Create successful ePaper yourself
Turn your PDF publications into a flip-book with our unique Google optimized e-Paper software.
Kom ons stel dit vas in ons harte en in ons gedagtes. Ons gaan nie hierdie<br />
Reeks klaarmaak en sê: “Wel dit was basies interessant, goed, nou het ek<br />
dit in my kop, miskien tot ‘n mate in my hart, maar in die praktyk het ek dit<br />
nie”. Dit sal nie vir ons help vir sover dit God se plan betref dat ons hierdie<br />
dinge mooi beskou en u daaroor ‘n baie mooi lesing kan gee, vir andere<br />
daarvan kan vertel en die mense sê; maar werk dit, werk dit in julle midde,<br />
kan ek kom kyk? Dan moet ons as Pinkster mense en ook ons eie<br />
gemeente ingesluit daarby sê; ons staan nog vér, vér agter. Ons dank die<br />
Here vir soms wonderlike dinge wat gebeur maar as jy kyk na die Bybel en<br />
die dae van die eerste gemeente en die ou geskiedenis, daar was nie ‘n<br />
byeenkoms van God se kinders waar die Heilige Gees Homself nie sigbaar<br />
en kennelik geopereer het in hulle midde nie. Dit is die bonatuurlike<br />
openbaring van die Gees van God. Dit is Heilige Gees gawes. Dit is<br />
bonatuurlik en dit is nie losstaande van die doping in die Heilige Gees nie.<br />
Hierdie is een van die drie Openbaringsgawes, en dit is die bonatuurlike<br />
openbaring van die Gees van God wat aan ons openbaar watter gees in<br />
werking is, goed of kwaad of watter gawes. Wanneer jy in ‘n diens is<br />
byvoorbeeld veral met die oog op die liggaam van Christus wanneer die<br />
liggaam bymekaar kom, is dit van die uiterste belang vir ‘n mens dat jy sal<br />
weet watter gees daar in beweging is. Onthou u daardie een geval waar<br />
die verlamde man gebring was na die Here Jesus? Toe hulle daardie<br />
dakpanne verwyder het, toe sê hulle die krag van die Here was<br />
teenwoordig om gesond te maak.<br />
Nou kom jy baie keer in ‘n diens, ons Pinkster mense glo in hierdie dinge,<br />
ons glo in goddelike genesing. Jy is besig om te sing, jy luister na ‘n<br />
boodskap. Daar gaan ook ander operasies wees, maar intussentyd het die<br />
Gees van die Here begin beweeg in die diens en die Gees van die Here wil<br />
gesond maak.<br />
Ek het al baie keer gesien, jy voel die Gees van die Here is daar, maar<br />
nee, daar moet nou eers ‘n preek gebring word, daar moet nou eers ‘n<br />
gebed wees, teen daardie tyd gaan ons vir die siekes bid en teen daardie<br />
tyd het die Gees van genesing alweer verby beweeg. Die Here moet jou<br />
die gawe gee, veral vir die wat die diens lei, daarom moet ‘n mens so baie<br />
bid vir die wat die diens lei, dat die Here hierdie gawe sal gee, dat jy<br />
daardie Gees kan onderskei. Dit is aan die goeie kant. Kyk dit is nie die<br />
onderskeiding van slegte geeste nie, dit is ook die onderskeiding van die<br />
Gees van God. Dit is ‘n gawe wat jy moet kan sien en wat jy moet kan raak<br />
vat.<br />
45