Create successful ePaper yourself
Turn your PDF publications into a flip-book with our unique Google optimized e-Paper software.
[Kasset nr. L014]<br />
Hoofstuk 4<br />
Die Gawe van Spreek in Tale.<br />
Die drie Spreekgawes of inspirasie gawes. Dit is die gawes wat jy<br />
uitspreek oor jou lippe, onder die inspirasie van die Heilige Gees; tale,<br />
uitleg van tale en profesie. Die meeste mense het ‘n baie, baie vae idee<br />
van hierdie drie gawes. Ek dink die gawe wat miskien die meeste aangeval<br />
word en onder verdenking kom, is die gawe van die spreek in vreemde<br />
tale. Mense sal nog bereid wees om ‘n wonderwerk te aanvaar; die gawe<br />
van geloof en ‘n woord van kennis, ‘n woord van wysheid en onderskeiding<br />
van geeste, maar wanneer dit kom by die spreek van vreemde tale, dan het<br />
baie mense hulle bedenkinge.<br />
In die eerste instansie, moet ons onthou dit is een van die nege gawes van<br />
die Heilige Gees. Dit is net so bonatuurlik soos enige van die gawes<br />
alhoewel dit die minste van die nege gawes genoem word en dit tog die<br />
meeste voorkom en dit beskou word en ek stem saam met die Skrif; as die<br />
eerste teken van jou doping in die Heilige Gees. Alhoewel dit die minste<br />
genoem word en dit die meeste voorkom en die eerste teken van die<br />
doping in die Heilige Gees is, moet ons gladnie daardeur sê dit is nie nodig<br />
nie, of, as dit dan die minste is, wil ek dit nie hê nie maar liewer een van die<br />
ander.<br />
Ons gaan nou sien hoe ‘n wonderlike gawe die gawe van die spreek in tale<br />
is. Ons gaan nou sien wat ‘n magtige plek dit inneem in die werking van<br />
die Heilige Gees. Ons gaan sien hoe onvermydelik dit is, en dat sonder die<br />
spreek in vreemde tale geeneen van die ander gawes eintlik in werking kan<br />
kom nie. Die Here is so wonderlik! Die Apostel Paulus sê ook dat die lid<br />
van die liggaam wat die minste geag word, die meeste eer ontvang. Dit is<br />
‘n wonderlike diep studie waarop ons nou in besonderhede moet ingaan<br />
want dit is die aspek en die gawe wat die meeste aangeval word van al die<br />
nege gawes.<br />
Ons het die seën van die Here gevra voordat ons met dié studie begin het,<br />
en ek glo die Here gaan dit vir ons tot seën maak en dit ook vir die wat dit<br />
gaan lees. Ons lewe in die laaste dae, ons hoef dit nie te beklemtoon nie,<br />
almal besef dit, maar my hart is opgewonde want ek weet die Here gaan<br />
Homself nie sonder getuienis laat nie.<br />
67