolusie 1559 daarop aangedring dat Hezbollah die<br />
wapens neerlê en dat die klein, swak toegeruste<br />
Libanese weermag teenwoordig is op die grens met<br />
Israel. Dít terwyl Israel, wat net halfpad uit die Suide<br />
van Libanon onttrek het, voortgaan om – byna daagliks<br />
– op Libanese lugruimte, see- en soms grondgebied te<br />
oortree. Israel hou terselfdertyd ’n aantal oudweerstandsvegters<br />
uit Libanon in sy tronke aan en<br />
verhinder die regering in Beiroet om hul<br />
waterhulpbronne in die Suide te ontgin. Nogtans is dit<br />
Hezbollah wat deur die Verenigde State en die VN as<br />
die bron van destabilisering in Libanon en ’n<br />
bedreiging vir die veiligheid van Israel bestempel<br />
word. Hezbollah word ook dikwels daarvan aangekla<br />
dat dit Hamas ondersteun. Soos in Palestina het die<br />
internasionale gemeenskap vir Libanon ’n leerstelling<br />
voorgeskryf wat hoegenaamd nie die plaaslike realiteit<br />
in ag neem nie, maar eerder bydra tot ’n toename in<br />
spanning.<br />
’n Paar maande gelede, in Junie 2005, was die<br />
internasionale gemeenskap weer dronkgeslaan toe die<br />
Iraniërs met ’n groot meerderheid die “ekstremistiese”<br />
Mahmoed Ahmadinejad verkies het, wat sy teenstander<br />
– oud-president Hachemi Rafsandjani, ’n simbool van<br />
die korrupsie wat die land teister, maar deur die<br />
internasionale gemeenskap as “gematig” beskou word<br />
– die onderspit laat delf het. Dit was, weereens, ’n<br />
totale verrassing. Onder die leierskap van President<br />
Mohammad Khatami, ’n vasberade voorstaander van<br />
dialoog tussen beskawings, het die VSA nie slegs<br />
volgehou met Teheran se politieke en ekonomiese<br />
isolasie nie, maar dit ook by Irak en Noord-Korea<br />
ingesluit as komponente van die “spil van boosheid”.<br />
Terwyl dit voorkom asof die Amerikaners en<br />
Europeërs hulle nie meer bekommer oor Noord-Korea<br />
nie, is hul visier nou meer as ooit op Iran gerig.<br />
Washington gebruik die opvlammende – en<br />
doemwaardige – uitsprake van die nuwe president om<br />
internasionale druk op hierdie land te verhoog en hom<br />
sodoende te dwing om afstand te doen van sy doel om<br />
kerntegnologie, in watter vorm ook al, te ontwikkel.<br />
Terselfdertyd, eers danksy die VN-resolusie op<br />
Libanon en toe die skouspelagtige en destabiliserende<br />
sluipmoord op die vorige Libanese Eerste Minister,<br />
Rafik Hariri, het die Verenigde State en Frankryk<br />
kwistig gebruik gemaak van die nuwe situasie in<br />
Libanon om die strop stywer te trek om beide Sirië en<br />
Iran se nekke. Nou beskou hulle Hezbollah as niks<br />
meer nie as ’n uitbreiding van hierdie nuwe “front van<br />
www.vryeafrikaan.co.za DIE VRYE AFRIKAAN | <strong>17</strong> <strong>Maart</strong> <strong>2006</strong> | BLADSY 8