You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
• Dossier: <strong>Die</strong> politiek van Islam<br />
Drie jaar gelede, op die vooraand van die Amerikaansgeleide inval van Irak, het meer as 80% van<br />
Monitor op rsg se luisteraars hulle steun vir dié imperiale avontuur uitgespreek in ’n telefoonpeiling.<br />
Waarskynlik het dié luisteraars sedertdien heelwat stof tot nadenke gekry, en ook meer inligting om<br />
die verwerplike teorie van Samuel Huntington oor ’n ‘botsing tussen beskawings’ aan die vergetelheid<br />
toe te vertrou. In hierdie dossier probeer ons lesers op hoogte bring met sleutelaspekte van die<br />
politiek van Islam vandag. Georges Corm ontleed Hamas se verkiesingsoorwinning in Palestina. William<br />
Dalrymple wys op die komplekse funksie van Islamitiese skole in Pakistan. Johann Rossouw ontleed<br />
die reaksie op die Moslemspotprente.<br />
Moslemspotprente:<br />
Vryheid van spraak?<br />
EEN VAN DIE GROOTSTE IRONIEË VAN DIE<br />
“POST-RELIGIEUSE” EUROPESE SAMELEWING<br />
EN SY (NEO)LIBERALISME, IS HOE DIT MET<br />
PRESIES DIESELFDE IRRASIONALITEIT<br />
WAARVAN DIT RELIGIEË DIKWELS BESKULDIG,<br />
MET SY EIE WAARDES OMGAAN.<br />
Deur Johann Rossouw *<br />
A<br />
sof met blindheid geslaan, verdedig hy hierdie<br />
waardes as sou dit die hoogtepunt van menslike<br />
prestasie verteenwoordig, terwyl dié samelewing<br />
feitelik toenemend onderlê word deur dekadensie,<br />
ideeloosheid en ’n enorme onvervulde sug na – ja, die<br />
transendente, die méér wat dit vir ons moontlik maak<br />
om ‘ons’ te sê.<br />
Ewe absurd in hierdie<br />
onheilige komedie is hoe<br />
hierdie samelewing sy<br />
waardes na die hoofstroommedia<br />
wêreldwyd uitvoer:<br />
gewis ’n algemene waarstelling,<br />
maar een wat deeglik<br />
bewys is deur die Suid-<br />
<strong>Afrikaan</strong>se hoofstroompers se<br />
ietwat hopelose reaksie op<br />
die hofbevel wat deur ’n<br />
Islamitiese groep, Jamiatul<br />
Uluma, teen die Sunday<br />
Times en die Independentkoerantgroep<br />
verkry is om<br />
die publikasie van die<br />
gewraakte Deense<br />
Moslemspotprente te keer. “Vryheid van spraak!<br />
Vryheid van spraak!” is soos uit een mond geweeklaag.<br />
Veral interessant was om te sien hoe George Claassen,<br />
ombudsman van <strong>Die</strong> Burger en uitgesproke<br />
antireligieuse kommentator rondval om in terme van<br />
die heersende liberale kode die tameletjie te hanteer,<br />
terwyl die koerant waar hy in diens is die enigste<br />
* Redakteur<br />
<strong>Afrikaan</strong>se koerant met ’n noemenswaardige<br />
Moslemleserstal is. Ewe sprekend van die houvas wat<br />
die liberale orde op die <strong>Afrikaan</strong>se intelligentsia gekry<br />
het, was hoe Etienne van Heerden moes bontstaan om<br />
te verklaar waarom Litnet nie Nathan Bond se<br />
klaarblyklik hatige brief oor die Islam op Litnet sou<br />
plaas nie … nadat Bond en andere al jare lank lustig<br />
onder die Christendom inklim.<br />
Van Heerden is nie Claassen nie, en nie die<br />
minste nie weens die veel genuanseerder wyse waarop<br />
Van Heerden met religie, filosofie en die onsigbare wat<br />
mense dryf, omgaan – maar dit daar gelaat. <strong>Die</strong> feit van<br />
die saak is dat min ander dinge so goed as die<br />
omstredenheid oor hierdie spotprente die gevaar<br />
daarvan blootlê om vryheid van spraak met dieselfde<br />
blinde geloof te verheerlik as waarmee mense soms<br />
met hulle geloof self omgaan, en waarop die blinde<br />
aanhangers van vryheid van<br />
spraak nooit links is om die<br />
res van die mensdom se<br />
aandag te vestig nie.<br />
Dit ly geen twyfel nie<br />
dat vryheid van spraak (wat<br />
nie deur die liberalisme<br />
uitgevind is nie, al sukkel ’n<br />
mens om dit te glo) ’n<br />
kosbare waarde is en tewens<br />
’n hoeksteen van enige<br />
demokrasie. Maar om die<br />
ganse debat oor die<br />
Moslemspotprente te stel in<br />
terme van die regte van<br />
Moslems teenoor die reg op<br />
vryheid van spraak, so asof<br />
die opweeg van verskillende<br />
regte die alfa en die omega van die politieke lewe is, is<br />
om in ’n steriele, juridiese doodloopstraat te beland wat<br />
geensins die vraagstukke ter sake hanteer nie.<br />
Daar is minstens twee sake wat swaar weeg in<br />
die beoordeling van die Moslemspotprentdebakel,<br />
naamlik die politiek van Islam en die gewig wat die<br />
beeld onderskeidelik in die Weste en binne Islam dra.<br />
Wat die politiek betref: in ’n briljante artikel<br />
www.vryeafrikaan.co.za DIE VRYE AFRIKAAN | <strong>17</strong> <strong>Maart</strong> <strong>2006</strong> | BLADSY 48