You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ons sê dit baie in ons dienste en hoor dit baie in pinksterkringe en in die<br />
ander kringe dat ons is op die vooraand van die wederkoms van Christus<br />
en dat ons nog baie misleidende geeste moet verwag. Die Here Jesus het<br />
self gesê daar sal vals profete wees wat groot tekens en wonders sal doen<br />
en wat, as dit moontlik is, selfs die uitverkorenes sal mislei. Dit is asof die<br />
hel leeggemaak gaan word van al sy demone in hierdie laaste poging om<br />
Christus te weerstaan. Ons sien die opkoms van die spiritisme, die<br />
opkoms van duiwelaanbiddery, van towery oral. Jy begin in jou koerante<br />
en in tydskrifte daarvan lees. Dit is alles bose geeste wat aan die beweeg<br />
is en geeste wat selfs in jou diens kan inkom. Dit is geeste wat so kan<br />
werk. Dit was so in die dae van die Apostel Paulus in die eerste gemeente.<br />
Ons moet onthou dat in daardie tyd was dit mense wat so pas tot bekering<br />
gekom het uit die heiden wêreld. Hulle het met allerhande bose geeste<br />
omgegaan. Hulle het towery beoefen. Kyk Simon die towenaar, en<br />
Élimas, daardie sewe seuns van Skeva wat ook met duiwelbesweerdery<br />
besig was.<br />
Dit is altyd so, in ‘n heidense toestand is dit vol daarvan. Daardie mense<br />
het nou tot bekering gekom en hulle het in die gemeente ingekom maar<br />
daardie mense het nog hulle ou gedagtes. Baie van hulle het nog hulle ou<br />
vrees, hierdie ou dinge in hulle gewete, in hulle gemoed. Nou kom hulle in<br />
die diens. Die Satan kan maklik kom en dinge daar naboots, in die war<br />
stuur en so aan.<br />
Die kinders van die Here moet kan weet watter geeste om daarin te<br />
onderskei. Partykeer voel jy in ‘n diens dit is sommer morsdood. Dit het al<br />
in baie gevalle gebeur en daar sal voorbeelde vir u genoem word. Sulke<br />
mense, veral wanneer die Gees van die Here begin werk, (let daarop, as<br />
daar ‘n kerk of ‘n gemeente kom en hierdie dinge pragtig begin werk), kyk<br />
hoe Satan sy agente gaan stuur om daardie diens te weerstaan en as dit<br />
moontlik is, selfs omver te gooi. Hy sal daar inkom met ‘n vroom gesig.<br />
In daardie gemeente moet daar die gawe van die onderskeiding van geeste<br />
wees dat hy daardie persoon of daardie geeste sal kan onderskei, hom kan<br />
blootlê deur ‘n profesie of direk daardie persoon uit te wys, met hom te<br />
praat, sy naam te noem, om daardie krag te breek. Baie keer voel jy in ‘n<br />
diens hier kom ‘n vlaag van ‘n vreemde ding in. Sommer skielik is daar ‘n<br />
gebrek aan vrymoedigheid. Partykeer is dit amper of mense met mekaar<br />
wil begin twis, sommer oor enige ding ‘n uitval met mekaar te wil hê; soos<br />
‘n wind wat daar inwaai, dit is bose geeste. Dit is die gees van Satan wat<br />
daar inkom en jy moet hom kan onderskei en jy moet hom dan kan<br />
skadeloos stel.<br />
46
Change language