Create successful ePaper yourself
Turn your PDF publications into a flip-book with our unique Google optimized e-Paper software.
korter wees as die taal self. Ek het dit in die begin verduidelik. Hier is ‘n<br />
ander wonderlike gedagte, het u al ooit gedink sover dit die spreek en<br />
uitleg van vreemde tale betref; Ons Hemelse Vader ken al die tale wat in<br />
die wêreld gepraat word soos Paulus sê, of dit tale van mense of engele is,<br />
ons Hemelse Vader verstaan hulle almal en Hy ken hulle almal en Hy kan<br />
verkies om deur sy Gees deur watter taal te praat wat Hy wil. As ons nou<br />
byvoorbeeld in die dae van die Bybel praat, daar is gevalle, insidente waar<br />
God gepraat het.<br />
God het gepraat op die berg Sinai. God het met ‘n hoorbare stem gepraat<br />
op Sinai. In watter taal het God gepraat? Ons neem aan Hy het in<br />
Hebreeus gepraat. God het deur een van sy engele met Nebukadnésar<br />
gepraat. Watter taal? Ons neem aan Chaldeës. Die Here het ook deur<br />
een van sy engele, met Kores gepraat. Kores wat vir Babilon tot ‘n val sou<br />
bring. Hy was die groot generaal. In watter taal? Heel moontlik in Persies<br />
gepraat want hy was ‘n Pers. So verstaan die Here en kan die Here in alle<br />
tale praat. Het u daaraan gedink, ek sê dit in alle liefde, God het deur ‘n<br />
donkie gepraat met ‘n koppige Bíleam, ek neem aan in Hebreeus. Dat die<br />
Here ‘n donkie Hebreeus laat praat, ‘n werklike taal. Is dit dan so vreemd<br />
dat ons as mense in ‘n taal kan praat? Dat die Here ons dit kan laat doen,<br />
as Hy ‘n donkie dit kon laat doen, kan Hy sekerlik vir ons dit laat doen. Hoe<br />
almagtig en groot is ons God nie, kan Hy dan nie ons ook maklik laat uitlê<br />
nie?<br />
Kan Hy dan nie hierdie tong en mond van my neem om hulle te laat praat<br />
soos Hy met die donkie gemaak het nie? U sal sien die Heilige Gees is<br />
wonderlik, kan Hy dan nie in enige taal deur my praat en jou dit laat uitlê<br />
nie? Kom ons glo die Here. Of ons nou geleentheid het of nie, kan Hy ons<br />
verskillende woorde laat gebruik maar met dieselfde betekenisse.<br />
Wat ek daarby bedoel is dit, hier is ‘n ander saak, baie mense struikel<br />
daaroor. Hulle sê, wanneer hierdie broer uitlê, dan is dit in ‘n vreeslike<br />
geleerde taal. Kyk, u moet hierdie saak baie goed verstaan, die Heilige<br />
Gees verander nie jou natuur en jou geaardheid nie, ek bedoel nie sover<br />
dit die wedergeboorte betref nie. Mense sê dat as dié broer in ‘n taal praat<br />
is dit geleerde woorde. As jy ‘n professor in tale is, dit is jou gewone<br />
gebruik, jy is so geleer, om verhewe taal te praat en te gebruik. Nou<br />
gebruik die Here die professor om uit te lê. Nou gaan jou uitleg ook in ‘n<br />
verhewe Afrikaans getooi wees. Nou gebruik die Here daardie ander ou<br />
broertjie wat miskien maar std. 6 gehaal het, dan lê hy nou weer uit, sy taal<br />
gaan nie so ‘n verhewe Afrikaans wees soos die professor sin nie. Dit mag<br />
miskien ander woorde wees wat die twee sal gebruik maar as die Here die<br />
boodskap bring, sal dit dieselfde betekenis hê.<br />
104